‘কুফেৎ কাফেৎ’ হায়বা শৈরেংগী লাইরিক অমা ফোঙখ্রে
ইম্ফাল, মে ০২ : কোন্সম লোইদাংনা ইবা ‘কুফেৎ কাফেৎ’ হায়বা শৈরেং লাইরিক অমা ওল্ড এসেমব্লী হোলদা ফোঙখ্রে হায়রি। মালেম আইকোল (এম এ কে) গী ২৯ শুবা ফাউন্দেসন দেগা ঈরোয়ননা পাঙথোকখিবা লাইরিক ফোঙবগী থৌরম অদুদা সাহিত্য একাদেমী নিউ দিল্লী অমদি মণিপুরী এদভাইজরি বোর্ডকী কনভিনর নোংমাইথেম কিরনকুমারনা চীফ গেষ্ট, মালেম অইকোলগী প্রেসিডেন্ট ৱাইখোম মহেন্দ্র, কলামিনিষ্ট সোইবম ইন্দুকুমার অমদি সাহিত্য একাদেমী এৱার্দী ডা. লনচেনবা মীতৈনা মথংশিৎনা চীফ গেষ্ট, প্রেসিডেন্ট, গেষ্ট ওব ওনার ওইনা শরুক য়াখি।
ঙসি ফোঙখিবা কোন্সম লোইদাংনা ইবা ‘কুফেৎ কাফেৎ’ হায়রিবা শৈরেং লাইরিক অসিগী মরমদা নুংগী ওইবা শৈরেং লাইরিক অসিগী মতাংদা সাহিত্য একাদেমী এৱার্দী ডা. লনচেনবা মীতৈনা খুদম চাংদম কয়াগা লোয়ননা শৈরেং লাইরিক অসিনা পীনিংলিবা পাউজেলশিং ফোঙদোকখি। ঙসিগী শৈরেং লাইরিক ফোঙবগী অমদি অইকোলগী ২৯ লক শুবা ফাউন্দেসন দেগী থৌরম হৌদোকপগী ওয়েলকাম এদ্রেসনা য়ুম্নম মনিমোহোননা পীখি হায়খি।
সোর্স: হুইয়েন লানপাউ
0 কমেন্ট:
কমেন্ট তৌবিয়ু