ম্যানমারগী তাংবোদা ইরাবতকী মীতম মেমোরিয়েল পার্ক অমসু শারগনি
আগরতলা, অক্টোবর ২১ : ইংকুমজা ১৯৫১ দা লময়ানবা হিজম ইরাবতনা পুন্সিগী অরোইবা য়াহিপ তানখিবা ম্যানমার (বার্মা) দা মহাক্কী মীতম অমা খিনবগা লোয়ননা মহাক্কী মমিংদা পার্ক শাবগী থবক পায়খৎলে।
ম্যানমারদা হিজম ইরাবতকী য়াতাফম ওইখিবা সৈগাং স্টেটকী আপার চিন্দুইন ডিস্ট্রিক্টকী মনুং চন্না লৈবা তাংবো-সেদোদা মহাক্কী মীতম অমা থিনবগী লোয়ননা মহাক্কী মমিংদা মৌসোলিয়াম মেমোরিয়েল পার্ক (Mausoleum Memorial Park) অমা শাবগী থবক পায়খৎপা হৌখ্রে।
মণিপুরগী খুরাই বিধানসভা কেন্দ্রগী এম.এল.এ ওইরিবা এল সুশিন্দ্র মীতে মশামক ম্যানমারগী স্টেট অদুদা চৎতুনা পার্ক শাবগী থবক অদু পায়খৎপা হৌখিবনি।
মফম অসি মতম শাংনা কনা অমত্তনা মীৎয়েং চংদনা লৈবনা মরম ওইরগা তুরেলগী ইচেলনা লৈরায় চেন্থখিবদগী ইরাবতকী মথৌ মঙম পাঙথোকখিবা মফম অদুদি লৈরমদ্রে। অদুবু মহাক্কী মথৌ মঙম পাঙথোকখিবা মপা অদুদা ওইনা লমগী সেটলমেন্টগী থবক লোয়বগা উরেপ উয়ুং তমগনি হায়না এম.এল.এ সুশিন্দ্র মীতৈনা ফোংদোকখি।
ইরাবতকী মীতমসু মফম অসিদা লৈবা স্কল্পচর অমা থা অহুম রোমগী মনুংদা শাবা লোইশিনবা হায়খ্রে হায়রি। পার্ক অসি শাবা লোইশিনবগা মীয়ামদা খুৎশিন্নগনি হায়না এম.এল.এ সুশিন্দ্র মীতৈনা ফোংদোকখি।
সোর্স : মরূপ
0 কমেন্ট:
কমেন্ট তৌবিয়ু