• 14
• ২৬শে অক্টোবর ২০২৬ ইং
• Share on:

৯শুবা ইন্টারন্যাশনাল কনফারেন্স অন মণিপুরী লিটারেচার ২০২৬ বাংলাদেশতা পাংথোক্লগনি

 সিলেট, ওক্টোবর ২৫ : মণিপুরী লোন অমসুং সাহিত্যগী য়াম্না লিরবা অমসুং চাওখৎলবা ইতিহাস অমা লৈজৈ। বাংলাদেশতা মশীং লীকপগা কোন্ননা মায়োক্নরিবা অপল অথিং কয়াগী মরক্তসু লোন-সাহিত্য অসিবু য়োকখৎপা অমসুং শন্দোক্নবগী লৈবাক অসিগী মণিপুরীশিংনা লেপ্তনা হোৎনরি। মসিগী মতাংদা মণিপুরী লোন-সাহিত্যগী মরূ ওইবা লম মণিপুর অমসুং থংনবদা লৈরিবা আসাম, ত্রিপুরা, মেঘালয়নচিংবদা চেল্লিবা সাহিত্যগী ইচেলগা নক্নবা মরী অমা থম্বা তঙাইফদে হায়দুনা বাংলাদেশ মণিপুরী সাহিত্য সংসদ (বামসাস)-না চহী অমা কান্না কান্না মণিপুরী সাহিত্যগী ইন্টারন্যাশনাল কনফারেন্স শীন্দুনা লাক্লি। অদুগী মথং-মনাও ওইনা লাক্লিবা ৬ নভেম্বর ২০২৬ ইরাই নুমিৎ মৌলভীবাজার জেলাগী কমলগঞ্জ উপজেলাদা লৈবা আদমপুরবাজারগী তেতইগাঁওদা মণিপুরী কালচারাল কমপ্লেক্স-তা '৯শুবা ইন্টারন্যাশনাল কনফারেন্স অন মণিপুরী লিটারেচার ২০২৬' অমসুং 'অ্যাৱার্ড য়েন্থোকপ'গী থৌরম শিন লাংঙি। মসিদা বাংলাদেশকী অইবা-অইবী কয়াগা লোয়ননা মণিপুর, আসাম, ত্রিপুরা অমসুং কলকাতাদগী শক্নাইরবা অইবা-অইবী কয়াসু শরুক য়াগনি হায়রি।

সেশন অহুম থোক্না ​পাংথোক্কদবা থৌরম অদুগী অহান্বা সেশনদা 'ইন্টারন্যাশনাল সেমিনার ওন প্রফেসর নোংমাইথেম তোম্বী' (অ্যা গ্রেট এক্সপোনেন্ট ওফ মণিপুরী লিটারেচার)  হায়রিবা সেমিনার অসিদা ​চীফ গেস্ট  ওইনা শশী কুমার সিংহ, রিটায়ার্ড এডিশনাল সেক্রেটারি, গভ. ওফ বাংলাদেশ; স্পেশাল গেস্ট, এল. কুমার সিংহ, কবি অমসুং ড্রামাটিস্ট, ত্রিপুরা; মাইবম বীরেদ্র সিংহ, রিটায়ার্ড হেডমাস্টার, ভান্ডারীগাঁও হাইস্কুল;  ড. অনুরাধা নোংমাইথেম, স্কোলার, প্রফেসর নোংমাইথেম তোম্বীগী মচানুপী, মণিপুর; ​কী-নোট পেপার, এল. বীরমঙ্গল সিংহ, রাইটার, প্রেসিডেন্ট, মণিপুরী সাহিত্য পরিষদ, ত্রিপুরা; ৱাহৌদোক ওইনা এ কে শেরাম, প্রেসিডেন্ট, বামসাস, সেন্ট্রাল কমিটি, সিলেট, থৌরম অদুগী  থৌরম মপু এল. প্রশান্ত কুমার সিংহ, ভাইস প্রেসিডেন্ট, বামসাস, সেন্ট্রাল কমিটি, সিলেট'না ওইনি হায়রি।

অনিসুবা ​সেশনদা শৈরেং শৈদিন্নবা (কবি সম্মেলন) পাংথোক্কনি হায়রি। সেশন অদুদা গেস্ট ওফ ওনার ওইনা কবি তাহির সাজবম, কাছাড়, আসাম; কবি রঞ্জিতা সরকার, কলকাতা, পশ্চিমবঙ্গ; কবি এল. মিনা দেবী, আগরতলা, ত্রিপুরা; কবি থৌদাম নীলকুমার, আগরতলা, ত্রিপুরা শরুক য়ানি হায়রি অদুগা সেশন অদুগী ​থৌরমমপু ওইনা থোকচোম ওঙবী কৈনাহান দেবী  অমসুং কবি রওশন আরা বাঁশি খুংহৈবম মখোয় অনিনা ওইনি হায়রি।

অহুম সুবা সেশনদা ​'অ্যাওয়ার্ড গিভিং এন্ড ডিসকাশন' দা ​চীফ গেস্ট  ওইনা প্রফেসর ড. মোহাম্মদ জহিরুল হক, ভাইস চ্যান্সেলর, মেট্রোপলিটন ইউনিভার্সিটি সিলেট; স্পেশাল গেস্ট কবি নিতাই সেন, রিটায়ার্ড জয়েন্ট সেক্রেটারি, গভ. অফ বাংলাদেশ; কবি ব্রজকুমার সরকার, সম্পাদক, ত্রিষ্টুপ; কলকাতা, পশ্চিমবঙ্গ শরুক য়াগনি হায়না চেরোল অমদা থাদোরক্লি। 

চহী অনি অনি মতুং পীবা কুমসি চহীগী ওইনা নীলিমা সিনহা মেমোরিয়েল অ্যাওয়ার্ড ২০২৬ ড. হাওরোংবম রাজমনি সিংহ, রাইটার; প্রফেসর, হেড অফ মণিপুরী ডিপার্টমেন্ট, আসাম ইউনিভার্সিটি, শিলচর দা পিরগনি হায়রি।