• 263
• ১৯শে ডিসেম্বর ২০২৫ ইং
• Share on:

৪ শুবা ইন্টরনেসনেল রাইটর্স মিট পাঙথোকখ্রে

ইম্ফাল, দিসেম্বর ১৫:  ৱাইখোম লৈকায় এঠেলেটিক ক্লব অমদি অপুনবা খোরিরোলগী মালেমগী লুপ অনিনা পুন্না শিন্দুনা ৪ শুবা ইন্টরনেসনেল রাইটর্স মিট ২০২৫ অমদি নিংথেমচা সনা য়াইমগী ৭৯ শুবা মপোক কুমওনগী মনুং চন্না এৱার্দ খুৎশিন্নবা লোয়ননা খোরিরোলগী ফিদম ফম ১৫ দিসেম্বর ১৯১৪, শৈরেং শৈদিন্নখিবা নুমিৎ ওবজার্বেসন অমদি ইন্টরনেসনেল এন্দ নেসনেল স্পোর্টস মেদালিষ্টশিং ওকপগী থৌরম শিংজমৈ ৱাইখোম লৈকায় এঠেলেটিক ক্লবকি গ্রাউন্দা পাঙথোকখ্রে।
থৌরম অদুদা নিংথেমচা সনা য়াইমনা চীফ গেষ্ট, অপূনবা খোরিরোলগী মালেমগী লুপকি প্রসিডেন্ট রাইখোম অমুচৌনা প্রসিডেন্ট, ফেল্লো ওফ ইন্সটিইসন ওফ ইঞ্জিনিয়ার্স (ইন্দিয়া) রির্টয়ার এদি. চীফ ইঞ্জিনিয়ার ( ইলেক্ট্রিসিটি) খাগোকপম খম্বা, সোসিয়েল  ৱার্কর আরকে নোংদ্রেনখোম্বা, মণিপুরী লেঙ্গোয়েজ এদভাইজরি বোর্দ সাহিত্য একাদেমি ন্যু দেল্লিগী হান্নগী কনভেনর নোংমাইথেম কিরনকুমার অমদি ৱাইখোম লৈকায় এঠেলেটিক ক্লবকি প্রসিডেন্ট কেঐচ মুনাননা গেষ্ট ওফ ওনর ওইনা শরুক য়াখি।
দাক্টর ক্ষেত্রিময়ুম সুবদানিদা ৱাকমা, দাক্টর লোংজম শরতচন্দ্রদা শংবান্নবা খোরিলোয়, শগোলশেম মোহেন্দ্রোদা খোইরিলোনগী লৈচল লোয়ননা হুইদ্রোম ওথেলোদা থৌগল খোনগা মিংথোন পীদুনা সাইতেসন, লেংয়ান ফি পীদুনা ইকায় খুম্নখি।
থৌরম অদুদা নিংথেমচা সনা য়াইমনা হায়, মালেমগী মফম পুম্নমক্তা পাঙথোক্নবগুম মণিপুরদসু ৪ শুবা ইন্টরনেসনেল রাইটর্স মিটকি থৌরম ৱাইখোম লৈকাই এঠেলেটিক ক্লব অমদি অপুনবা খোরিরোলগী মীয়ামগী লুপ অনিনা পুন্না শিন্দুনা শৈরেং শৈদিন্নদুনা থৌরম পাংথোকপসি য়াম্না অফবা খোংথাং অমনি হায়না খল্লি। আর্টকি খোরিরোল অসিদা শুমাং লীলা নত্তনা মী কয়া তিন্দে। লমদম অসিগী শক তাকপসি ম্যুজিকি ইসট্রুমেন্টশিংসিনি। লুহোংবা, লান্না থৌরম পাঙথোকপদা পেন্না ঈশৈ শকপা হৌজিক য়াম্না চৎনরক্লে। মসিমক্না লদমসিগী শকতাকই। লিটরেচরগী লমদসু ৱারি মচা, লমকোয় ৱারিশিং অসি ইবা দরকার য়ান্না তাই। লাইরিক ফোঙলিবসি কয়াম পাই হায়বা খঙদোকপা মথৌ তাই। লমদম অসিদ লাইরিক পাবগী চাং য়ান্না ৱাৎলি।
য়াওলগী ইহৌদা ইন্টিলেক্টচুয়েলশিংনা তাঙ্কক নাইনা লাইরিক ওইনা ইথোকপা য়ান্না মথৌ তাই। অনৌবা য়াওল পুরক্নবা হোৎনবদা লাইরিক ওইনা ইথোক্তুনা পুথোকসি। খুন্নাইরোলগী ৱারিশিং অসি লাইরিক ওইনা অইবা অইবী শিংনা ইচং থৌনা লোয়না ইদুনা পুথোকসি। অইবা অইবীশিংনা মরক মরক্তা পুন্দুনা করম্বা অফবা লাইরিকশিং পুথোক্তুনা ইসিগে হায়বা খন্নবা চংই।
মণিপুরদা ঙল্লিঙৈ মতমদগী হৌনা লমদমসিগী লাইরিক লাইসু হৈরবা মীওই কয়ানা ইমা লৈবাকপু শৈথাদুনা শৈরেং কয়া ইদুনা পাথোক্তুনা লাকখি। শৈরাংবা শৈরাংবীশিংনা ইদুনা পুথোক্নরিবা শৈরেংসিং অসি ইমা লৈবাকপু শৈথাবা অমদি লমদম অসিগী নাৎ চৎনবী, পুন্সিরোলগী মহিং কয়াগী লাইরিক ওইনা ইদুনা মমল য়াম্নবা পুকৈ অমা ওইনা থম্বিরম্মি। শৈরেংবা শৈরেংবী কয়ানা ইরম্বা শৈরেং লাইরিকশিং অদু তুংদা হৌরক্লিবা মীরোলনা পাদুনা খুদুং ইন্দুনা ঙসি ফাওবদা শৈরেং লাইরিক কয়া ফোঙদুনা লাক্লি মসিমক ঐখোয় পুন্নমক্তি লাইবক ফবনি হায়না ফোঙদোকখি।

সোর্স : সঙাই এক্সপ্রেস