• 920
• ২৮শে জুন ২০২২ ইং
• Share on:

সিফাই লালহৌ অমসুং সনা চহী অহুম — রাজকুমার শ্রীস্নাহল সিংহ

নুপীগী নুমিৎ অসি অহানবদদি অকক্নবা নুমিৎ নৎত্রগা তাং লৈরমদবনা ফেব্রুয়ারি থাগী অরোইবা নৎত্রগা মার্চকী অহানবা চয়োলদা ওইনা অয়াম্বা মফমদা পাঙথোক্নরম্মী। অসুম্না ইং ১৯১০ দসু ইন্টারনেশনেল সোসিয়েলিষ্ট উইমেন কনফারেন্স ওন ৱার্কিং উইমেনগী মকোক অমদি এক্টিভিস্ট ক্লারা জেটকিন অমদি কেট ডানকেন না ডেনমার্ককী কোনুং কোপেনহেগানদা ইন্টারনেসনেল উইমেন্স ডে অসি লৈবাক শীন থুংনা পাঙথোক্নবা প্রোপোজ তৌরম্মী। অসুম্না অকক্নবা তাং হায়দ্রবসু চহী খূদিংগী লৈবাক খূদিংমক্না শুকশোয় শোয়দনা পাঙথোক্নবা হায়রম্মী। লৈবাক ১৭ তগী লাকপা নুপী মীহুৎ ১০০ রোম্নসু মখোয়গী প্রোপজ অদু য়েৎনবা লৈতনা য়ানরম্মী। অদুবু জার্মানীদদি মার্চ ৮ অসি নোংমাংজিং ওইবনা নুমিৎ অসিদা মালেমগী নুপীগী নুমিৎ হায়না ইহান হান্না পাঙথোকপা হৌখি। অদুদা মার্চকী তাং ১৯দনা অস্ত্রিয়া, ডেনমার্ক, সুইজারলেন্ড নচিংবা লৈবাকশিংদসু মালেমগী নুপীগী নুমিৎ হায়না পাঙথোকপা হৌরম্মী।

ইং ১৯০৮ দা মালেমগী লৈবাকশিংদা লৈরিবা নুপীশিংনা মখোয়বু হন্থনা য়েংবিবা, ওৎ-নৈবিবা, মী অমা ওইনা মখোয়গী ফংফম থোকপা হক ফংহন্দবগা লোয়ননা মখোয়বু ভোট পীবা য়াহন্দবনচিংবশিংসিগী পেন্দবা কয়ানা মালেমগী মফম কয়াদা নুপীশিংগী ওইবা পেন্দবগী ঈহৌ কয়া অমা শাগৎপা হৌরকখি। মসিগা ঈরোয়ননা নিউ ইয়র্ককী শহরদা সোসিয়েলিষ্ট পার্টি অব আমেরিকাগী নুপী লীশীং তরামাঙারোম্না অচৌবা প্রোসেসন অমা চৎতুনা মখোয়গী পেন্দবা কয়া খুদম ওইনা নুপশিংদগী মখোয়না খূৎশুমন হন্থনা পীবা, নুপাশিংনা পূং ১০ থবক শূবদা মখোয়না পূং ১৬ শূহনবা, থবক মফমদা সেক্সুয়েল হেরাসমেন্ট তৌবিবা অমদি মখোয়দা ভোট পীবা য়াহন্দবনচিংবা অসিগী মায়োক্তা অচৌবা সভা যাত্রা অমা পাঙথোক্লম্মী।

মসিগী ফল ওইনা ইং ১৯০৯ দা আমেরিকাগী মফম খরদা নুপীগী ‍নুমিৎ হায়না পাঙথোকপা হৌরক্তুনা চহী খূদিংগী লেপ্তুনা পাঙথোকপা হৌরক্তুনা চহী খূদিংগী লেপ্তনা পাঙথোকপা হৌরক্তুনা ইং ১৯১৩ ফাওবা লেপ্তনা পাঙথোকপা হৌরকখি। অসিগুম্বা নুপীগী নুমিৎ অসি অহানবদদি অকক্নবা নুমিৎ নৎত্রগা তাং লৈরমদবনা ফেব্রুয়ারি থাগী অরোইবা নৎত্রগা মার্চকী অহানবা চয়োলদা ওইনা অয়াম্বা মফমদা পাঙথোক্নরম্মী। অসুম্না ইং ১৯১০ দসু ইন্টারনেশনেল সোসিয়েলিষ্ট উইমেন কনফারেন্স ওন ৱার্কিং উইমেনগী মকোক অমদি এক্টিভিস্ট ক্লারা জেটকিন অমদি কেট ডানকেন না ডেনমার্ককী কোনুং কোপেনহেগানদা ইন্টারনেসনেল উইমেন্স ডে অসি লৈবাক শীন থুংনা পাঙথোক্নবা প্রোপোজ তৌরম্মী। অসুম্না অকক্নবা তাং হায়দ্রবসু চহী খূদিংগী লৈবাক খূদিংমক্না শুকশোয় শোয়দনা পাঙথোক্নবা হায়রম্মী। লৈবাক ১৭ তগী লাকপা নুপী মীহুৎ ১০০ রোম্নসু মখোয়গী প্রোপজ অদু য়েৎনবা লৈতনা য়ানরম্মী। অদুবু জার্মানীদদি মার্চ ৮ অসি নোংমাংজিং ওইবনা নুমিৎ অসিদা মালেমগী নুপীগী নুমিৎ হায়না ইহান হান্না পাঙথোকপা হৌখি। অদুদা মার্চকী তাং ১৯দনা অস্ত্রিয়া, ডেনমার্ক, সুইজারলেন্ড নচিংবা লৈবাকশিংদসু মালেমগী নুপীগী নুমিৎ হায়না পাঙথোকপা হৌরম্মী।

ইং ১৯১৭ তসু রাশিয়াগী নুপী কাঙবু খরনসু মতম অদুদা রাশিয়াদা চাক তাঙবা, লান শোক্নবনা মরম ওইদুনা শান্তি লৈতবা, নুপীশিংগী ভোট পীবগী হক লৈতবা অমদি নুপীশিংবু ওৎ-নৈরিবা অমদি হন্থনা য়েংবিবনচিংবা ময়ামসিগী মায়োক্তা পেন্দবা অমদি য়ানীংদবা ফোঙদোকপা ওইনা নুমিৎ মরিনিগী ওইবা অচৌবা আন্দোলন কয়া চঙশিন্দুনা মখোয়গী পেন্দবা ফোঙদোক্লম্মী। মীয়ামগী খোল্লাওনা কনবনা মরম ওইদুনা রাশিয়াদা ইং ১৯১৭ তা নুপীশিংবু ইহান হান্না ভোট পীবা য়াহনখি। আন্দোলনগী অহানবা নুমিৎ অদু মার্চকী তাং ৮ ওইখিবনা নুমিৎ অদু নুংঙাইবা ফোঙদোকপা ওইনা তাং ৮ অসি রাশিয়াদা মালেমগী নুপীগী নুমিৎ হায়না ইহান হান্না পালন তৌবা হৌখি।

অদুগী মতুংদা ইং ১৯৬০ গী অদুৱাইদদি মালেমগী মফম কয়াদা মালেমগী ওইবা নুপীশিংগী ঈহৌ কয়া চঙশিল্লকপনা মরম ওইদুনা ইং ১৯৭৫ দদি য়ুনাইটেড নেশন্সনা ঈহৌশিং অদু মালেমগী নুপীগী ওইবা ঈহৌনি হায়দুনা য়াবগা লোয়ননা ইং ১৯৭৭ তদি য়ুনাইতেট নেশন্সগী জেনারেল এসেমব্লীনা মেম্বার ষ্টেতশিংবু মার্চকী তাং ৮ বু অফিসিয়েল ওইনা লাউথোক্তুনা নুমিৎ অসি ছুটি ওইনা লাউথোক্নবা মেম্বার ষ্টেতশিংদা বার্তন তৌরম্মী। অসুম্না লৈবাক অয়াম্বনা মার্চকী তাং ৮ বু মালেমগী ওইনা য়ান্নরবা মালেমগী নুপীগী নুমিৎনি হায়না লৌনরম্মী।

মতৌ অসুম্না মালেমগী লৈবাক ৮০ রোমগী মথক্তা নুমিৎ অসিবু ছুটিনচিংবা লাউথোকপগা লোয়ননা নুমিৎ অসিদা মখল মখা কয়াগী মিটিং, খন্ন-নৈনবা অমদি এৱার্নেস প্রোগ্রামনচিংবা কয়া পাঙথোক্লৈ। অদুগা লৈবাক খরা খুদম ওইনা সোভিয়েট রিপাব্লিকানচিংবা লৈবাক ২৭ লোমনা মালেমগী নুপীগী নুমিৎ অসিবু জাতিগী থাক্তা ছুটি ওইনা লাউথোক্লম্মী।

মতৌ অসুম্না চাইনাদদি নুপীশিংবু ইকায় খুম্নবা উৎপা ওইনা থবক তৌবী নুপীশিংবু ছুটি তঙ্খায় পীরম্মী। অদুগা নেপালদনা নুমিৎ অসিদা নুপীশিংতগী ওইনা ছুটি পীরম্মী। অদুগা নুমিৎ অসিদা নুপাশিংনা সারপ্রাইজ গিফট, কার্ড অমদি লৈনচিংবা মখোয়গী খঙন-চান্নবা নুপীশিংদা খুদোল তম্বগা লোয়ননা নুপীশিংগী ওইবা ইসু অমদি প্রোব্লেমনচিংবা কয়াগীমরমদা খন্ন-নৈনবা, মিটিং অমদি এৱার্নেস প্রোগ্রামনচিংবসু মফম মফমশিংদা পাঙথোক্লৈ।

রাসিয়ানসু নুমিৎ অসি ছুটি ওইবগা লোয়ননা খঙন-চান্নবগী য়ূমদা চৎতুনা চাক চামিন্নবা, উনবা, ৱারী ৱাতাই শাবগা লোয়ননা লৈ, কার্ড, মিথাই অমদি অতৈ অতোপ্পা খুদোলপোৎ কসমেটিক্স, পারফিউমনচিংবা কয়াবু নুমিৎ অসিদা মাগী মাগী নুপী, মবোক, মচল-মচে, মচানুপীনচিংবশিংদা খুদোলপোৎশিংসি পীদুনা ইকায় খূম্নৈ। ইতালিদনা মখোয়গী মমা মচা, মাগী নুপী অমদি খঙন-চান্নবা নুপীশিংদা ইয়েলো ফ্লোয়ারনচিংবা পীবগী চৎনবী লৈবদা নৎতনা নুপীশিংগীতা ওইবা নুমিৎ অসিদা গভর্ণমেন্টনা শীন্দুনা হোস্পিটাল ২০০ গী মথক্তা ফ্রী মেডিকেল চেক-আপ তৌহল্লি।

পোলেন্ডসু নুমিৎ অসিদা মরু ওইনা নহা ওইবশিংনা মখল মখা কয়াগী লৈগী চবুল কয়া লম্বীদা, কৈথেলদা, মী তিনফম কয়াদা খঙন-চান্নবা নুপীশিংদা মখোয়বু ইকায় খুম্নবা ঊৎপা ওইনা খুদোল পীবগী চৎনবী লৈ। বলগেরিয়াদনা নুমিৎ অসি ছুটি ওইবনা নুপাশিংনা মখোয় মখোয়গী নুংশিনবা নুপীশিং অমদি খঙন-চান্নবশিংদা লৈ চরোং, মিথাই অমদি তোঙান তোঙানবা গিফ অমদি কার্ডনচিংবা পীদুনা ইকায়খূম্নৈ। অদুগা লাইরিক তম্ফমশিংদনা ছাত্রশিংনা মখোয় মখোয়গী নুপী ওজাশিংদা লৈ, কার্ড অমদি অতৈ অতোপ্পা ঙমজবা খুদোলপোৎ কয়া পীদুনা ইকায়খুম্নবা উৎলি। অদুগীসু মথক্তা নুমিৎ অসিদা অচৌ-অচৌবা কোম্পানী কয়ানসু অঙাংবা গোলাপ ময়াম লৈদুনা মখোয়গী থবক তৌবী নুপীশিংদা পীদুনা মখোয়বু ইকায়খুম্নবা উৎলি।

লন্ডনদনা নুমিৎ অসিদা নুপীশিংগী ওইবা ইসু অমদি প্রোব্লেম কয়াগী মরমদা খন্ন-নৈনবা, মিটিং তৌবা অমদি ওয়ার্কশোপনচিংবা মফম কয়াদা পাক শন্না পাঙথোক্নৈ। ভারত্তসু উইমেন এন্ড চাইল্ড ডিভেলপমেন্ট মিনিষ্ট্রিনা শীন্দুনা মার্চকী তাং ১দগী হৌদুনা তাং ৮ ফাওবা চয়োল অমা চূপ্না তোঙান তোঙানবা ইসু কয়া খুদম ওইনা জেন্ডার ইনইকুয়েলিটি, উইমেন এম্পোয়ারমেন্ট, ডিস্ক্রিমিনেশন এন্ড ভায়োলেন্স এগেনস্ট উইমেনচিংবা হীরম কয়াগী মরমদা খন্ন-নৈনবগী থবক অসি ভারতকী ষ্টেট কয়াদা চৎথদুনা লাক্লি। অদুবু হায়দ্রাবাদতদি চীফ মিনিষ্টার শ্রী চন্দ্রশেখর রাওনা থবক তৌবী নুপী খূদিংমক নুমিৎ অসিদা ছুটি পীথোকপগা লোয়ননা গ্রেটিং অমদি উইশনচিংবা কয়া পীদুনা মখোয়বু ইকায়খুম্নবা উৎলি। অসুম্না মণিপুরদসু নুমিৎ অসিবু নীংশিংবা ওইনা নুপীশিংগী ইকায় খুম্নবা উৎপা ওইনা করিগুম্বা খরদি তৌফম থোকপ্রা খল্লি।

কর্টেসি: পোক্নফম