• 775
• ৮ই ফেব্ররুয়ারি ২০২২ ইং
• Share on:

ইঙেল্লৈঃ মণিপুরগী অপূনবগী মশক তাক্লিবা শিঙেন লৈরাং —মোইরাইংথেম ওংবী মিনা লৈমা

চীংজাও নাপোম অনীদগী তম্পাক্লম তম্না চেন্থরকপা লাইজ ঈশিং তুংনফম থৌদু নুঙদা ফম চনুগী খোঙনম থুমফাওবা মোং হাদনা লেঙ, পিরাং শিন্থনা ইরোন্নুংদা নুংশিজবা মশাবীবু লাক্লিগদ্রা য়েং অসুম্না নুমিৎ শিংবূম কয়ানি থাঙজখি। লোয়বী চীংজাওগী হাইথরকপা নাপোম হাইফেৎ মতা ফবা থেন লৈরিবা ৱাংব্রেন নিংথৌ লাইম্বো মহাক্তুন থম্মোয়গী নুংশি মপাউ তমজখিবা মশাবী মাবু লাক্নিগদরা হায়না খুবাক লাইখল তা, খুনিং কাংনা য়েংজখিবা মফম ঙসি ঙসিমক লাইনিংগী খুভম ওইনা মাক খঙনদুনা হৈকৎ, লৈকৎ তম্নরিবা মফম অসিদনি শীঙেল লৈরাং ইঙেল্লৈ (ইঙাল্লৈ) তুংগী চারোল শুরোন্না ৱারী ওইনা খঙহৌরসনু মতা মওংগুম তাইবং মপুনা শীঙেল লৈরাং ওইনা অনাল খুন্দা লৈবা খুভম অসিদা হৌহল্লকপগী লাইনিং লাইগী থাজনবা লৈ। তাংবং মপোক অমগী লাংওননি খঙননবা শীংঙেল লৈরাং ইঙৈল্লৈ ঙসি ফাওবা নুজা কনাগী নাপদা চিন্নদে নৎত্রগা মপুগী খুয়াখাদা কৎনদে।

 চীংদা শাৎপী শীঙেল লৈরাং ‘ইঙেল্লৈ’

অদুঙৈদা খানা চাউবা ৱাংপুরেল হায়না খঙনরম্বা ঙসিনা মতমগী য়াওন্দা থৈথরকপা লোন্দা ‘ৱাংব্রেন ইপা’ হায়না খঙনরিবা সিনা লৈপাক নিংথৌ ওইনা পাল্লিঙৈগী মতমদা শীঙেল লৈরাং ‘ইঙেলৈ (ইঙাল্লৈ)’ ওইরকখিবগী ৱারী হৌরকখি। লৈশেম্লোন লাইনিংগা মরী লৈননা লৈরিবা ৱারীদা ৱাংব্রেন লাইবু পোকপা অতিয়া শিদবা ওইববু অনাল খুনগী খুল্লাকপনা লুরেল কত্তুনা পুখি। লাই ওইবা নৎত্রগা তাইবং মীওইবা কনানবু পন্থৌ মহাক্কী লুরেল কক্তুনা পুখিবা মশক খঙহৌদ্রবসু চৎখ্রিবা মায়কৈ অদুমদি খঙহৌখি। ৱাংব্রেন ইপা মহাক্তু চাউবা শারেপ ফারকপা অপাম নুংশি খঙলকপা, য়ূম্লেপ চারা তম্লকপা, পলেম মমাগী মীনুংশি মীৎয়েং খাদা পন্থৌ মশক খঙনবা, তাক্নবা হংজরকপা মতম ওইখি। থম্মোয়নুংদা ৱাহং কয়াশিং হংবনা পন্থৌগী খোঙ্গুল লীননবা লুৱাং নিংথৌ পুন্সিবগা লোয়ননা থৌরাং তৌরকখি। অসু্ম্না ঙসি ঙসিমক চান্ডেল দিষ্ট্রিক্টকী ওইনা অচৌবা কৈথেল ওইরিবা অসিগী মখা পাংনা কিমি: ১২ হাইগৎখ্রগা অনাল খুল হায়না খঙনবা লৈতেম মান্নবা থেল অমা লৈরিবা অসি লাইনিং লাইগী ৱারী ওইনা খুভম ওইনসু লৈরি, হৈরাং লৈরাং কৎনরি অমদি খুরম্নরি।

ৱাংব্রেন ইপা অমসুং লুৱাং পুন্সিবানা অনাল মপাননা পন্থৌগী লুরেল পুখিবা মায়কৈ অদোম লিক্লমদুদা খোঙ্গুল লীদুনা লাকপনা অনাল খুন য়ৌরকখি। মফম অসিদা খুল্লাকপগী মচানুপী চীংগী চনুগা উন্নখি। অহানবা উন্নবমক্তদা শামান লেংমান্নবা ওইবনা ৱাংব্রেন অমসুং খুল্লাকপগী মচানুপী মখোয় অনীগী থম্মোয়দা ফাওনবা নুংশিবা অমসুং নুংশিবগী মীৎয়েং কারল চন্নখি। অসুম্না তম্পাক্লমগী নিংথৌনি মশক তাক্নরবা মতম মতুংদা চীংগী চনুনা মোংবা মরানয়াইদা পুদুনা লাকখি। অনীংবা অমগা লোয়ননা লাকপনা ৱাংব্রেননা অনাল খুনগী মপান, মনুং অমদি অকোয়বদা অসুম য়েংলকপদা পন্থৌগী কক্তুনা পুখিবা লুরেল থেংনখি। মরক অসিদা ৱাংব্রেন অমসুং খুল্লাকপগী মচানুপী নুংশি পরৈ চেৎনা পুনখিবনা নুংশি ৱাইথুংনদুনা থুংনরবকান্দা ‘শনু লৈমা’ হায়না কোল্লোয় মিংলেন থোন্দুনা ফম্বাল কাহনগনি অসুম্নসু শরি ৱাশক্নখি। নোংমা নুমিৎ অমা চীংগী চনুনা ‘শম’ কোক্তা থোং লোক্তা লাইজা ঈশিং লৌবা চৎখিবগী খুদোংচাবা লৌরগা লুৱাং পুন্সিবা মতাউগা লোয়ননা ৱাংব্রেননা মপন পন্থৌগী অককপা লুরেল কোক অদুবু ঙবোং খাউদা য়োমদুনা মোংবা মরানয়াইদা তান্ন হল্লকখি।

`ইঙৈল্লৈ ‘ঙসি ফাওবা নুজা কনাগী নাপদা চিন্নদে নৎত্রগা মপুগী খুয়াখাদা কৎনদে

অনাল খুন খুল্লাকপগী চনু নিংঙোলনা শম কোক্তা থোং লাইজা ঈশিং-পুদুনা তম্পাক লমগী নিংথৌ থম্মোয়দা খোয়দানা নুংশিজবা মশাবী ৱাংব্রেন উজগনি খন্না মকা লাম্না ময়ূম মরান য়ৌরকপদা লৈরমদবদা নুংঙাইতবা, অৱাবা নিংঙমদবা মায়থোংদা তাখি। কোরৌ নুমিৎ মশীং য়ামখ্রে। মশাবী মশামক লাকখিদবনা তাজনিংবা মপাউ উজনিংবা মায়থোং উঙমদনা নুংশুক নুংজাননা অনাল চনু থম্মোয়দা অৱাবা পোৎলুম পুখি। চীংজাও নাপোম অনীদগী তম্পাক্লম তম্না চেন্থরকপা লাইজ ঈশিং তুংনফম থৌদু নুঙদা ফম চনুগী খোঙনম থুমফাওবা মোং হাদনা লেঙ, পিরাং শিন্থনা ইরোন্নুংদা নুংশিজবা মশাবীবু লাক্লিগদ্রা য়েং অসুম্না নুমিৎ শিংবূম কয়ানি থাঙজখি। লোয়বী চীংজাওগী হাইথরকপা নাপোম হাইফেৎ মতা ফবা থেন লৈরিবা ৱাংব্রেন নিংথৌ লাইম্বো মহাক্তুন থম্মোয়গী নুংশি মপাউ তমজখিবা মশাবী মাবু লাক্নিগদরা হায়না খুবাক লাইখল তা, খুনিং কাংনা য়েংজখিবা মফম ঙসি ঙসিমক লাইনিংগী খুভম ওইনা মাক খঙনদুনা হৈকৎ, লৈকৎ তম্নরিবা মফম অসিদনি শীঙেল লৈরাং ইঙেল্লৈ (ইঙাল্লৈ) তুংগী চারোল শুরোন্না ৱারী ওইনা খঙহৌরসনু মতা মওংগুম তাইবং মপুনা শীঙেল লৈরাং ওইনা অনাল খুন্দা লৈবা খুভম অসিদা হৌহল্লকপগী লাইনিং লাইগী থাজনবা লৈ। তাংবং মপোক অমগী লাংওননি খঙননবা শীংঙেল লৈরাং ইঙৈল্লৈ ঙসি ফাওবা নুজা কনাগী নাপদা চিন্নদে নৎত্রগা মপুগী খুয়াখাদা কৎনদে। অসিগুম্বা থৌদোক অমা থোকখি হায়বা ইঙেল্লৈ লৈরাং ওইনা পূম্নমক তুংওইনরম্লগা ঙসিদি লৈবাক্কী লুচিংবশিং কয়াসু য়াওনা চারৌ-মরৌনদুনা চাদা নাওদা কয়া তানরে। অদুবু লৈরাং অসিদি ঙসিফাওবা লৈশাৎ তম্লম্লগা অতিংঙা ওইনা লৈখোক্তগী কেন্দুনা মাঙলি। লৈরাং অসিগী পুন্সিবু নুংশিবীবা লোয়ননা লৈপাক অসিগী অপূনবগী মশক ঙাক্ননবগী ৱাখলোন্দা শীঙেল লৈরাং অসি নুজাশিংগী নাপদা চিন্নবা অমদি মপুগী খুয়াখাদা কৎপগী চৎনবী ঙাকপদা করি অকায়বা লৈরিবগে?
মালেম ইমাগী তম্পাক্তা লৈরিবা অনেম অৱাং তম্পাক লম চীং হায়না খায়নরগসু অদুঙৈ লাই হাক্তক্তগী নুংশিননা নুংশিবগী লিপূন্না পূন্দুনা লৈমিন্নরম্বা নৌহৌনা ঐখোয় পূম্নমক অমত্তা ওইনা নুংশি ৱাইথংনদুনা হিংমিন্নগদবনি হায়বসি চীংদা শাৎপী শীঙেল লৈরাং ‘ইঙেল্লৈ (ইঙাল্লৈ)’ গী পুন্সিনা ঐখোয় মীওইবদা খুদোম্বীনা থিন্দুনা তাক্লি। লৈরাং অসিগী পুন্সিবু নীংশিংদুনা মীওইবা ঐখোয় মশেল নুংশি চান্ননা হিংমিন্নসি লৈমিন্নসি মালেম ইমা লৈপাক তম্পাক্তা।

কর্টেসি – সঙাই এক্সপ্রেস