• 8
• ২০শে সেপ্টেম্বর ২০২৪ ইং
• Share on:

লাইরিক লাইশু হৈবনা টিভিদা ঙাংদুনা লৈরি ইরাবতগুম্বা ঙসিগী মণিপুরদা লুচিংবা লৈতে

মরূপ পাউমী, আগরতলা

লাইরিক লাইশু হৈরবা, থবক ইনখাং তৌরবা শেঞ্জাও পায়বশিংনা মশা মশাগী ওইজবা খক্কী য়েংলগা টিভিদা করিদা ৱা ঙাংলগা লোয়রে খল্লগা লৈখ্রে। অসোমদনা নুংতিগী শু-নোম্লগা হিংজবা লাইরবা শিন্মীশিংনা থৱায় পামুদনা থেংনদুনা লৈরি। তশেংনা মসি ইরাবত গুম্বা মমা লৈবাকপু নুংশিজবা অমদি মশাগী ওইজবা থিদবা লুচিংবা লৈরক্তবনা ঙসি মণিপুরগী ফিভমসি নোংমা-নোংমগী শোকচিল্লকপনি হায়না পোলিটিকেল এক্টিভিষ্ট সাপমচা কংলৈপালনা ফোঙদোকখ্রে।

মহৈরোয় লুপ অমনা শীন্দুনা থা অমা চুপ্না চত্থগদবা লময়ানবা ইরাবাত নীংশিং থাবুম থৌরম অমদা মহাক্না ৱাফম অসি ফোঙদোকখিবনি হায়রি।

মহাক্না হায়খি, ঙসি ইরাবত গুম্বা লুচিংবা অমা লৈরম্লবদি ঙসিগী ওইরিবা মণিপুরগী ফিভমসি ওইরম্মোয়। লমদম অসিদা মমা লৈবাকপু নুংশিজবা মমা লৈবাক নিংজবা মীগী মশীংদি অদুক্কী মতিক য়াম্না লৈ, অদুনবু মণিপুরদা খুল ঙাকপশিংনা মরৈবাক কন্নবগীদমক চোংথোরকপনি।

অদুনা য়েলহৌ ফুরূপ পুম্নমক্না ঐগী মীগী হায়বা থিনদনা পুম্নমক্না অমত্তা ওইনা লেপমিন্নদুনা ইমা লৈবাক মণিপুরবু কনসি অপুনবগী শক্তম ঙাকমিন্নসি হায়না মহাক্না ফোঙদোকখি হায়না ইম্ফালগী পাউদা হায়রি।

সোর্স: পোক্নফম