বাংলাদেশতা য়ুনেস্কোনা শক খঙলবা লাই হরাওবা পাংথোকখ্রে
আগরতলা, এপ্রিল ১৬ : য়ুনেস্কোনা শক খঙলবা লাই হরাওবা বাংলাদেশতা হন্দকসু হরাওখ্রে। যুনেস্কো অমসুং বাংলাদেশ নেশনেল ম্যুজিয়ম অনীগী মতেং লৌরগা অনীরকশুবা ওইনা বাংলাদেশতা অরিবা নাৎকী ওইবা লাই হরাওবগী থৌরম চৎখিবা এপ্রিল ৮ দগী এপ্রিল ১০ ফাউবা নুমীৎ হুম্নি চুপ্না পাঙথোকখ্রে।
মণিপুরদগী মুতুৱা ম্যুজিয়মগী ডিরেক্টর মুতুৱা বাহাদুরনা লুচিংদুনা মাইবা-মাইবী অমসুং বেন্ড পার্টি নচিংবা শরুক য়াখি অমসুং বাংলাদেশ মণিপুরী কালচারেল কমপ্লেক্স, সাধনা বাংলাদেশ, পোরৈ অপোকপা মরূপ নচিংবা অতৈ অতৈ লুপ কয়াগী মতেং য়াওনা আদমপুর বাজার, কমলগঞ্জ, তেতুইগাঁও দা নুমিৎ হুম্নি চুপ্পা 'ইমা মকোংলৈমা লাই হরাওবা' থৌরম অদু পাঙথোকখি।
লাই হরাওবা থৌরম অদুদা নেশনেল ম্যুজিয়ম, ঢাকা যুনিভার্সিটি নচিংবা মাইকৈদগী মশক নাইরবা স্কোলার মীওই কয়াসু শরুক য়াখি। লোয়ননা মণিপুরদগী পেট্রিওটিক রাইটার্স ফোরাম গী মীহুৎশিং অমসুং মমিং লৈরবী ফোক্ সিংগার বেনিতা লাইশ্রমসু শরুক য়াখি হায়না বাংলাদেশতগী ফংবা পাউদা হায়রি।
সোর্স : মরূপ
0 কমেন্ট:
কমেন্ট তৌবিয়ু