বাংলাদেশকী শক্নাইরবা কবি শেরাম নিরঞ্জনগী মমা লোকমণি দেবীনা লৈখিদবদা অৱাবা ফোংদোকনরক্লি
সিলেট, এপ্রিল ২০ : বাংলাদেশ মণিপুরী সাহিত্য সংসদকী হান্নগী প্রসিদেন্ট, শকনাইরবা কবি অমসুং অইবা শেরাম নিরঞ্জনগী মমা লোকমণি দেবী (৮৬) ঙরাং লৈখিদ্রে।
ঙরাং ১৯ এপ্রিল, নোংমাইজিং নুমীৎ নুংথিল পুং ১:৩০ রোম তাবা মতমদা সিলেট শহরগী লামাবাজারদা লৈবা মশাগী ময়ুমদা পুন্সিগী অরোইবা য়াহিপ তানখি। মহাক্না লৈখিদবা মতমদা মচা নিপা অমা, মচা নুপি অমা মশুশিং অমসুং লোয়ননা শাগৈ নাতৈ মরি-মতা কয়া থম্বীরম্মী। ঙরাং নুমিদাং সিলেট সিটিগী সাগরদীঘিরপাড়দা লৈবা মণিপুরী শ্মশানঘাটতা মহাক্কী অরোইবা থৌরম (অন্ত্যেষ্টিক্রিয়া) পাংথোকখিরম্মি।
কবি শেরাম নিরঞ্জনগী মমা লৈখিদবদা রবীন্দ্রসংগীত শিল্পী রানা কুমার সিনহা, বাংলাদেশ মণিপুরী সাহিত্য সংসদকী জেনারেল সেক্রেটারি নামব্রম শংকর, সিলেট দেবালয় রথযাত্রা উদযাপন কমিতিগী প্রসিদেন্ট প্রশান্ত কুমার সিংহ, জয়েন্ট জেনারেল সেক্রেটারি মিন্টু সিংহ, কবি এন. যোগেশ্বর অপু, সিলেট জেলা প্রেসক্লাবকী এ.জি.এস রবি কিরণ সিংহ রাজেশ, শ্রী শ্রী কৃষ্ণ বলরাম জিউড় আখড়া কমিতিগী জেনারেল সেক্রেটরি বিকাশ সিংহ রাজু অমসুং বাংলাদেশ মণিপুরী সাহিত্য সংসদ, মণিপুরী মিরর, মণিপুরী যুব সমিতি, বিশগাঁও মণিপুরী কল্যাণ সমিতি লোয়ননা লূপ কয়ানা অৱাবা ফোংদোরকখি অমসুং লৈহৌরিবা ইমুং-মনুংগী অৱাবদসু শরুক য়ারি হায়দুনা সোস্যাল মিডিয়া অমদি প্রেসকী খুত্থাংদা ফোঙদোক্নরকখি।
0 কমেন্ট:
কমেন্ট তৌবিয়ু