• 764
• ১৭ই মে ২০২২ ইং
• Share on:

মলয়া মোইরাংথেমনা ইবা `নঙগী চীনবানগী মচুনা’ কৌবা শৈরেং-লাইরিক অমা খুমন লম্পাক্তা ফোঙখ্রে

ইম্ফাল, মে ১৫ : প্রোগ্রেসিভ রাইটার্স এসোসিয়েসন মণিপুরনা শীন্দুনা ঙসি খুমন লম্পাক্তা লৈবা য়ুথ হোষ্টেলগী হোলদা মলয়া মোইরাংথেমনা ইবা `নঙগী চীনবানগী মচুনা’ হায়না মিংথোনবা শৈরেং-লাইরিক অমা ফোঙখ্রে হায়না প্রোগ্রেসিভ রাইটার্স এসোসিয়েসনগী সেক্রেটারী অঙৌবা তোংব্রমনা থাদোরকপা চেরোল অমনা ফোঙদোরক্লি।

চেরোল অদুনা মখা তারদুনা হায়, মলয়া মোইরাংথেমনা ইবা নঙগী চীনবানগী মচুনা হায়না মিংথোনবা শৈরেং-লাইরিক ফোঙবগী থৌরম অদুদা চীফ গেষ্ট ওইনা শরুক য়াখিবা সাহিত্য একাডেমী নিউ দিল্লগী মণিপুরী লেংগুয়েজ এদভাইজরি বোর্দকী কনভেনর নোংমাইথেম কিরনকুমারনা লাইরিক অদুগী মায়খুম হাংদোকখি।

লোয়ননা থৌরম অদুদা লূপ অসিগী ভাইস প্রেসিডেন্ট রাজকুমারী নির্মলাসু শরুক য়াখি। ফোঙখিবা শৈরেং লাইরিক অদুগী মরমদা মণিপুর য়ুনিভার্সিটিগী মণিপুরী দিপার্টমেন্টকী এসোসিয়েট প্রোফেসর ডা.ৱাহেংবম কুমারীনা মরিক চুম্বা পাউদম থমখি। লোয়ননা ঙসিগী শৈরেং-লাইরিক ফোঙবগী থৌরম অদুদা ইমাখোলগী ফাউন্ডার প্রেসিডেন্ট আর কে গুনচন্দ্র অমদি ধনমঞ্জুরি য়ুনিভার্সিটি মণিপুরী দিপার্টমেন্টকী ফেকাল্টি ডা. শরতচন্দ্র লোংজোম্বনা অখন্নবা লেংবীরকপা ওইনা শরুক য়াখি।

সোর্স: হুইয়েন লানপাউ