• 142
• ৬ই জানুয়ারী ২০২৬ ইং
• Share on:

মপোক কুমওন পাঙথোকখ্রে, নীংশিং মনাসু লান্থোকখ্রে 

ইম্ফাল, জানুয়ারি ০৩:  য়াইরিপোক থম্বালনু সাহিত্য মরুপ কম লাইব্রেরি য়াইরিপোক লীংখৎখিবগী চহী ৩৩শুবগী মপোক কুমওন থৌরম ঙসি য়াইরিপোক বামোল লৈকায়দা লৈবা সাহিত্যগী লূপ অসিগী শঙলেনদা পাঙথোকখ্রে। সাহিত্যগী লমদা কৎপা নীংশিংমনা লান্থোকপগা লোয়ননা লাইরিকসু ফোঙখ্রে।

ঙসিগী মপোক কুমওন থৌরম অদুদা ৱাংখেম এ সিগী এম এল এসু ওইরিবা এম পি সি সিগী প্রসিদেন্ত কৈশাম মেঘচন্দ্রনা অথোইবা মীথুং, য়াইরিপোক থম্বালনু সাহিত্য মরুপ কম লাইব্রেরিগী প্রসিদেন্ত রাজেন্দ্র মুতুমনা থৌরম মপু, সাহিত্য একাদেমি নিউ দিল্লীগী মণিপুর লেংম্বেজ বোর্দকী হান্নগী কনভিনর নোংমাইথেম কিরনকুমারনা অখন্নবা মীথুংলেন ওইনা শরুক য়াখি।

থৌরমগী শরুক অমা ওইনা ঙসিগী শরুক য়াখিবশিংনা লৈবাক্কী ঈরাংদা থৱায় কৎখবশিং অমদি সাহিত্য লুপ অসিগী লাইওইখ্রবা ফাউন্দর মেম্বরশিং অমসুং অতৈ লুপকী থৌগাই কয়া পুরম্বা মেম্বরশিং গী থৱায়না ঈংন-চিক্লা পোখনবা মিনিত ২২ তুমিন্না লেপ্তুনা অৱাবা ফোঙবা অমদি ইকায়খুম্নবসু উৎখি। মতুং তারকপা উশম নিলাচন্দ্র নীংশিং খোরিরোল মনা ২০২৫ মণিপুরগী মশক নাইরবা এৱার্দ কয়া ফংলবী অইবা হাওবম নলিনি দেবীদা মহাক্কী শৈরেংগী লাইরিক নুংশিথোইবা হায়বসিদা পীখি। য়াইরিপোক বামোল লৈকায়দগী এ আই
আরগী এপ্রব লিরিসিস্ত অমদি য়াইরিপোক থম্বালনু সাহিত্য মরুপ কম লাইব্রেরিগী ভাইস প্রসিদেন্তগী থৌসু পুরিবা উশম নিরঞ্জননা মহাক্বী অপোকপা লৈখিদ্রবী উশম নিলাচন্দ্রগী মিংদা কৎপা মনা অসিদা শাল, সাইতেসন অমসুং শেল ওইনা লুপা লীশীং ১০ য়াওবা কেশ এৱার্দ অসি ঙসিগী অথোইবা মীথুং লেন ওইখিবা এম পি পি সিগী প্রসিদেন্ত কৈশাম মেঘচন্দ্রনা অইবা হাওবম নলিনি দেবীদা খুৎশিন্নখি।

                ''উশম নিলাচন্দ্র নীংশিং খোরিরোল মনা ২০২৫'' অইবা হাওবম নলিনি দেবীদা খুৎশিন্নখিবা

থৌরম অদুদা য়াইরিপোক থম্বালনু সাহিত্য মরুপ কম লাইব্রেরিগী সেক্রেতরি লাইতোম হুইকপনা সেক্রেতরি রিপোর্ত অমদি এৱার্দ কমিতিগী চেয়ারমেন নিংথেমপীশক ৱাইরোকপম এৱার্দকী ৱারোলশিং থম্বীখিবগা লোয়ননা সাহিত্যগী লমদা শীনপাংলিবা তোঙান তোঙানবা মী কয়াদসু সাহিত্য লুপ অসিগী মায়কৈদগী শাল অমমম খুদোল তমদুনা ইকায়খুম্নবা উৎখি।

মণিপুরগী অমদি য়াইরিপোক মায়কৈগী মশক নায়রবা অইবা অমা ওইবতা নওনা য়াইরিপোক থম্বালনু সাহিত্য মরুপ কম লাইব্রেরিগী ফাউন্দর প্রসিদেন্ত রঘুবির থিয়ামনা অইবা আর্তিকলশিং খোমজিনবা লাইরিক নুমিদাং ৱাইরমসিদা অমসুং এম এফ রাহমন্না ইবা ৱারী মচাগী লাইরিক `অচেৎপা মরী' হৌনবী মতুং ইন্না ঙসিগী মীথুংলেনশিংনা ফোঙখি।
ঙসি ফোঙখিবা লাইরিকশিং নুমিদাং ৱাইরমসিদা হায়বসিগী মরমদা নোংমাইথেম কিরনকুমারনা অদুগা অচেৎপা মরীগী লাইরিক অসিগী মরমদা দাঃ সনাসম নবদ্বিপনা ৱা ঙাঙখি।

সোর্স : পোক্লফম