• 844
• ১০ই মে ২০২২ ইং
• Share on:

মণিপুর কালচারেল একাডেমিগী ২৫ শুবা কুমওন

ইম্ফল, মে ০৯ : মণিপুর কালচারেল একাডেমিগী ২৫ শুবা মপোক কুমওন থৌরম ঙসি শগোলবন্দ মৈনো লৈরক্তা লৈবা রাধা মাধব মান্ডবতা পাঙথোকখ্রে। থৌরম অসিদা কৈশামথোং এসীগী ৱার্দ নম্বর ৯গী কোর্পরেটর সোরাম সুনিলনা অথোইবা মীথুংলেন ওইরগা নেসনেল এৱার্দি লোইতোংবম অরেন্দ্রনা থৌরম মপু ওইখি অদুগা এ আই আর, নোর্থ ইষ্টকী তোপ গ্রেট ফোক সিঙ্গার ইরুংবম পদ্মবতিনা অখন্নবা মীথুং ওইখি। থৌরমগা মরী লৈননা খুলং ঈশৈ শৈশকপী পদ্মবাতিনা ফোঙদোকখিবদা সনা খুৎথেক হায়না ঈশৈ অমসুং জগোয় পূনবা মণিপুর কালচারেল একাডেমিগী ২৫শুবা মপোক কুমওন ঙসি পাঙথোকপনি। কালচার হায়বসিদা মণিপুরগী ফোক শোং অমসুং জগোয়গী খুৎথেকশিংগী ফীভম অসুক্কী মতিক পাক চাওখ্রে। লোয়ননা একাদেমি অসিনা ঙসিদি চহী ২৫ মপূং ফারক্লে। তুংগী হৌরক্লিবা মীরোলগী ইচা ইশুশিংদা লৈজরক্লবা মখোয়গী টেলেন্টশিং পুথোক্তুনা চাওখৎনবা একাদেমি অসিনসু মীৎয়েং থম্লি। হোৎনজরকপশিং মরী লৈননা মিনিষ্ট্রিনসু মশক খঙবীবদগী লোইতোংবম অরেন্দ্রদা নেসনেল এৱার্দ ফাওবা পীরক্লিবনি হায়খি।

মরম অদুনা ঐখোয়গী লৈজরক্লিবা ফোক শোংশিং অসি কম্পাইল তৌরগা পুথোকপা য়াবা মিউজিক অমসুং দান্স হায়বরোমদা পুথোক্নবা হোৎনরকপনি। মণিপুরগী ফোক শোং হায়বসিদসু জগোয়গী শরুক য়াওরি। অদুগা মণিপুরগী জগোয় রাস মালেমদা মমিং চৎলিবনি। ঐখোয়গী লাই হরাওবদগী শেমদোক্লগা পুথোকপা জগোয়গী তোঙান তোঙানবা মশকশিংসু লৈরি। গৌড় লাইনীংগী চৎনবীদা লুপখিবদগী ঐখোয়গী কালচারদা থৎখিবা শরুক খরা য়াওবদগী লান্না উবনি। ঐখোয়গী ট্রেডিসনগী ওইনা লৈজরক্লিবা জগোয় ঈশৈ অসিদি মাঙখিদনবা হোৎনগদবনি হায়খি।

সোর্স: হুইয়েন লানপাউ