আগরতলা, জুলাই ০৬ : নৃত্যগুরু বুদ্ধিমন্ত রাজকুমারগী মমৌ নুপী মঠচৌমুহনীগী লাইশ্রবম নিঙোল নিংথেম ওংবী রাধারানী দেবী ঙসি জুলাই ৬, নুংথিলদা কৃষ্ণখুয়াদা তানখ্রে। মশাগী চহী ৯১ শুখ্রবী মহাক্না লৈখিদবা মতমদা মমৌ নুপী অমসুং মচা নুপী অমা (প্রতিভা) য়াওনা মশুশিং থম্লম্মী।

চৎখিবা জুলাই তাং ৩, নিংথৌকাবা নুমিৎ ব্রেইন ষ্ট্রোক ওইদুনা আই, জি, এমদা পুখৎতুনা আই.সি সি ইউদা লাইকন্ননা লৈখি। অহল ওইরকপগী লায়না হাইপার টেন্সিভনা মরম ওইদুনা মশা ঙমদনা লৈখিবনি।

নিংথেম ওংবী রাধারাণী, ইং ১৯৩২ বিশগাঁওদা (হৌজিক্না বাংলাদেশ) পোকখি। মচিন মনাও ৫ গী মনুংদা নুপীদা অতোম্বনি। মৌপা অমখক এল রাধামোহন খোয়াইদা লৈ। নৃত্যগুরু রাজকুমার বুদ্ধিমন্তগী মচানুপা লৈখিদ্রবা রাজকুমার ইন্দ্রজিৎকা পুন্সি লৈপুন্নখি। মচা নুপা অমা (কিশোর) মচা নুপী অনী (প্রনতী, হাপতী) মতম চাদনা তাইবঙপান থাদোকখি। মহাক মতম শাংনা অহল ওইবগী মশা ঙমদনা লৈরকখিবনি।

 সোর্স: মরূপ