নুমিৎ নিনিগী সেমিনার হৌদোকখ্রে
এপ্রিল ২১, ইম্ফাল : মণিপুরী দিপার্টমেন্ট, মণিপুর য়ুনিভার্সিটিনা মহারাজকুমারী বীনোদিনী দেবীগী চহী চাম্মা শুবা মপোক কুমওনগা মরী লৈননা ‘মণিপুরী লেঙ্গুয়েজ, লিটরেচার, কালচার এন্দ ফোল্কলোর’ হায়বা বেন্নারগী মখাদা নুমিৎ নীনীগী চত্থগদবা সেমিনার ঙসি মণিপুর য়ুনিভার্সিটিগী মণিপুরী দিপার্টমেন্টদা লৈবা কাংশঙদা হৌদোকখ্রে।
হৌদোকপগী থৌরম অসিদা মণিপুর য়ুনিভার্সিটিগী ভাইস চাঞ্চেল্লর প্রোফেসার এন. লোকেন্দ্র সিংহনা মীথুংলেন, স্কুল ওব হিউমেটিজ এময়ুগী দিন প্রোফেসার নহাকপম অরুনান অখন্নবা মীথুং অমদি মণিপুরী দিপার্টমেন্ট, মণিপুর য়ুনিভার্সিটিগী হেদ প্রোফেসার তোইজম তম্ফানা থৌরম মপু ওইখি।
ঙসি সেমিনারগী অহানবা নুমিৎকী অহানবা সেসনদা রিটয়ার্দ প্রো: রাজেন তোইজাম্বনা মোদরেটর ওইরগা ডাক্টর চিরোম রাজকেতন, ডাক্টর অথোকপম খোরচন্দ্র অমসুং এম দয়ামনদা পেপর লান্থোকখি। অনীশুবা সেসনদনা প্রো: নহাকপম অরুনানা মোডরেটর ওইরগা ডাক্টর কোইজম শান্তিবালা, ডা: ৱাহেংবম কুমারী চনু, ডা: নাওরেম সনাতোম্বা অমসুং ৱাহেংবম সুবাশচন্দ্রনা পেপর লান্থোকখি।
হয়েং সেমিনারগী নীনী চনবা অরোইবা নুমিত্তনা রিটয়ার্দ প্রো: পোলেম নবচন্দ্র সিংহ, প্রো: এল বীরজিতা দেবী, প্রো: তোইজম তম্ফা অমসুং রিটয়ার্দ প্রো: এস সনাতোম্বীনা মখোয়-মখোয়গী পেপারশিং লান্থোক্কনি হায়রি।
সোর্স: সঙাই এক্সপ্রেস।
0 কমেন্ট:
কমেন্ট তৌবিয়ু