• 892
• ২৩শে এপ্রিল ২০২২ ইং
• Share on:

ইমা লৈহাওবী নীংশিং খোরিরোল মনা থবাতোম্বীদা লান্থোকখ্রে

ইম্ফাল, এপ্রিল ২১: ডাঃ শশীকুমার য়ুরেম্বমনা কৎপা নোংচুপ হারম খোর্জৈলুপ (নোহাখোল) গী অহানবা ইমা লৈহাওবী নীংশিং খোরিরোল মনা ২০২২ অইবী থবাতোম্বী ঙাংবমনা ইবা ‘পুন্সিগী অতিয়া’ কৌবা শৈরেংগী লাইরিক্তা ঙসি খুৎশিন্নখ্রে হায়রি। শেল ওইনা লুপা লিশিং ৫, সাল অমা, সাইটেসন অমা অমদি মেমেন্তো অমা য়াওবা মনা অসি ঙসি নুংথিল য়ুরেম্বম অৱাং লৈকাই কম্ম্যুনিটি হোলদা পাঙথোকখিবা নোহাখোলগী ৩২ শুবা মপোক কুমওন থৌরমদা লান্থোকখিবনি।

থৌরমসিদা নোংমাইথেম কিরন কুমার, কনভেনর, মণিপুরী লেঙ্গুয়েজ এদভাইজরি বোর্ড সাহিত্য একাডেমি, নিউ দিল্লী, ডাঃ শমীকুমার য়ুরেম্বম, প্রেসিডেন্ট, নোহাখোল, লাঙ্গোল, ইবোয়াইমা, এদভাইজর, নোহাখোল অমদি ডাঃ শরতচন্দ্র লোংজোম্বা, সিনিয়র ক্রিটিক, নোহাখোলনা মথংশিৎনা অথোইবা মীথুংলেন, থৌরম মপু অমদি অখন্নবা মীথুংশিং ওইনা শরুক য়াখি। থৌরমসিদা লুপসিগী চহিগী চেফোঙ ‘ঈচেল’ অমদি ডাঃ য়ুম্নামনা ইবা ‘থেংখৌ লাংপুমলোন’ ফোঙদুনা মীয়ামদা খুৎশিন্নখি হায়রি।

সোর্স: সঙাই এক্সপ্রেস।