আগরতলা, আগষ্ট ০৮ : আগস্ট থা অসিনা হেক লাকপদা মণিপুর নীংতম ঙাকপদা থৱায়না পোন্থা পীখ্রবা অথৌবশিংবু নীংশিংলকই। ইং ১৮৯১ দা বৃটিশকী মায়োক্তা মণিপুরগী নীংতম ঙাক্ননবা হোৎনবদা মণিপুর মপারী অনী যুবরাজ টিকেন্দ্রজিৎ অমসুং থাঙ্গাল জেনারেলবু বৃটিশনা আগস্ট ১৩ দা ফাঁশি য়ান্দুনা হাৎখিবা নুমিৎসি চহী খুদিং তৌনা হন্দকসু ত্রিপুরাদা অথৌবা নীংশিং নুমিৎ হায়না পালন তৌগদৌরি।

মণিপুরদা কাঙলুপকী ঈরাংনা মরম ওইদুনা হন্দক চহী অচম্বা থৌরমদা মণিপুরী লিটরেরী এন্ড কালচারেল ফোরাম, লময়ানবা, মরূপ পাউচে অমসুং তখেল লৈমা তেংবাং লুপনা শীল্লাংদুনা শ্রদ্ধাঞ্জলি কৎপগী থৌরম পাঙথোক্কনি হায়রি। থৌরমগা মরী নৈনা হন্দক চহী মেত্রিকতা ফার্ষ্ট ডিভিশন পাশ তৌবা লৈকাইগী মৈতৈ মহৈরোইশিংবু ওক্তুনা ইকাইখুম্নগনি হায়রি।

সোর্স : মরূপ