থা অহুম লেপ্পা নাইদনা মণিপুরদা ঈরাং ত্রিপুরাগী মৈতৈদা করি ওইবা
আগরতলা, আগষ্ট ০৮ : মথং চহী ২০২৪ দা ভারত্তা লোকসভাগী মীখল অতৈ থা খরা খক্তা ঙাইরে। অৱাং নোংপোক্তগী লোকসভা সীট ২৫ মায় পাক্তবা য়াদে হায়বসি বিজেপিগী নুংগী ওইবা পান্দমসি ফোঙদোকপসু লৈখ্রবনি। মণিপুরদা হৌজিক থোক্লিবা কাঙলুপকী ঈরাং মরক অসিদা অমুক নুপী অনী ফি থোংদনা সেক্সুয়েলল হেরাসম্যান তৌখিবগী ভিডিও ফুটেজ অমা মেডিয়াদা ভাইরেল ওইখিবগী প্রধানমন্ত্রীগী মীৎতা তারদুনা থৌদকা অদুগী থম্মোয় শোক্না নুঙাইতবা ফোঙদোকখি।
থা অনী মখায় তুমিন্না মচীন ফোৎচিন্দু লৈরুরবা প্রধানমন্ত্রীনা খংপ্রেক খংনা মণিপুরদা লিশিং লিীশং থৌদোক কয়াগী মনুংদা হায়রিবা থৌদোক অদুখক্তগী ভিডিও মীৎতা তারুদুনা ফুরূপ অমবু ঈঙ্গিত তৌরগা মণিপুরনা ভারত অসি মালেমগী মীয়াম মমাংদা ইকাই ফিরুক খুমহল্লে, মায় চোপহল্লে হায়বগুম্না ফোঙদোকখিবা মতুংদগী মথং মথং অতৈ রাজ্য কয়াদা থৌদোক অদুগী হৌজিকসু প্রোটেষ্ট রেল্লি লেপ্পা নাইদ্রি।
তিপ্রা মথা উইং ত্রিপুরা উইমেন্স ফেডারেশন্না ধরাই জিলাদা থোকখিবা প্রোটেষ্ট রেলিদা কুকীগী মীচংদা লৈরগা মখোয়গী ডিমান্ডবু শৌগৎখি। নুপীগী ইজ্জৎ খোঙ্গোইনখিবা থৌদোক অদুনা মরম ওইদুনা মীতৈশিং মিজোরামদা লৈবা য়াদ্রে। মৈতৈশিং মিজোরামদগী চৎখ্রো হায়বা খোল্লাও অমনা অমুক রাজনীতিগী মচু অমদা খোঙদারক্লি। মসি প্রধামন্ত্রীগী পাঙদবা থৌদৌ অদুনা ফুরূপ অমবু মরাল শিবগুম ঈঙ্গিত তৌখিবদগী ওইরকপনি হায়রি।
মসিগী প্রভাব অসি কদায় ফাওবা ত্রিপুরাদা মশীং লিক্না লৈবা মৈতৈশিংদা তাররক্কনি হায়বসিনি। ত্রিপুরাগী মৈতৈ লুপ কয়ানা মণিপুরগী ঈরাং লাকশিন্নবা অমদি শান্তি পুরক্লবগী দাবীদা ডিএমগী খুত্থাংদা প্রধানমন্ত্রীদা মেমোরেন্ডাম পীখিবা লৈখ্রে। আগরতলা ৱাংমদা অতৈ মফম কয়াদসু শান্তিগী খোঙচৎ পোকপসু য়াওখ্রে।
অদুবু নুপীগী ইজ্জৎ থোঙ্গোইনখিবা তমথিরবা থৌদোক অদুগী প্রভাব অদুদি ভারতপুম্বদা শন্দোকখি। ভিডিও অমখক্কী ভাইরেলনা মিজোরামদা মৈতৈশিং অৱাবা তারে। রাজ্য অদু থাদোকপা তাখি। তৌববুদি থা খরতা ঙাইরে মিজোরাম বিধানসভা মীখল। মথংদা লোকসভা মীখল।
সোর্স : মরূপ
0 কমেন্ট:
কমেন্ট তৌবিয়ু