• 728
• ৯ই অগাস্ট ২০২৩ ইং
• Share on:

থোকচম কমলেশ্বরনা লৈখিদবদা অৱাবা ফোঙদোক্নরকখ্রে 

 আগরতলা, আগষ্ট ০৪ : সাহিত্দা থৱায় য়াওজবা মণিপুরী সাহিত্য পরিষদগী মতম শাংনা লাইব্রেরীয়ানসু ওইবিরম্বা থোকচোম কমলেশ্বরনা লৈখিদবদা অৱাবা অমদি নুঙাইতবা ফোঙদোক্নরক্লি। অহল ওইরকপা অমদি ক্যান্সার লায়ননা মরম ওইদুনা চৎখিবা জুলাই ৩১, শিবনগরগী মশাগী শঙ্গায়দা অরোইবা য়াহিপ তানখি। 
চহী ৮১ শুখ্রবা লৈখিদবা মতমদা মহাক্না লোইনবী, মচানুপা, মমৌ নুপী য়াওনা মরীমতা কয়াসু থম্বীরম্মী। মহাক্না লৈখিদবদা সি.পি.এম পলিট ব্যুরো  মেম্বর অমদি হান্নগী সিএম মানিক সরকার, সিপিএম সেক্রেটারী জেনারেল সীতারাম ইয়েচুরী, হান্নগী মন্ত্রী মানিক দে, রতন ভৌমিক নচিংবা লূচিংবশিং য়াওনা খুন্নাইগী মীওই কয়ানা অরোইবা শ্রদ্ধাঞ্জলি কৎতুনা ইকাইখুম্নখি। মণিপুরী সাহিত্য পরিষদ, আগরতলা প্রেস ক্লাব, ত্রিপুরা ৱার্কিং জার্নালিস্ট এসো: অমদি মরূপ পাউচেগী মাইকৈদগীসু অৱাবা ফোঙদোকখি। 
থোকচোম কমলেশ্বর সিংহ, ইং ১৯৪২ বাংলাদেশকী সিলেটতা পোকখি। মচীন-মনাও মঙাগী মনুংদা অহলনি। অপোকপা থোকচোম কর্ণমণি সিংহ, বৃটিশ লৈঙাক্কী পুলিশ ওইরম্মী। অপোকপী উমারাণী সিংহ কৌই। ইং ১৯৪৭ দা ভারত-পাকিস্তান খায়দোক্নবা মমতমদা মখোয় আসামগী করিমগঞ্জদা মথং ত্রিপুরাদা লাক্লগা খুন্দারকখিবনি। কমলেশ্বর কটক এগ্রিকালচার য়ুনিভার্সিটিদগী এগ্রি বিএসসি পাশ তৌখি। 
ত্রিপুরা এগ্রিকলচার ডিপার্টমেন্টকী ডেপু্টি ডিরেক্টর ওইনা থবক ওইরম্বদগী পোত্থাখিবনি। মহাক্কী মচা নুপা রাহুল সিনহা ডেইলি দেশের কথাগী সিনিয়র রিপোর্টর অমসুং শক্নাইরবা কবি অমনি। 
সোর্স : মরূপ