সুশিলা অমদি বিচু উইমেন্স নেসনেল কেম্পকী স্কৱাদ লাউথোকপদা য়াওরে
নিউ দিল্লী, দিসেম্বর ৩০ : হন্দক্তা স্পেনদা অহানবা ওইনা পাঙথোকখিবা এফ আই ঐচ উইমেন্স নেসন্স কাপতা ইন্দিয়ানা উইনার ওইদুনা এফ আই ঐচ হোক্কী উইমেন্স প্রো লীগ ২০২৩-৩৪ কোয়ালিফাই ওইবা ঙমখিবগী কনফিদেন্ট ৱাংনা লৈরিঙৈ মতম অসিদা লাক্কদৌরিবা টুর্ণামেন্টশিংগীদমক শেম শানবা ঙসি হোক্কী ইন্দিয়ানা মেম্বার ৩৩না শাবা উইমেন্স নেসনেল কেম্পকী স্কৱাদ লাউথোকপদা মণিপুর ষ্টেটকী শান্নরোয় সুশিলা চনু পুখ্রম্বম অমদি বিচু খারিবম য়াওরক্লে।
ইন্দিয়ান উইমেন হোক্কী টিমগী কেম্প অসি মথং চহীগী জানুয়ারী ২ দগী ১৩ ফাওবা বেঙ্গলোরদা চত্থগদবনি। মদুগী মতুং জানুয়ারী ১৪দগী সাউথ আফ্রিকাদা অহানবা ওইনা টুর চৎকনি অমদি মথং-মথং জানুয়ারী ২৮ ফাওবা মখা চত্থগনি। ইন্দিয়ান উইমেন্স হোক্কী টিমগী নেসনেল কেম্পতা য়াওরিবা শান্নরোয়শিং অদুদি-এক্সপেরিয়েন্স লৈরবা গোলকিপার সভিতা, রাজানি, বিচুখারিবম অমদি বন্সারি, দিফেন্দারদা দিপ গ্রেস, গুর্জিৎ কোর, নিকি প্রধান, ইশিকা, অক্সতা, দেকালে, উদিতা, রিট অমদি মহিমা চৌধুরি, মিদফিল্ডারদা নিশা, সালিমা টেটে, সুশিলা চনু পুখ্রম্বম, জ্যোটি, নবজোট কোর, মোনিকা, মারিয়ানা কুজুর, সোনিকা, নেহা, বালজিৎ, রিনা, ভাইস্নাভি অমদি অজমিনানি।
ফোরৱার্দতা লালরেমসিয়ামি, নবনিট, বন্দনা শর্মিলা, দিপিকা, সঙ্গিতা কুমারী, রানী অমদি ব্যুটি দুংদুংনি। পনবা য়াবদি, ভেলেন্সিয়াদা শান্নখিবা এফ আই ঐচ উইমেন্স নেসন্স কাপ ২০২২ গী ফাইনেলদা ইন্দিয়ান উইমেন্স হোক্কী টিমনা স্পেনবু মায়থীবা পীরম্লগা উইনার ওইখিবনি।
সোর্স: হুইয়েন লানপাউ
0 কমেন্ট:
কমেন্ট তৌবিয়ু