মণিপুরী সাহিত্য পরিষদ, আসামগী তোঙান-তোঙানবা ডিষ্ট্রিক্ট কমিটিনা মীতৈ ময়েক তম্বী তাকপীবগী থৌরম লেপ্তনা চত্থরি। হোজাই ডিষ্ট্রিক্ট কমিটি অমদি সেন্ট্রাল কমিটিনা খূৎশম্নরগা হোজাইদা নুমিৎ তরা’নিগী মৈতৈ ময়েক তাকপী তম্বীবগী থৌরম অমা ঙরাং জুলাই ১৬ দা হৌদোকখ্রে। হৌদোকপগী থৌরমদা সেন্ট্রাল কমিটিগী প্রেসিডেন্ট ড. ফুরিৎসাবম বীরমনি শরুক য়াখি। থৌরমদা রিছোর্স পার্সন ওইনা মনিকুমার নাওরেমচা, রনিতা দেবী অমসুং এস হেমন্ত শরুক য়াখি।

ময়েক অসি তম্বীবা অহানবা নুমিৎতা মহৈরোই ১২০ হেন্না শরুক য়াখি হায়রি। ঙরাং নুমিৎ অসিমক্তদা কামরূপ ডিষ্ট্রিক্ট কমিটি অমদি অতৈ ব্রাঞ্চনা শীন্দুনা মহৈরোই ১০০ না শরুক য়াদুনা নুমিৎ তরানিগী মীতৈ ময়েক তম্বগী থৌরমসু হৌদোকখ্রে। হৌদোকপগী থৌরম অদুদা থৌবুরেনশিং শরুক য়াখি হায়না শিলচরদগী ফংবা পাউদা হায়রি।

সোর্স: মরূপ পাউচে