• 363
• ১৯শে জুলাই ২০২৫ ইং
• Share on:

মণিপুরী অটনোমাস কাউন্সিলগী দাবী কনখংলক্লি

 শিলচর, জুলাই ২০ : আসামদা মণিপুরীশিং অটনোমাস কাউন্সিলগী দাবীদা লেপ্তনা খোঙজং চত্থরক্লি। মণিপুরী অটনোমাস কাউন্সিল ডিমান্ড কো-অর্ডিনেটিং কমিটিনা শীন্দুনা শহীদ ক্ষুদিরাম বোসকী মীতম মমাংদা মণিপুরী অটনোমাস কাউন্সিল দাবীদা সীট-ইন-ডোমোন্সট্রেশনসু পাঙথোকখি।

মখোয়গী দাবীসি আসাম মুখ্যমন্ত্রীনা য়েংশিনগনি হায়না থাজবা পীরম্লবসু হৌজিক ফাওবা করিমত্তা খোঙথাং লৌখৎপা লৈতে হায়না ৱাকৎলদুনা সীট ইন ডেমোন্সট্রেশন খোঙজং অসি চত্থবনি হায়রি। মখোয়গী দাবীসি লোকেল এম.এল.এ, মন্ত্রিবুসু খঙহনবা লৈখ্রবনি হায়রি। আসামগী তোঙান তোঙানবা ডিষ্ট্রিক্ট চোইজাইননা মণিপুরীশিং চহী চা তরুক্তগী খুন্দানা লৈরক্লিবনি। অরিবা ফুরূপ য়েলহৌমী মণিপুরীশিংদী দাবী অসি চৎখিবা আসাম বিধানসভা মীখল মতমদা লক্ষিপুরদা মূখ্যমন্ত্রীনা দাবীগী মতাংদা থাজবা পীবিরমখি হায়রি।

সোর্স: মরূপ