লিসিপ্রিয়া কাঙুজমদা মিল্লেনিয়েল এক্স এৱার্দ ২০২৩ পীদুনা ইকায়খুম্নখ্রে
ইম্ফাল, দিসেম্বর ২২ : মালেমগী মীয়াম্না শকখঙনরবী শক্নাইরবী এনবাইরোনমেন্ত অমসুং ক্লাইমেত চেঞ্জ এক্তিবিস্ত লিসিপ্রিয়া কাঙুজমদা নিউজ এক্স, ইন্দিয়া নিউজ, সন্দে গার্জিয়ান অমসুং বিজিনেস ৱার্ল্ডনা মহাক্না অঙাং ওইনা মালেমগী লৌরিবা থৌদাং অসিবু শকখঙবা ওইনা লেমজনিংঙাই ওইরবা মিল্লেনিয়েল এক্স এৱার্দ ২০২৩ পীদুনা ইকায়খুম্নবা উৎখ্রে।
লিসিপ্রিয়ানা হন্দক দুবাইদা পাঙথোকখিবা য়ুনাইতেদ নেসন্স ক্লাইমেত কনফারেন্স ২০২৩ (কোপ ২৮) দা লোইবা নুমিৎ নোংমা শাংথদুনা পুন্না ৱারেপ লৌখি। মহাক্না মালেমদা অচৌবা অহোংবা অসি পুরকপা ঙমখিবগীদমক হায়রিবা মনা অসি ঙসি নেসনেল মিদিয়া ফার্ম মরিনা পীরকখিবনি।
মহাক্না খোঙজং অদু চঙশিল্লমদ্রবদি ঙসি মালেমগী লুচিংবশিংনা অমসুং মালেমগী লৈবাক ১৯৬ না ফেল ওইরম্লবা কোপ-২৮ বু য়াশিন্নবা পুরকহন্দুনা য়ুনাইতেদ নেসন্সতা মালেমগী অচৌবা ৱারেপ অদু লৌবা ঙমখিবনি। মসিগীদমক মারেমগী মীয়াম্না লিসিপ্রিয়াবু থাগৎনরিবনি।
লিসিপ্রিয়ানা এৱার্দ অদু ফংলবা মতুং মিদিয়াশিংনা মণিপুরগী মরমদা হংবা ৱাহং অমগী পাউখুমদা, মণিপুরগী ঈরাং অসি লোইশিনগে হায়রবদি প্রাইম মিনিস্তর নরেন্দ্র মোদিনা নাকল অনীমক কৌদুনা মহাক্কী তেবলদা ৱারী শান্নরবা মতুংদা খক ৱারোইশিন পুরকপা ঙমগনি। তুমিন্না লৈশিল্লিবা অসি অফবা খোঙথাং নত্তে হায়খি।
কুকিনা ঙসিদি মীতৈশিংগী মথক্তা চত্থরিবা অফোঙবা জিনোসাইদ অসি খুদক্তা লেপহন্নবা মালেমগী লৈবাকশিং অমসুং য়ুনাইতেদ নেসন্সনা খূৎ থিংজিনফম থোকই হায়না মহাক্না মখা তাখি।
লিসিপ্রিয়ানা অঙাং ওইজরবসু, মশাগী চহী ১২ খক্তা ঙাইরিবা ওইজরবসু মালেম অসিবু মাংতাকহল্লিবা ক্লাইমেত চেঞ্জ অসি মপূং ওইনা থোকহল্লিবা ফোশিল ফ্যুয়েলশিং হায়বদি কয়লা, থাও অমসুং গ্যাস অসি শীজিন্নবা লেপ্নবা য়ুনাইতেদ নেসন্স মতম শাংনা দিমান্দ তৌদুনা লাকখিবনি। মতম অদুদা মীওই খরনদি ওইরোইদবা দিমান্দনি হায়দুনা লিসিপ্রিয়াবু করেম্নবা ফাওবা য়াওখি। অদুবু ইং ২০৫০ মতুংদদি হায়রিবা পোৎশকশিং অসি মালেমগী লৈমায়দা অমুক হন্না উবা ফংলরোই। মসিগী মহুত্তা হায়দ্রোজেন, ন্যুক্লিয়ার অমসুং সোলারনা মপূং ওইনা শিনগদৌরি।
সোর্স: পোক্নফম
0 কমেন্ট:
কমেন্ট তৌবিয়ু