লাইরেল্লাকপম হেরামনিগী '' অতিয়াগী তেলেঙ্গা '' ফোঙখ্রে
আগরতলা, জুলাই ৩১ : লাইরেল্লাকপম হেরামনিনা ইবা 'অতিয়াগী তেলঙ্গা' মিংথোল্লবা অঙাং গী লাইরিক অমা ফোঙখ্রে। চৎখিবা জুলাই ২৫, শিলচরগী চান্দমারী রোডতা লৈবা মশাগী শঙ্গায়দা পাঙথোকপা চীংলেম্বা থৌরম অমদা লাইরিক অসি ফোঙখি। থৌরম অদুদা সাহিত্য ভূষন আই এস থিংগোমনা মীফম মপু ওইরগা সাহিত্য একাডেমি মণিপুরী ল্যাঙ্গুয়েজ বোর্ড মেম্বর কে এন চান্দনা চীফ গেষ্ট অদুগা নহারোল খোরিরোল শিল্লুপকী প্রেসিডেন্ট থোকচোম বিশ্বনাথনা গেষ্ট অব অনার ওইনা শরুক য়াখি।
শক্নাইরবা শৈশকপা সিএইচ বিদিতকী শৈহৌ ঈশৈনা থৌরম হৌদোকখি। থৌরম দা এসিঃ প্রোফেসর ড. মেরিনা সাগপম না লাইরিক মশক তাকখি অদুগা কুঞ্জলাল য়েন্দ্রেস্বমনা অখন্নবা ৱাঙাংলোয় ওইনা ৱা ঙাংখি। থৌরম গা মরী লৈননা আই সতীশ চন্দ্র, ৱাই মনি, সিএইচ মোহন, আই নীলবীর নচিংবা মীওইশিংসু ৱা ঙাংখি হায়না শিলচরদগী নাওরেম রাজেননা থাদোরকপা চেরোলদা হায়রি।
সোর্স : মরূপ
0 কমেন্ট:
কমেন্ট তৌবিয়ু