• 10
• ৮ই অক্টোবর ২০২৩ ইং
• Share on:

রিতানা বেস্ত দিজাইন এৱার্দ ফংলে

ইম্ফাল, অক্টোবর ৭

দি দিজাইন ইন্দিয়া শোনা শীন্দুনা লৈবাক অসিগী তোঙান তোঙানবা মফমদগী লাকখিবা মশক নাইবশিংগী ইন্তিরিয়র দিজাইনশিং চাংদম্নবদা মণিপুরগী ‘দি ক্লাসিক রিতা কেফে’না ইন্দিয়াজ বেস্ত দিজাইন এৱার্দ ২০২৩ মনা ফংলক্লে হায়রি।

ঙমি পুনেগী রিতজ কারলতনদা পাঙথোকখিবা ইন্দিয়াগী মফম কয়াদগী লাকপা মশক নাইরবা অমদি মায়পাক্লবা ইন্তিরিয়র দিজাইনারশিংনা শরুক য়াদুনা পাঙথোকখিবা থৌরমদা এৱার্দ অসি হুইদ্রোম দিজাইন স্তুদিওগী প্রোজেক্ত এন্ত্রি ‘দি ক্লাসিক রিতা কেফে’ গীদমক্তা "দি দিজাইন ইন্দিয়া শো"না খুৎশিন্নরকখিবনি। দিজাইন ইন্দিয়া শোনা লেপ্তনা ইন্দিয়াদা দিজাইনগী অনৌবা মওং অমা থোকহন্দুনা ক্রিএটিবিতিগী ঙমখৈ লৈহন্দবগা লোয়ননা ইনস্পিরেসনগা ইনোবেসন দিজাইনাগা পূনশিলহন্নবা হোৎনদুনা লাক্লি।

এৱার্দ অসি হুইদ্রোম দিজাইন স্তুদিওনা থাজিনখিবা ‘দি ক্লাসিক রিতা কেফে’গী ইন্তিরিয়র দিজাইনগী ক্রিএতিবিতি অমসুং ইনোভেতিব ওইবা মওংশিং অদু য়েংলগা দিজাইন ইন্দিয়ানা এৱার্দ অসি পীরকখিবনি। হুইদ্রোম দিজাইনা স্তুদিওগী প্রিন্সিপাল দিজাইনর সুরেশ হুইদ্রোম অমসুং মহাক্কী তিমৱার্কনা পুথোকখিবা দিজাইনশিং প্রোভোকেতিপ কনসেপ্ত অমদি এক্সপ্রেসিব নেরেতিবকী মগুননা স্তুদিও অমদি তিম অসিবু তোঙান তোঙানবা প্রোজেক্ত কয়াদা ইন্টারনেসনেলগী থাক্তা মশক খঙনখ্রে। ঙসি ক্রিয়েটিবিতি অমসুং ইনোভেটিব ইন্তিরিয়র দিজাইনগীদমক্তা ইন্দিয়াজ বেস্ত দিজাইন এৱার্দ ২০২৩ ফংলকপা অসিসু স্তুদিও অসিগী ওইনা অচৌবা মায় পাকপা অমনি। দি ক্লাসিক রিতা কেফেবু শীজিন্নদুনা মতমগা চুনবা মওংদা অনৌবা ৱাখল্লোনগা লোয়ননা দিজাইনা তৌখিবনি হায়না সুরেশ হুইদ্রেমান ফোঙদোকখি।

দিজাইন অসিগী মরু ওইনা পান্দমদি লোকেল অমদি গেস্তশিংদা হকচাংদা কান্নবা পীবা চীঞ্জাক্কী ফংফমশিংগী মতাঙদা খঙহনবা অমদি পূক্নিং থৌগৎতুনা নহাশিংনা হেলদি, এক্তিব অমসুং সোসিয়েলগী ওইবা হিংবগী পুন্সি মরেল অমগী মতাঙদা ৱাখল তাহনবা, মফম অসিদা লাকপা মীশিংবু মহৌশাগা নকশিলহন্নবা ৱাখল্লোনগা লোয়ননা লৈবাক/ক্লে পোত, নেচারেল ৱুদ, ৱা অমসুং ইনা কুপ্পগা লোয়ননা লৈবাক্না শেমখি। দিজাইন অসিগী মরু ওইবদি লোকেলদা শাবা লৈবাক্কী চফু ১৪০০ না শেশ্বা পূম্নৌ নৌবা ৱাখল্লোন্দা য়ূম্ফম ওইবা মণিপুরী নুপীশিংনা শাবা সিলিং অদুনি হায়রি।

সোর্স: পোক্নফম