মৈতৈলোন য়াওনা ইন্দিয়াগী লোন নিপালবু গুগল ট্রান্সলেটকী মনুং চনহনখ্রে
মিরর অনলাইন ডেস্ক, মে ১২ : ঙরাং ১১ মে হৌখিবা চহিগী ওইবা গুগল কনফারেন্স অমদা গুগলনা মৈতৈলোন য়াওনা ইন্দিয়াগী লোন ৮বু গুগল ট্রান্সলেটকি মনুং চনহল্লে হায়না গুগল রিসার্চকি সিনিয়র সফটওয়ার ইঞ্জিনিয়ার আইসেক কেজৱেলনা লাউথোকখ্রে।
ইন্টারনেট ফার্ম অসিনা রিজনেল লেঙ্গুয়েজবু হেনগৎহন্নবা পায়খৎলক্লিবা থৌরাংগী মনুংচন্না অনলাইন মাল্টিলেঙ্গুয়েল ট্রান্সলেশন সার্ভিসকি মতেংদগী লোন মখল কয়া গুগল ট্রান্সলেট সার্ভিস তৌবদা য়াওখিবনি।
গুগল ট্রান্সলেটতা খ্বাইদগী রিকুয়েস্ট তৌরকপা লোন অসি সংস্কৃতনা হেল্লি। ঙসিদি সংস্কৃতসু হাপ্প ঙম্লে, লোয়ননা অৱাং নোংপোক ভারতকী লোনশিংসু হাপ্পা ঙম্লে হায়না ইকোনোমিক টাইমসকা অখন্ননা উনবা অমদা গুগল রিসার্চকী সিনিয়র সফটওয়্যার ইঞ্জিনিয়ার আইসেক কেজৱেলনা ফোঙদোকখি।
গুগল ট্রান্সলেটতা হাপচিনখিবা ভারতকি লোনশিং অদুদি মৈতৈলোন, সংস্কৃত, ভোজপুরি, দোগ্রি, কোনকানি, মাইথিলি, মিজো অমদি আসামিজনি। হাপচিল্লক্লবা লোনশিং অসি টেক্স ট্রান্সলেট ফিচারখক্তমক উবা ফঙখিগনি।
কোম্পানি অসিনা খোঞ্জেলগী ময়েক্তা ওন্থোকপা য়ানবা, ক্যামেরা মোড অমদি অতোপ্পা ফিচারশিং অথুবদা হাপচিল্লক্নবা থবক পায়খৎলি। হৌজিকমক্কি ওইনদি লোন খুদিংমক সাপোর্ট তৌদ্রি হায়নসু কেজৱেলনা ফোংদোকখি।
নৌনা হাপচিল্লক্লবা লোনশিং অসি মীওই মিলিয়ন ৩০০ হেনবনা শিজিন্নৈ হায়নসু ফোংদোকখি লোয়ননা আমেরিকাগী ইন্ডেজিনাস লোন কেচুয়া, গৌরানি, আইমারা অমদি ইংলিশ ডাইলেক্ট শিয়েরা লিওনিয়ন ক্রিওসু গুগল ট্রান্সলেটতা হাপচিনখি হাইনা ফোংদোরকখি।
0 কমেন্ট:
কমেন্ট তৌবিয়ু