• 797
• ২৪শে অক্টোবর ২০২২ ইং
• Share on:

মলেমগী থাক্তা এৱার্দ ফংলবা অইবশিংগা উন্নবগী থৌরম পাঙথোকখ্রে

ইম্ফাল, অক্টোবর ২৩ : সাহিত্য একাদেমী নিউ দিল্লি অমদি সাহিত্য থৌপাং লুপনা শীন্দুনা শক্নাইরবা অইবা ইরুংবম দেবেনগা লোয়ননা কবিসন্ধি অমদি মুলাকাট হায়বা থৌরম অমা ইম্ফালগী মেজোর খুলদা লৈবা মণিপুর প্রেস ক্লাবতা পাঙথোকখ্রে।

থৌরম অদুদা শরুক য়াখিবা মণিপুরী এদভাইজরি বোর্দকী কনভিনর এন কিরনকুমারনা ফোঙদোকখিবদা ঙসি পাঙথোক্লিবা থৌরম অসিগী নুংগী ওইবা পান্দমদি মালেমগী থাক্তা এৱার্দ ফংলবা অইবশিংগা উন্নদুনা মহাক্না সাহিত্যগী খোঙচৎতা থেংনরকখিবা অৱা নুংঙাই, পুক্নুংদা করি লৈরি, সাহিত্যনা খুন্নাই অসিগী মিংশেলনি হায়বদা খুন্নাই অসিনা অমদি মীয়ামগী পুল্লগা খঙদবা কয়া ৱারী শাবগী তাঞ্জা অদু পীবগী থৌরমনি হায়না ফোঙদোকখি।

লোয়ননা মুলাকাট হায়রিবা থৌরম অসিদনা সাহিত্যগী লম্বীদা নৌনা খোঙদারকপা অইবা মীয়ামনা কা হেন্না খঙনদবশিংগী তাঞ্জা অমা পীবা অমদি মখোয়না ইজরিবশিং অদু মীয়াম মাঙদা ফোঙদোক্নবগী তাঞ্জা অমা পীনবগী পান্দমদা অসিগুম্বা থৌরম অসি পাঙথোকপনি হায়নসু ফোঙদোকখি।

ঙসি পাঙথোকখিবা থৌরম অদুদা মহাক্না মখা তারদুনা হায়খি, শক্নাইরবা অইবা ইরুংবম দেবেন হৌখিবা চহী ২০২২ দা সাহিত্য একাদেমী এৱার্দকী মনা ফংখিবদা নত্তনা অতৈ অতৈ শিংথাবা য়াবা মনা কয়া ফংখ্রে। লোয়ননা মণিপুরী সাহিত্যগী খোঙচৎ অসিদা কবিসন্ধি অমদি মুলাকাট হায়রিবা থৌরম অসি কয়া তোয়না পাঙথোক্নদে। অদুবু অসিগুম্বা থৌরম অসি ঐখোয়গী ইরমদম অসিদা য়াম্না তোয়না পাঙথোকপগী তঙাইফদবা লৈ হায়নসু মহাক্না মখা তানা ফোঙদোকখি।

ঙসিগী থৌরম অদুদা অইবা ইরুংবম দেবেনসু শরুক য়াখিবগা লোয়ননা হরিদাস খোংবান্তাবম অমদি সাপম দোরেননা ৱারীমচা পাথোকখি। লোয়ননা, সুরজিৎ খাইদেম অমদি তায়িবুর রহমাননা শৈরেং পাথোকখি। থৌরম অদুদা লমদম অসিগী সাহিত্যবু নুংশিজবা মীওই কয়াসু শরুক য়াখি।

সোর্স: হুইয়েন লানপাউ