ইষ্টার্ণ রিজনেল ইয়ং রাইটার্স মিটতা মণিপুরদগী কে লন্দন অমসুং এন রবিচন্দ্র শরুক য়াখ্রে
ইম্ফল, অক্টোবর ২৩ : ওয়েষ্ট বেঙ্গলগী দার্জিলিংদা ওক্টোবর ২২ দগী ২৩ ফাওবা নুমিৎ নিনি চুপ্না চত্থরকপা ইষ্টার্ন রিজনেল ইয়ং রাইটার্স মিটতা মণিপুরদগী কৈথেল্লাকপম লন্দন অমসুং নিংঙোম্বম রবিচন্দ্র শরুক য়াখ্রে হায়রি।
সাহিত্য একাদেমী নিউ দিল্লগী মিৎয়েং মখাদা সাউথফিল্ড কোলেজ দার্জিলিংগা খুৎশম্নদুনা কোলেজ অসিগী ওদিটোরিয়ামদা পাঙথোকখিবা ইষ্টার্ন রিজনেল ইয়ং রাইটার্সি মিটকী থৌরম অদুদা সাহিত্য একাদেমী নিউ দিল্লিগী সেক্রেটারি শ্রীনিবাস রাও লোয়ননা রিজনেল সেক্রেটারি দেবেন্দ্রো কুমার দেবেস অমদি সাউথফিল্ড কোলেজকী প্রিন্সিপাল অনুরাধা রায়সু শরুক য়াখি।
ওয়েষ্ট বেঙ্গল দার্জিলিংগী সাউথফিল্ড কোলেজকী ওদিটোরিয়ামদা পাঙথোকিখিবা ইষ্টার্ন রিজনেল ইয়ং রাইটার্স মিট থৌরমগী অহানবা সেসনদা লিটরেচর ওন দিজিটেল প্লেটফোর্ম হায়বা হীরমসিদা তোঙান তোঙানবা আসামিজ, বেঙ্গলি, নেপালি অমসুং সনতালি লোনগী স্কোলারশিংনা পেপরশিং পাথোকখি। লোয়ননা ইয়ং রাইটার্স মিট অদুগী অনীশুবা সেসনদা লৈবাক অসিগী তোঙান তোঙানবা মফমশিংদগী লাকপা তোঙান তোঙানবা লোনশিংগী অইবশিংনিা মখোয় মখোয়না ইজবা শৈরেংশিংসু পাথোকখি।
নুমিৎ নিনি চুপ্না চত্থখিবা ইষ্টার্ন রিজনেল ইয়ং রাইটার্স মিট থৌরম অদুগী নিনি চনবা নুমিৎকী অয়ুক্কী সেসনদা বোরো, ওরিয়া, মৈথালি অমসুং মণিপুরীগী ওইবশিংনা মশা মশানা ইজবা ৱারীমচাশিং পাথোকখি। থৌরম অদুদা মণিপুরগী ওইনা শরুক য়াখিবা কৈথেল্লাকপম লন্দনগী গেষ্ট হাউস কৌবা ৱারীমচা অমা পাঙথোকখি। লোয়ননা শৈরেং শৈদিন্নবগী সেসনদনা মণিপুর, নেপালি, ওরিয়া, সনতালি অমুসং তোতো লোনগী অইবশিংনা শৈরেংশিং পাথোকখি। থৌরম অদুদা বুক এগজিভিসন অমসু পাঙথোকখি।
সোর্স: হুইয়েন লানপাউ.
0 কমেন্ট:
কমেন্ট তৌবিয়ু