মণিপুর সাহিত্য পরিষদ, ত্রিপুরাগী ৬০ শুবা মপোক কুমওন ‘ডায়মন্ড জুবিলি’ থৌরমদা লান্থোক্কদবা এৱার্ডশিং -- আরকে তরুণজিৎ
ইংকুমজা ১৯৬৩ দা সাহিত্য পরিষদ অসি লিংখৎখিবগী খ্বাইদগী মরু ওইবা পান্দম অদুদি হরাও কূম্মৈ মনা লান্থোকপা অদু নত্তে। ত্রিপুরাদা ইমালোল মণিপুরীবু কন্নবা অমদি লমদম অসিগী মণিপুরীশিংবু মীকপ থোকহন্দুনা ইমালোলবু নুংশিবা পোকহনবা ঙম্বা অসিমক্না পরিষদকী মরু ওইবা পান্দম ওইখি। মরমদি মতম অদুদা মরু ওইনা আগরতলা শহরগী মণিপুরীশিং ইমালোল ঙাংবদা খোইরপ তৌবা মীরক্তা তিল্লগা ইমালোলনা ঙাংনিংদবা, ইকাইবা, ইমুংদসু মপান্দুস মরাং কায়না বাংলা ঙাংনরকপা অসিনচিংবা ফীভম কয়া অসিনা তুংদা ইমালোল কাওশিল্লকপগী মরম ওইরক্কদ্রা হায়বা নুংনাংবা অমগা অমগা লোয়ননা ইমা লোলবু কাওদনবা ইবা-পাবা খংননবা সাহিত্য তৌবা য়ানবগী পান্দমদা লিংখৎখিবা পরিষদ অসিনি। চহী ৬০ গী শাংখ্রবা খোঙচৎ অসিদা পরিষদকী থৌদাং কয়ানা ঙসিদি ইবা-পাবা খক্তা নত্তে, অইবা অইবী কয়ানা মশা মশাগী লাইরিক কয়াসু ফোঙবা লৈরে।
ইংকুমজা ১৯৬৩ গী ডিসেম্বর তাং ২৫ দা মণিপুরী সাহিত্য পরিষদ, ইম্ফালগী জেনারেল সেক্রেটারী ওইবিরম্বা ঐজ্ঞা নীলবীর শর্ম্মা শাস্ত্রী মশামক্না ত্রিপুরাদা লেংবিরক্তুনা ইম্ফালগী ব্রাঞ্চ অমা ওইনা লিংখৎপীরম্বা মণিপুরী সাহিত্য পরিষদ ত্রিপুরাগী ইং ২০২৩ ফাওবগী শাংখ্রবা চহী ৬০ গী খোঙচৎ অসি নৈনরগা নুংশিবা অমা ফাওই। শাংখ্রবা মাগী পুন্সি খোঙচৎ অসিদা পরিষদনা থেংনখিবা অৱা-অনং কয়া অদু ঙসিগী সাহিত্যবু তশেংনা নুংশিজবা সাহিত্য তৌবা খরা খক্তা নত্তনা অয়াম্বদি পরিষদবু মশক খঙবা ঙমদ্রি। অদুনবু ঙসি ফাওবা পরিষদ অসিগী ত্রিপুরাদা মশাগী ব্রাঞ্চ অমত্তা লিংখৎপা ঙমদ্রিবসিনি। মসি লাইবক থিবনি, পরিষদকী অচৌবা অশোনবা অমসুনি হায়না লৌদবা য়াদে। ডায়মন্ড জুবিলিগা মরী লৈননা ইং ২০২৩ চহীগী লোইরমদাই নুমিৎ নিনি চুপ্না ডিসেম্বর ২৫ অমসুং ২৬, আগরতলাদা মখল মথেল কয়াগী থৌরম য়াওনা পাঙথোক্কদৌরি। থেংলবসু থেংনা হন্দক্কী ৬০ শুবা মপোক কুমওন ডায়মন্ড জুবিলি খোঙচৎ অসিদা ব্রাঞ্চ শেম্বা য়াই।
ইংকুমজা ১৯৬৩ দা সাহিত্য পরিষদ অসি লিংখৎখিবগী খ্বাইদগী মরু ওইবা পান্দম অদুদি হরাও কূম্মৈ মনা লান্থোকপা অদু নত্তে। ত্রিপুরাদা ইমালোল মণিপুরীবু কন্নবা অমদি লমদম অসিগী মণিপুরীশিংবু মীকপ থোকহন্দুনা ইমালোলবু নুংশিবা পোকহনবা ঙম্বা অসিমক্না পরিষদকী মরু ওইবা পান্দম ওইখি। মরমদি মতম অদুদা মরু ওইনা আগরতলা শহরগী মণিপুরীশিং ইমালোল ঙাংবদা খোইরপ তৌবা মীরক্তা তিল্লগা ইমালোলনা ঙাংনিংদবা, ইকাইবা, ইমুংদসু মপান্দুস মরাং কায়না বাংলা ঙাংনরকপা অসিনচিংবা ফীভম কয়া অসিনা তুংদা ইমালোল কাওশিল্লকপগী মরম ওইরক্কদ্রা হায়বা নুংনাংবা অমগা অমগা লোয়ননা ইমা লোলবু কাওদনবা ইবা-পাবা খংননবা সাহিত্য তৌবা য়ানবগী পান্দমদা লিংখৎখিবা পরিষদ অসিনি। চহী ৬০ গী শাংখ্রবা খোঙচৎ অসিদা পরিষদকী থৌদাং কয়ানা ঙসিদি ইবা-পাবা খক্তা নত্তে, অইবা অইবী কয়ানা মশা মশাগী লাইরিক কয়াসু ফোঙবা লৈরে। মসি পরিষদ অসি লিংখৎপগী অচৌবা মায় পাকপনি হায়না লৌবা য়াই। ইশাগী লোল অমসুং ইয়েক আইডেন্টিটিগী অচৌবা শক্তি অমনি। অদুমকপু ঙসিগী গ্লোবেলাইজেশনগী খয়াত্ত খুন্নাই অসিদা অহোংবা কয়ানা মরম ওইদুনা ইমালোল ঙাংবগী চাং অসি ৱাংখৎলিবরা নত্রগা নেমথরিবরা হায়বসি নৈনবগী অমুক দরকার ওইরক্কনি। অদুবু অহোংবা কয়াগী মরক্তসু ইমালোলবু মাংদা থম্লগা মীরোল খংসি ঙাংসি হায়বসিনি।
চৎখিবা ইং ২০১৩ দা পরিষদ অসিগী গোল্ডেন জুবিলি পাঙথোকখি। মতমদু ফাওবা হিংনা লৈরম্বা পরিষদকী ফাউন্ডার মেম্বার অহুম মখোয় অদুদি চন্দ্রপুর (দাপ্তা) গী পাঙনবম শাগৈগী বিরাজপ্রভা দেবী, মণিপুরগী বি নয়ন শর্ম্মা অমসুং ধলেশ্বরগী আরকে পঞ্চমজিৎ সিংহ। গোল্ডেন জুবিলি থৌরমদা ফাউন্ডার মেম্বার পাঙনবম বিরাজপ্রভা শরুক য়াবগী খুদোং চাবা ফংখি। ঙসিদি আরকে পঞ্চমজিৎ নত্তনা পরিষদগী ফাউন্ডার মেম্বার অমা হিংদুনা লৈরিবা আরকে পঞ্চমজিৎ সিংহবু শরুক য়াহনবগী খুদোংচাবা পীহন্নিংই।
পরিষদকী চহী ৬০ শুবা মপোক কুমওনগা মরী লৈননা ত্রিপুরাগী অখন্ননা মীওই ৮ দা মাগী মাগী থৌদাংগী দমক পরিষদনা মনা/এৱার্ড লান্থোক্কদৌরি, মখোয়শিং অদুদি মখাদা পীজরিঃ-
নোংশাতাবম প্রফুল্ল দত্ত : মণিপুরী সংস্কৃতিগী লমদা মরু ওইনা খোয়াই ডিষ্ট্রিক্টতা ময়াম্না মশক খঙলবা অরিবা কীর্তন পালাগী শৈশকপা নোংশাতাবম প্রফুল্ল দত্ত ইং ১৯৪৩ গী ফেব্রূয়ারী তাং ৮, নোংপোক পাকিস্তান হৌজিক্না বাংলাদেশ মনুং চনবা বিশগাঁওগী দুধপাতিল হায়বা খুঙ্গংদা পোকখি। হৌজিক খোয়াইগী গৌরনগরদা খুন্দানা লৈরি। মশাগী চহী ২০ শুরকপা অপোকপা এন ঝুলন দত্তগী মফমদা ঈশৈ তম্বা হৌখি। মথংদা বামুটিয়াগী ওজা নোংগ্রাকপম অম্বিকা দত্তদা গুরু বোরিরগা অরিবা ঈশৈগী রাগ নচিংবা ঈশৈগী পরিং পথাপ নাইনা তমখি। মহাকপু ময়াম্না ওজা ‘য়াইমা’ হায়রগা হেন্না খংই। খোয়াইতা নত্তনা আগরতলা, বড়জলা, বামুটিয়া নচিংবা খুঙ্গং কয়াদগী বার্তোন ফংদুনা নটসংকীর্ত্তন থৌগল তৌরম্মী। মহাক্কী পৌরাশিংদি তোপসুবম কুল্লচন্দ্র, সেলৈবম রাজকুমার, মোইবুংখোংবম শচীন্দ্র দত্ত, নোংশাতাবম নান্টু দত্ত, ফিজবম গোপীমোহন, এস চিত্ত নচিংবনি।
মণিপুরী সাহিত্য পরিষদ, ত্রিপুরানা সংস্কৃতিগী লমদা মহাক্কী থৌদাং কয়াবু শক খংলদুনা ‘ডায়মন্ড জুবিলি’ থৌরম অসিদা ‘নিংথৌখোংজম চন্দ্রহাস মেমোরিয়েল এৱার্ড’ পীদুনা ইকাইখুম্নগনি।
পাঙনবম রমেন্দ্র কুমার সিংহ :
শান্তিনিকেতনগী ওজা নৃত্যগুরু পাঙনবম নবকুমার ঠাকুরগী মশু নিপা পাঙনবম রমেন্দ্র কুমার সিংহ ইং ১৯৫২ জানুয়ারী ২০ বোম্বাইদা পোকখি। অপোকপগী মিং নৃত্যগুরু পাঙনবম নরেন্দ্র কুমার সিংহ, অপোকপী নিঙোম্বম নিঙোল কাঞ্চনপ্রভা দেবী। মপুন্সিগী অয়াম্বা মতম মপান ত্রিপুরাদা লৈরক্লবা রমেন্দ্র কুমার সিংহ উত্তর প্রদেশ বোর্ডতগী ইন্টারমেডিয়েট থাক্তা মথংদা মবুধৌ অমসুং মপাবুং পাঙনবম নরেন্দ্র কুমারগী তুং ইন্দুনা মণিপুরী ক্লাসিকেল অমসুং অতৈ মখল কয়াগী জগোয়বু শিনফম ওইনা লৌশিনখি। কালচার পামজবা ইমুংদগী হৌরকপা মহাক জগোয় ঈশৈগী লমদা নিউ দিল্লীগী ভারতীয় বিদ্যাভবন, হিন্দু কলেজ, ব্লুবেল ইন্টারনেশনেল স্কুল, নিউ ইরা পাব্লিক স্কুল, কালিন্দি কলেজনচিংবা স্কুল কলেজতা কন্ট্রাক্ট বেসিসতা জগোই তম্বী তাকপীদুনা লাকখি। হৌজিক থবক্তগী পোত্থারদুনা আগরতলা বড়জলাদা খুন্দানা লৈরি। মহাকপু কৈথেল্লাকপম চন্দ্র কুমার সিংহ মেমোরিয়েল লাইফটাইম এচিভমেন্ট এৱার্ড’ পীদুনা ইকাইখুম্নগনি।
কামিনীজিৎ রাজকুমার:
অৱাং ত্রিপুরা জিলা মনুং চনবা জলাবাসা মৈতৈ খুঙ্গংদা অপোকপা স্নাজাউবাজিৎ রাজকুমার অমসুং অপোকপী খোইরম নিঙোল নিংথেম ওংবী তরুবী সিংহগী মপারী ওইনা রাজকুমার কামিনীজিৎ সিংহ ইং ১৯৪৯ গী জানুয়ারী ৩দা তাইবঙদা ফাওরকখি। মচিল মনাও অনীতনি। অঙাং ওইরিঙৈদগী ঈশৈ নোংমাইদা থৱায় য়াওনা হৌরকখি। মহৈ মশিংগী থাক লোইশিন্নবা মতুং পুন্সিগী শাংখ্রবা মতম ত্রিপুরা সরকারগী শিক্ষা বিভাগকী মখাদা স্কুল ওজা ওইনা থবক তৌরম্বদগী পোত্থাখি। কালচারগী লমদা থৱায় য়অওবা ইমুংদগী হৌরকপনা মহাক্না মপাবুংদা ওজা বোরিদুনা ঈশৈ তম্বা হৌখি। মথংদা জলাবাসা খুলগী শক্নাইরবা ঈশৈ ওজা অহৈবম উত্তর সিংহ অমসুং ধর্মনগর দেওয়ান পাসাগী ওজা নোংথোম্বম বাবাতোন সিংহদগী ঈশৈ তমখি। খুলগী শৈশখপা ওইবতা নত্তনা অৱাং জিলা মৈতৈ খুলদা মশক নাইরবা শৈশকপা অমা ওইনা ময়াম্না খংনরি। মহাকপু পরিষদনা ‘রাজকুমার সুরেন্দ্রজিৎ সিজা বিধু মেমোরিয়েল এৱার্ড’ পীদুনা ইকাইখুম্নগদৌরি।
খুমন্থেম উপেন্দ্র সিংহ:
খুমন্থেম উপেন্দ্র সিংহ, ইং ১৯৫৩ গী জানুয়ারী ২২ সিপাহীজলা ডিষ্ট্রিক্ট মনুং চনবা মৈতৈ খুঙ্গং বাদ্যারদীঘিদা পোকখি। অপোকপগী মিং খুমন্থেম সুবল সিংহ অদুগা অপোকপীগী মিংনা চিংঙাখম নিঙোল খুমন্থেম ওংবী থোইবী দেবী কোই। বিশালগড়দগী হায়ার সেকেন্ডারী পাশ তৌরগা আগরতলাগী রামঠাকুর কলেজতা মখাতানা লাইরিক তমথখি। লাইরিক তম্না তম্না নহা ওইবগী খুন্নাইগী য়াইফা থৌরম কয়াদা শরুক য়াদুনা লাকখি। মথংদা মহাক ত্রিপুরা লৈঙাক্কী এগ্রিকালচার ডিপার্টমেন্টতা থবক্তা চংখি। প্রমোশন ফংদুনা এগ্রি, এসিষ্টেন্ট ওইনা ইং ২০১১ এপ্রিল ১১ দা থবক্তগী পোত্থাখি। হৌজিক মখাতানা অমুক খুন্নাইগী সেবা তৌবা ওইনা ‘লাইরিক হায়বা-লাইরিক থীবা’ অমসুং খুন্নাইগী সাম্বাসা ওইনা থৌ পুরি। মচা নুপা অনী মচা নুপী মঙা লৈরে।
মহাকপু ‘খোইস্নাম বাবুধন মেমোরিয়েল এৱার্ড’ পীদুনা ইকাইখুম্নগনি।
সোয়বম ডাঃ বুদ্ধচন্দ্র সিং চৌধুরী:
ইং ১৮৪৫ গী ১ মে কাছাড় সোনাই বিবিগাঁও সোয়বম লৈকাইদা পোকখি। অপোকপগী মিং সোয়বম বীরচন্দ্র সিং চৌধুরী, বিশ্ব হিন্দু পরিষদকী ফম্নাইবা মীশক অমা ওইরম্মী, অপোকপীগী মিং নিংথেম নিঙোল নৌবীস্না দেবী, ঢাকা তাবা মহারাজগী চারোন শুরোন্নি। এস বুদ্ধ সিং চৌধুরী, ইং ১৯৬৬ দা এইচ এস পাশ তৌরবা মতুং শিলচর জি. সি কলেজতা তমখি। ইং ১৯৭২ দা গৌহাটি মেডিকেল কলেজদগী আয়ুর্বেদিক কোর্স পাশ তৌরগা ইং ১৯৭৮ দা আগরতলাদা লাক্তুনা ত্রিপুরা লৈঙাক্কী হেলথ ডিপার্টমেন্টকী মখাদা আয়ুর্বেদিক ডিসপেন্সারীদা জয়েন্ট তৌখি।
মেডিকেল অফিসার ইনচার্জ ওইনা ইং ২০০৪ গী এপ্রিল তাং ৩০ দা আগরতলা আয়ুর্বেদিক হাসপাতালদা থবক্তগী পোত্থাখি। হকশেলগী লমদা মহাক্কী থৌদাং কয়াবু শক খঙলদুনা ইং ২০১৮ দা ‘লাইফ টাইম ফেলিসিটেশন পীদুনা ইকাইখুম্নখ্রবনি।
মহাকপু পরিষদনা ‘লৈশাংথেম গোকুল সিংহ মেমোরিয়েল এৱার্ড’ পীগদৌরি।
চোংথাম ওংবী স্বপ্না :
সাপম নিঙোল চোংথাম ওংবী স্বপ্না সিংহবু ‘মনোতরী’ হায়রগা হেন্না খংই, গোলাঘাটিদা পোকখি। অপোকপা সাপম কোনুংজাও (হেমচন্দ্র) সংস্কৃতি সেবীনি নিংথৌ কোনুংদা লৈরম্মী রাসধারী মীশক অমনি অদুগা অপোকপী লৈশাংথেম দয়মন্তী সিংহ কৌই। লাইরিক লাইশুদা থোইদোক্না মায় ওনশিন্দ্রবসু অঙাং ওইরিঙৈ মতমদগী মনোতরী ঈশৈ নোংমাইদা ঙাওজবা মরু ওইনা বাংলাগী নৌকা বিলাস, রামায়ন শৈশকপী মীশক অমনি।
মহাক্কী রামায়ন অমসুং নৌকা বিলাস মৈতৈতা নত্তনা বেঙ্গলীশিংনা য়াম্না পাম্না তৌই। ত্রিপুরাগী মফম কয়াদা মরু ওইনা দুর্গাপূজা, স্বরস্বতী পূজা অতৈ কীর্তন মতমদা মাবু বার্তোন তৌরগা ঈশৈ শকহল্লি। বাংলাদেতগীসু বার্তোন কয়া তৌই। মহাক্কী মপুরোইবা চোংথাম রঞ্জিত সিং টি.এস.আর থবক্তগী ২০২১ দা পোত্থাখ্রে। মচা নিপা অমা মচা নুপী ২ লৈরে।
মহাক্পু ‘ডাঃ ভূপেন্দ্রজিৎ মেমোরিয়েল এৱার্ড’ পীদুনা ইকাইখুম্নগনি।
এইচ বঙ্কিম সিংহ :
ইং ১৯৬৭ গী এপ্রিল ৩ আগরতলা ধলেশ্বরদা হাওখোম বিজয় সিংহ অমসুং লক্ষ্মীলৈমা দেবীগী মপারী ওইনা তাইবঙ ফাওরকখিবা হাওখোম বঙ্কিম সিংহনা গুরু শিব্রাম শর্মদগী অহানবা মণিপুরী জগোই তম্বা হৌখি। মথংদা গুরু এন কুঞ্জরাজ দত্তদগী রাস নৃত্য তমখি। গুরু থাংজম অঙৌতোম্বীগী মখাদা গভঃ ম্যুজিক কলেজদগী মণিপুরী জগোইদা বিশারদ লৌখি।
ড. পদ্মিনী চক্রবর্ত্তীগী মখাদা ডান্স ড্রামা নচিংবা তমখি। মণিপুরদা চৎতুনা শ্রীমতি রাশেশ্বরী দেবীদগী জগোইগী মখল কয়াসু তমখি। মহাক আগরতলা দুরদর্শনগী রেগুলার পার্ফোমারনি। ত্রিপুরা অমসুং বাংলাদেশ নচিংবা মফম কয়াদা পার্ফোমেন্স তৌবা য়াওখি। ইং ২০১৬ দা মণিপুর সাহিত্য পরিষদ ত্রিপুরানা ইমিনেন্ট আর্টিষ্ট ওইনা মহাকপু ইকাইখুম্নখি। মহাক নেশনেল য়ুথ ফেষ্টিবেল, নর্থ-ইষ্ট য়ুথ, কলা উৎসব নচিংবা ডান্স কম্পিটিশন্দা জজ অমা ওইনসু কয়ারক শরুক য়াখ্রবনি। মহাকপুসু ‘ডাঃ ভুপেন্দ্রজিৎ মেমোরিয়েল এৱার্ড’ পীদুনা ইকাইখুম্নগদৌরি।
সিজা মলিনা:
মায়থাম নিংঙোল সিজা মলিনা ত্রিপুরাগী অইবীনি। ইংকুমজা ১৯৬৪ সিপাহীজলা ডিষ্টিক্টকী ঢাকাবাড়ী হায়বা মৈতৈ খুঞ্জাওদা পোকখি। অপোকপা মায়থাম নিংথৌ সিংহ শক্নাইরবা শৈশকপনি অদুগা অপোকপী ৱাহেংবম নিংঙোল থম্বাল দেবী কোই। মচিল মনাও মঙাগী মনুংদা মলিনা অহুমশুবনি। মহৈ মশিং বিশালগর স্কুলদগী হায়ার সেকেন্ডারী পাশ তৌরগা রামঠাকুর কলেজতা বি. এ তমখি। মথংদা নার্সিংদা ডিপ্লোমা পাশ তৌদুনা ত্রিপুরা লৈঙাক্কী ডাইরেক্টরেট অব হেলথ সার্ভিসেসকী মখাদা এ. জি. এম. সি এন্ড জি. বি. পি হোসপিতলদা হৌজিক এইচ. ডি. ইউ অমসুং নিউ ওবসট্রেটিক ৱার্ডকী ইনচার্জ পুদুনা নার্সিং অফিসার ওইনা থবক তৌরি। মণিপুরী সাহিত্য পরিষদ, ত্রিপুরাগী এক্সিক্যুটিভ মেম্বারনি, মহাক্না হৌজিক ফাওবদা শৈরেং লাইরিক অমা ফোঙখ্রে। মঠচৌমুহনী নিংথেম শাগৈদা য়ুম পানবনি।
সাহিত্য পরিষদকী ৬০ শুবা মপোক কুমওন ডায়মন্ড জুবিলি থৌরমদা মহাক্না ইবা ‘মল্লবা খাংপোকশঙ’ হায়বা শৈরেং লাইরিক্তা ‘মোইরাংথেম লৈহাও-তেম্বী মেমোরিয়েল এৱার্ড ২০২৩’ পীদুনা ইকাইখুম্নগনি।
সোর্স: মরূপ
0 কমেন্ট:
কমেন্ট তৌবিয়ু