• 147
• ১৬ই জানুয়ারী ২০২৬ ইং
• Share on:

মণিপুরী সাহিত্য পরিষদ, ত্রিপুরাগী মনা ফংগদবশিংগী মীং লাওথোক্লে  অমসুং আগরতলাদা অনুবাদ সাহিত্য নৈনবা পাঙথোক্কদৌরি

 আগরতলা, জানুৱারী ১৫ : মণিপুরী সাহিত্য পরিষদ, ত্রিপুরাগী ৬৩ শুবা চহীগী মীফম লোয়ননা মনা মথুম লান্থোকপগী থৌরম জানুৱারী তাং ১৮, আগরতলা নজরুল কলাক্ষেত্রদা লৈবা সাহিত্য একাডেমি কনফারেন্স হোলদা পাঙথোক্কনি হায়রি। মনা লান্থোকপগী থৌরম অদুদা সাহিত্য একাডেমি, নিউ দিল্লী, মণিপুরী ল্যাঙ্গুয়েজ বোর্ডকী কনভেনার ড. রাজেন তোইজাম্বানা চীফ গেষ্ট ওইগনি, অদুগা আসামদগী শক্নাইরবা অইবা ড. এইচ নীরেন্দ্র সিংহ (এন.ডি হোদাম্বা) না গেষ্ট অব অনার ওইগনি হায়রি।
হন্দক চহী মনা ফংগদবা মীওইশিং মখোয়দিঃ- এন প্রফুল্ল বিজয় সিংহদা 'নিংথৌখোংজম চন্দ্রহাস সিংহ স্মৃতি পুরস্কার', তনু ত্রিপুরাদা 'আরকে সুরেন্দ্রজিৎ-সিজবিধু স্মৃতি পুরস্কার', এল মীনা দেবীদা 'লৈহাও তোম্বী সাহিত্য স্মৃতি পুরস্কার', ক্ষেত্রিময়ুম মাধবীদা 'নিংথৌখোংজম দিলীপ কুমার সিংহ স্মৃতি পুরস্কার', য়েলাম কাঞ্চন সিংহদা 'লৈশাংথেম গোকুল সিংহ স্মৃতি পুরস্কার', থাংজম রথীন্দ্র সিংহদা 'কৈথেল্লাকপম চন্দ্রকুমার সিংহ স্মৃতি পুরস্কার', এল আশা সিংহদা 'ভূপেন্দ্র নাথ সিংহ স্মৃতি পুরস্কার', কেগেময়ুম মনিচন্দ্র সিংহদা 'খোইস্নাম বাবুধন সিংহ স্মৃতি পুরস্কার', লাইশ্রবম সুলতা (থাং তা) দা 'ময়েংবম তাপস সিংহ ক্রীড়া পুরস্কার' য়েলাম বিশাল সিংহ দা (বডি বিল্ডিং) 'ময়েংবম তাপস সিংহ ক্রীড়া পুরস্কার' অমসুং মানসী রাজকুমারীদা (থাং-তা) 'ময়েংবম তাপস সিংহ ক্রীড়া পুরস্কার' পীগনি হায়না সাহিত্য পরিষদনা থাগৎলকপা চেরোল অমদা পল্লি।
সাহিত্য একাডেমি, নিউ দিল্লীগী মণিপুরী ল্যাঙ্গুয়েজ বোর্ড অমসুং এম.এস.পি, ত্রিপুরা অনীনা খুৎশম্নরগা আগরতলাদা ট্রান্সলেশন অমসুং
মণিপুরী লিটরেচারগী মথক্তা নোংমগী ওইবা সিম্পোজিয়ম অমা জানুৱারী ১৯ দা পাঙথোক্কদৌরি। সিম্পোজিয়াম অসি হৌদোকপগী থৌরমদা সাহিত্য একাডেমি মণিপুরী ল্যাঙ্গুয়েজ বোর্ডকী কনভেনার ড. রাজেন তোইজাম্বা শরুক য়াগনি হায়না পাউ অমদা হায়রি।

সোর্স - মরূপ