• 727
• ২রা জুন ২০২৩ ইং
• Share on:

মণিপুরদা ঈরাং: আগরতলা শহরদা শান্তিগী খোঙচৎতা অথিংবা লৈরে

আগরতলা, জুন ০৩: মতম চানা চেকশিলহৌদবগী মণিপুরদা কাঙলুপকী ঈরাং হৌবনি হায়না মণিপুর অমসুং কেন্দ্রগী বিজেপি লৈঙাক্তা মরাল শিবা য়াওরবসু মণিপুর মপান্দা ত্রিপুরাদা তোঙান তোঙানবা মণিপুরী লুপশিংনা অমগা অমগা খুৎশম্নরগা পুন্না শান্তিগী খোঙচৎ অমত্তা থোকপা ঙম্নদ্রি।

তৌববুদি চান্নবা-থক্নবা পোৎলুম অমসুং শেল থুমগী তেংবাং থাখিবগা লোয়ননা মৈরা পায়দুনা গোলাঘাটি, লালসিংমুড়া, বামুটিয়া, গৌরনগর, নলগড়িয়া নচিংবা মণিপুরী খুঙ্গংশিদা মৈতৈ খুজোক খরনা শান্তিগী খোঙচৎ থোক্লবসু হৌজিক ফাওবা আগরতলা শহরদা তোঙান তোঙানবা লুপশিং পুল্লগা ময়ামগী শান্তিগী খোঙচৎ থোকপা ঙমদ্রি। নোংচুপ জিলাগী অনৌবা এসপি লৈরে। এস.পিগী অয়াবা য়াওদ্রবদি শহরাদা শান্তিগী খোঙচৎ থোকপদসু অথিংবা লৈরে হায়রি।

পনবা য়াবদি চৎখিবা মে থাদা আগরতলাদা মণিপুরী সাহিত্য পরিষদ, মণিপুরী কাউন্সিল ত্রিপুরা, মণিপুরী ষ্টুডেন্ট-য়ুথ কোঅর্ডিনেশন কমিটি, লময়ানবা নচিংবা তোঙান তোঙানবা মণিপুরী লুপ কয়ানা পুন্না ফম্মিন্নদুনা মণিপুরগী থৌদোক ইরাংবু পেন্দবা ফোঙদোক্নখি।

লুপশিং অসিনা পুন্না শান্তিগী খোঙচৎ থোকপগী ৱাফমসুং মীফমদা খন্নখিবনি। মণিপুরদা কাঙলুপকী ঈরাং অদুদা মরাল লৈজদ্রবা মীওইশিংনা থেংনরিবা অৱাবা অমদি তমথিরবা থৌদোক্কী মায়োক্তা শান্তিগী খোঙচৎ আসামদা তোঙান তোঙানবা লুপ কয়ানা খুৎশম্নরগা অপুনবা লুপকী শন্তিগী খোঙচৎসু থোকখ্রে।

সোর্স: মরূপ