মণিপুরগী সনামহী টেম্পল গুম্না শাবা ত্রিপুরাগী পুথিবা শঙলেন শঙ্গাদৌরে
মরূপ পাউমী, আগরতলা
তখেনগী কোনুং আগরতলাদা মৈতৈনা লাৎপা লাইফম কয়াগী মনুঙদা শীংথাবা য়াবা অরিবা লাইফমনি অভয়নগরগী পুথিবা লাইফম। মমাংঙৈগী পুরাতণ (অরিবা) আগরতলাদগী তখেন কোনুং হৌজিক্কী আগরতলাদা হোংলবা মতুং কৱাবন্দগী পুরকখিবা পুথিবা উমং লাই অসি অভয়নগরগী থোঙাম লৈকায়দা ঊ-ৱা না কুপ্পা লৈবাক্কী শঙলেন অমদা লাৎতুনা লাকখি। নিংথৌ পানবা মতমদগী লাৎতুনা লাকপা মগুণ চেল্রবা পুথিবা উমং লাইগী শঙলেন শেমগৎ শাগৎপীয়ু হায়দুনা পুথিবা ওয়েলফেয়ার এ্যন্ড কালচারেল সোসাইটিনা হোৎনবা কনবদগী মণিপুরগী সনামহী টেম্পলগী মতৌগুম্না উমংলাই ইবুধৌ পুথিবা শঙলেন অসি ত্রিপুরা লৈঙাক্না ইং ২০০৩ দগী শাবা হৌগৎখি। চৎলিবা নভেম্বর তাং ২২, থাংজা নুমিৎ থৌরম অমদা অনৌবা শঙরেন অসি শঙ্গারনি হায়রে। থৌরম অদুদা মনিপুরদগী ইনিংথৌ লৈশেম্বা সনাজাওবা, এমপি লেংঙক্কনি হায়রি। লোয়ননা মণিপুর ইউনিভার্সিটি অবা কালচারগী ভাইস চ্যান্সেলর (ভিসি) পাওনম গুনীন্দ্র, মুতুৱা ম্যুজিয়মগী ডিরেক্টর মুতুৱা বাহাদুর নচিংবা শক্নাইরবা মীওইশিং শরুক য়াগনি হায়রি। থৌরমদা ত্রিপুরাগী মুখ্যমন্ত্রী ড. মানিক সাহা, এমপি রাজীব ভট্টচার্য নচিংবা অমসুং খুন্নাইগী অখঙ অহৈ শক্নাইরবা কয়া শরুক য়ারবা য়াই হায়রি। পনবা য়াবদি ইং ১৯৪৯ দা ত্রিপুরানা ভারত্তা মার্জ তৌখিবা মতমদা মৈতৈনা লাৎপা লাইফম খরা লৈঙাক্না ঙাক শেম্না থম্বা হায়বা য়ান্নবা অমা লৈখি। লৈঙাক্না ওয়েস্ট ডিস্ট্রিক্টকী ডিএমগী লমজিং মখাদা পুথিবা শঙলেনগী দমক লুপা লাখ ৭৪ কায়থোকখি হায়রি।
সোর্স: মরূপ পাউচে।
0 কমেন্ট:
কমেন্ট তৌবিয়ু