• 909
• ৪ঠা নভেম্বর ২০২১ ইং
• Share on:

ভারত শিক্ষা রত্ন এৱার্দ ২০২১ ফংলবা ধনমঞ্জুরি য়ুনিভর্সিতিগী ভিসি প্রোফেসর নোংমাইথেম রাজমুহোণ সিংহ — তোংব্রম অমরজিৎ

তোংব্রম অমরজিৎ

মনা অসি ফংবদা নুংঙাইবা ফোংদোকলদুনা হায়, তশেংবদি ভারত শিক্ষা রত্ন অসি ফংগনি হায়বা থাজরুদে অদুবু মখোয়না তোঙান তোঙানবা হীরম কয়াদা মরু ওইনা ওজা অমনা মহাকনা খুনাই অমদা লৌরিবা থৌদাং, রিচার্স কয়া লেপ্তনা তৌদুনা একাদেমিক্সতা পীরিবা খুদোল, মহৈরোই অফবা কয়া পুথোকলিবা, লমজিং লমতাক তৌরিবা, হনবা লৈতনা কত্থোকপগা লোয়ননা মহাকনা তাকপি তম্বীরিবা হীরম অদুদা লৈবাক মীয়ামদা কান্নবা পীরিবা অদুগী পেরামিটর কয়াদা য়েংলগা পীরকপনি হায়বসিনি। ইন্দিয়াগী খ্বাইগী ফবা ইন্সতিত্যুটশিংগী মিং ১০০ হেন্না লাওথোকপদা মনিপুরদ্গী অমা ফাওবা য়াওরকত্রিবসি করি অশোয়বা লৈবদগীনো হায়বগী মরমদা ওজাগী ওইবা ৱাখল্লোন্দা মসি তশেংবদি মনিপুরদা অদুক হাকনা অতোপ্পা স্তেতশিংদা ফংলিবা খুদোংচাবশিং অদু ফংদদুনা অদুগা ওজাশিংনা শোয়বা নত্রগা মহৈরোইশিংনা কয়া ফত্তবা অদুগুম্বা অমত্তনা নত্তে মসি ঐখোয়গী লৈরিবা মহৈশঙশিং অসিদা হীরম কয়াদা হোল্লিস্তিকেল ওইবা খোঙথাং অমা পুন্না থাংমিন্নবা মথৌ তাবদু ঐখোয়সিদা ৱাৎপা অদুনা ওইগনি। হায়বদি মতম চানা একাদেমিক ওইবা থবকশিং লোয়শিনবা, মসিগী রিপোর্ট মরি লৈনবা য়ুজিসিদা থাবা, স্কুল অমদি দিপার্টমেন্ট খুদিংমক্তা লৈরিবা খুদিংমকনা য়ূজীসিগী পেরামিটরশিং অদু মতম চানা মপুং ফাহল্লবদি রেঙ্কিং অসি হায়গৎলক্কনি হায়বীখি। 

খুনাই অমগী য়ূম্বীদি ঙসিগী হৌরকলিবা নহারোলশিংনা ওইরি হায়বসি পুম্নমকনা খঙনৈ। লাইরিক লাইশুগী মঙাল য়াওদনা খুনাই অমনা চাওখৎ লম্বেলদা মাংজিল থানা চৎপা ঙমদে হায়বসু ঐখোয় খঙই। তৌইগুম্বসুং খুনাই অমবু মতম লৈবা খিবিক্তা লমজিং লমতাক্লিবা, কদায়দা করি শোয়খিগদগে হায়না মিকুপ নাহুম শিংনা শেন্নবীরিবা ওজা হায়বা শিনফমদা থবক তৌরিবা মীওই কাংলুপ অসিবুদি করিগুম্বা মতমদা ঐখোয়না নীংশিংবা ঙমলুদবা, মখোয়বু অৱাংবা থাক্তা ইকায়খুম্নবা উৎপা ৱাৎলকপা অমদি মখোয়না খুনাই অমদা তৌরিবা মপাল নাইদ্রবা খুদোল অদুগী তৌবীমল খঙবা ৱাৎলকপগী মমি মরক মরক্তা তাদবা নত্তে। অমরোমদা, ওজাগী শিনফমদা লৈরিবা মীওই কয়াগী মরক্তা অশেংবা ওজা অমা ওইবগী কৎত্থোকপগা লোয়নবা মহৈরোইশিংবু লমজিং লমতাক তৌবদা মশাগী লৈজবা লৌশিং পাঙ্গল থৌনা পুম্নমক পুথোক্তুনা হোৎনবা ওজাগী মশিং অসি কয়া য়াম্না লৈবাক অসিদা লৈরিবগে হায়বসি হংবা য়াবা ৱাহংনি। মরমদি ঙসি ঐখোয়গী স্তেট অসিদগী হৌরগা চাওখ্রবা লৈবাক অসিদা লৈরিবা তুংগী য়ুম্বী ওইরক্কদবা অদুগা লৈবাক অসিগী আশা ওইরিবা নহারোলশিংদা ভেল্যু ইদুকেসনগী ওইবা মঙাল ফংদুনা লৈবাক খূনাইগী য়াইফ থৌরাংগী থবক্তা চাম্মদা চাম্মা থৱায় য়াওনা থবক তৌবা মশিং অসি লীশিংনা খুজিং ওইদুনা লৈরে হায়না লৌবা য়াদবা মতাং কয়া য়াওরি। মেটরিয়েল পোজেসন অমসুং কঞ্জুমমরিজমদা হেন্না চংশিল্লকপা মানবা চাওখৎপগী খোঙজেল অসিদা অফবা ওজাগী থৌদাং অসিমদি মপাল নাইদে। মিৎয়েং শানবা, ওজাগী শিনফম্বু থৱায় হকচাং য়াওনা নুংশিবা, হোৎনবা লেপ্তবা, মহৈরোইশিংবু মতম লৈবা খিবিক্তা লমজিং লমতাক তৌরগা, নহারোলশিংবু থৌনা হাপ্পা, অমম্বদা মঙাল পীরিবা, মহৈরোইশিংনা মায় পাকলকপদা চাওথোকচবা, হেন্না হরাওজবা, লৈবাক অসিগী তুংগী য়ুম্বী কয়াবু লাইজ খিক্লেন চাইরিবা ওজাশিংগী মরক্তা হন্দক ২০২১গী সেপ্তেম্বর ৫দা শর্ভাপাল্লি রাধাক্রিস্নন তিচর্স দেগা মরি লৈননা ভারত সরকারগী নিতি আয়োগকি মখাদা লৈবা অর্ত ওফ গিভিং চেরিটেবল ত্রস্ত, ইন্দিয়ানা প্রোফেসর নোংমাইথেম রাজমুহোন সিংহদা লেমজনিংঙাই ওইরবা ভারত শিক্ষা রাত্না এৱার্দ পীদুনা ইকায়খুম্নবা ঊৎখি। ভর্চ্যুএল ওনলাইন্দ থৌরম অসিদা প্রোফেসর মিচেলে লেন্সিত্তা, ডাইরেক্টর, CAFRE, University of Pisa, Italy না চিফ গ্যিস ওইনা মনা অসি লান্থোকখি। নীংশিংবা য়াই, স্তেত অসিগী হন্দক্তা য়ুনিভর্সিতিগী থাক্তা অপগ্রেদ তৌরবা ধনামঞ্জুরি য়ুনিভর্সিতি অসিগী অহানবা ভাইস চান্সেল্লর ওইনা থৌ পুরিবা ওজা নোংমাইথেম রাজমুহোন হান্না মনিপুর য়ুনিভর্সিতিদা কেমিস্ত্রি দিপার্টমেন্টতা তোঙান তোঙানবা য়ুনিভর্সিতি অমদি অতৈ সাইন্সকা মরি লৈনবা থবক থৌরম কয়াদা মপাল নাইদ্রবা খুদোল কয়া তৌদুনা লাক্লিবা ফিদমনিংঙাই ওইবা ওজানি।

ওজা নোংমাইথেম রাজমুহোণ সিংহ ককচিং তুরেল ৱাংমা উরোক-চীংয়া পরেংদা ১৯৫৬তা পোকখি। হৌজিকনা লাংথবাল কুঞ্জ অৱাং লৈকাইদা লৈরে। মনিপুর য়ুনিভর্সিতিগী কেমিস্ত্রি দিপার্ট্মেণ্টতা পোফেসর অদুগা স্কুল ওফ মেঠমেটিকেল অমসুং ফিজিকেল সাইন্সকি দিনগী থৌসু পুরমখি। মসিগী মমাংদসু দিন ওফ স্তূদেন্স ৱেলফিয়র অমদি কেমেস্ত্রি দিপার্টমেন্টকী হেড ওইনসু থৌ পুরমখি। ১৯৮৫তা মনিপুর য়ুনিভর্সিতিদা থবক চংলবা মতুংদা তোঙান তোঙানবা নেসনেল ফন্দিং এজেন্সি কয়াদগী মেজর প্রোজেক্ট কয়া লৌথদুনা রিচর্স ৱার্ক কয়া চত্থরকখি। রিচর্স স্কোলর কয়াগা পুন্না হৌজীক ফাওবদা ইণ্টরনেস্নেল অমদি নেস্নেল্গী থাক্তা ফোংবা মরু ওইবা চেফোঙশিংদা রিচার্স পেপর ১১০ হেন্না ফোঙখিবা লৈরে। মহাক্কী লমজিং লমতাক মখাদা রিচার্স স্কোলর ১৬ অমদি রিচার্স স্কোলর ৭ কো-সুপরভিজন মখাদা পি ঐচ ডী ফংখ্রে। মনিপুর য়ুনিভর্সিতি টিচিং অমসুং এদ্মিনিস্ত্রেসন কয়াগী মথক্তা নেসনেলগী ওইবা নেস্লেল কাউন্সিল ফোর টিচর ইদুকেসন( এন সি টি ই) ইস্তর্ন রিজনেল সেন্টরগী ( হেড ওফিস, ভুবনেস্বর) নোমিনেটদে মেম্বর ওইরি অমসুং স্তেত লেভেল ইনভাইরোমেণ্টেল ইম্পেক্ট এসেসমেন্ট ওথোরিটি ,মনিপুর ( মিনিস্ত্রি ওফ ইনভাইরোমেন্ট, ফোরেস্ট অমসুং ক্লাইমেট চেঞ্জ) না নোমীণেট তৌরক্তুনা চেয়্রমেন্ট ওইরি। হৌজীক হৌজীক ওজা অসি নেস্নেল অমদি ইন্টরনেস্নেল্গী ওইবা লূপ অমদি সোসাইতী ১০গী মথক্তা লাইফ মেম্বর ওইরি। একাদেমিক্সকা মরি লৈননা জর্মনি, পোলেণ্ড, থাইলেণ্ড অমদি বাংলাদেশনচিংবা লৈবাক কয়াগী মমিং চৎলবা ইন্সতিত্যুট কয়াদা চৎলুরে। অমদি ইনভাইতেদ লেকচর কয়াসু পীরুবা লৈরি। মতম মতমগী লৈবাক্কি ওইবা ইসু কয়াদা সোলুসন পুরকনবা হোৎনবা অমদি সাইন্সকি লমদা মীয়ামদা হেন্না খঙহন্নবা খোঙথাং কয়াসু মহৈরোইশিংগা অমদি লূপ কয়াগা লেপ্তনা থবক পাংথোকলি। লমদম অমগী হ্যুমেন্ রিসোর্চ অসি চাওখৎতনা লৈবাক অমা চাওখৎপা অমদি মাংজিল থানা মাংদা চৎপা ঙমলোই হায়বসিদা থাজবনা হৌরক্লিবা নহারোলশিংদা কান্নবা পীগদবা অমদি মখোয়বু পুকনিং থৌগৎপা লোয়ননা অফবা অচুম্বা মায়কৈদা মঙাল পীবা য়াবা লাইরিক ৭হেন্না ইদুনা ফোংখ্রে। মসিতসু নত্তনা তোঙান তোঙানবা একাদেমিক প্লেটফোর্ম কয়াদা ৱাফম কয়া ফোংদোক্তুনা লাক্লি। নহারোলশিংবু লমজিং লমতাক পীনিংবনা লীচিং ওইদুনা ফোংখ্রবা ওজা রাজমুহোনগী লাইরিকশিংদি, (i) Nutrients for the Youth(2016) (ii)Inspiring the Youth through Books(2019), (iii) Srinivasa Ramanujan: A Life in the Jungle of Mathematics(2014), (iv) Chandrasekhar Venkata Raman: A Life in Science(2011), (v) Voyage Through Rays: Life and Works of Madame Curie(2011), (vi) Saknairaba Bigyankshingee Punshidagi(2006), (vii) Biodiversity, Biotechnology and Intellectual Property Rights(2007).

শকনাইরবা ওজা অসিগা মহাকনা লেমজনিংঙাই ওইরবা ভারত শিক্ষা রতনা এৱার্দ, ২০২১ ফংলকপদা হরাও নুংঙাইবা ফোঙদোকপা ওইনা ওজাগী য়ুমদা নোংমা অয়ুক অমা ৱারেং অসিবু ইজরিবা ইশামক্কা লোয়ননা ওজাগী মখাদা পিঐচদি ফংদুনা হৌজীকনা এময়ুগী কেমেস্ত্রি দিপার্টমেন্টতা গেস্ট লেকচর ওইরিবা মরুপ নিংঙোম্বম গৌতমগা উনজরুই। ওজানা ফোংদোকপীরকপা পুকনিংগী ৱারোল খরদং অদু ঙসিগী হৌরক্লিবা মীরোলদা হীরম কয়াদা কান্নবা শোয়দনা ওইগনি খঞ্জদুনা ইথোকচবনি। ওজানা ইবা লাইরিক ‘ইন্সপাইরিং দি য়ূথ থ্রু বুক্স’ হায়বসিদা নহারোলশিংদা থাজবা পুম্নমক থমদুনা হায়রিবা ৱারোলনি, “ Youth are the pillars of the nation. They are the barometer of the society and the nerve centre of the human-kind. If we could tape the potentials of the youth and influence them in a positive direction it would turn Earth into Heaven” লৈবাক অসিদা লৈরিবা নহারোলশিংগী তৌবা ঙম্বা শক্তি অদু লৈখিদ্রবা ভারতকী প্রসিদেণ্ট এপীজে অব্দুল কলাম্নসু পুকনিং য়াম্না থৌগৎলম্বা লৈরি। মহাকনা ইরম্বা লাইরিকশিংনা লৈবাক অসিগী মীওই কয়াদতা নত্তনা মালেমগী লৈবাক কয়াগী মীয়ামদা চাওরবা ইথিল পীখি। অসুম্না ওজা রাজমুহোনসু নহারোলশিংদা ইথিল পীবা য়াবা লাইরিক কয়া ইদুনা খুনাই অসিবু হেন্না চাওখৎপা, লাইরিক লাইশুগী লমদা মাংজিল থাবা ফিদমনবা ওইবা স্তেত অমা ওইহন্নিংবগী অপাম্বা কয়া ফোংদোকলকখি। মনা অসি ফংবদা নুংঙাইবা ফোংদোকলদুনা হায়, তশেংবদি ভারত শিক্ষা রত্ন অসি ফংগনি হায়বা থাজরুদে অদুবু মখোয়না তোঙান তোঙানবা হীরম কয়াদা মরু ওইনা ওজা অমনা মহাকনা খুনাই অমদা লৌরিবা থৌদাং, রিচার্স কয়া লেপ্তনা তৌদুনা একাদেমিক্সতা পীরিবা খুদোল, মহৈরোই অফবা কয়া পুথোকলিবা, লমজিং লমতাক তৌরিবা, হনবা লৈতনা কত্থোকপগা লোয়ননা মহাকনা তাকপি তম্বীরিবা হীরম অদুদা লৈবাক মীয়ামদা কান্নবা পীরিবা অদুগী পেরামিটর কয়াদা য়েংলগা পীরকপনি হায়বসিনি। ইন্দিয়াগী খ্বাইগী ফবা ইন্সতিত্যুটশিংগী মিং ১০০ হেন্না লাওথোকপদা মনিপুরদ্গী অমা ফাওবা য়াওরকত্রিবসি করি অশোয়বা লৈবদগীনো হায়বগী মরমদা ওজাগী ওইবা ৱাখল্লোন্দা মসি তশেংবদি মনিপুরদা অদুক হাকনা অতোপ্পা স্তেতশিংদা ফংলিবা খুদোংচাবশিং অদু ফংদদুনা অদুগা ওজাশিংনা শোয়বা নত্রগা মহৈরোইশিংনা কয়া ফত্তবা অদুগুম্বা অমত্তনা নত্তে মসি ঐখোয়গী লৈরিবা মহৈশঙশিং অসিদা হীরম কয়াদা হোল্লিস্তিকেল ওইবা খোঙথাং অমা পুন্না থাংমিন্নবা মথৌ তাবদু ঐখোয়সিদা ৱাৎপা অদুনা ওইগনি। হায়বদি মতম চানা একাদেমিক ওইবা থবকশিং লোয়শিনবা, মসিগী রিপোর্ট মরি লৈনবা য়ুজিসিদা থাবা, স্কুল অমদি দিপার্টমেন্ট খুদিংমক্তা লৈরিবা খুদিংমকনা য়ূজীসিগী পেরামিটরশিং অদু মতম চানা মপুং ফাহল্লবদি রেঙ্কিং অসি হায়গৎলক্কনি হায়বীখি। মনিপুরদা অফবা ওজা অমদি মহৈরোই কয়া লৈরি। মখোয়দগী ঐখোয়না আশা কয়া তৌবা য়াই। মরু ওইনা সাইন্সকী সব্জেক অসিদা লৈবনা মনিপুর য়ুনিভর্সিতিদা নত্রগা দিএময়ু দা মতমগা চুনবা য়াম্না সোফিস্তিকেটেড ওইবা লেবোরেটোরি লৈহনবগী তঙাইফবা ৱাফম কয়াসু ফোংদোকলকখি। লোয়ননা চাওরবা রিচার্স প্রোজেক্ট কয়া তান্নদুনা লমদম অসি সাইন্সকি মেপ্তা শিংথানিংঙাই ওইবা লমদম অমা ওইহন্নিংলি। অসিগুম্বা কয়া অসি মায় পাকনা তৌবদা মরৈ লৈনবা খুদিংমকনা থম্মোয় শেংনা অমনা অমগী মতেং পাংনবা, ফাইল সিস্তেম অসি ফজনা মেন্তেন তৌবা থবক মতম চানা লোয়শিনবা অমসুং ইন্সটীত্যুট কয়াগী লৈরিবা ৱেবসাইতশিং অপদেট তৌবা, অসিগুম্বা কয়া অসি তঙাইফদে মরমদি হৌজীক্কী মতম অসিদা মহৈ তম্বগী লাক্লিবা খোঙথাং অসি ইন্তরদিসিপ্লিনরি স্তদিস অমসুং মলতিদিসিপ্লনরি ওইবা এপ্রোচ অসিগী মতম্নি হায়খি। সাইন্সনা খম থেংনা চাওখৎলবা মতম অসিদা মীওইবনা তুং কোইনা মালেম অসিদা য়াইবী মরাং কায়না লৈনবা হোৎনবদা হৌজীক খ্বাইদগী তঙাইফদ্রিবা হীরম অমদি সস্তেনবল দিভেলবমেন্ট হায়বসিনি। অসিগুম্বসি হেন্না পুকনিং থৌগৎপা ওইনা এনভাইরোনমেন্টল স্তদিস অসি য়াম্না মরু ওই হায়খি। হৌজীক স্তেত অসিগী ওইনা দিএময়ু অসি লৈরবনিনা মসিদা খ্বাইদগী ফবা ফেকল্টি হাপ্তুনা লৈবাক অসিদা মাংজিল থাবা য়ুনিভর্সিতি অমা ওইহন্নিংলি ওজানা। অথুবা মতমদা অৱাৎপা মচাক মথুম ইনফ্রাস্ত্রকচরশিং পুম্নমক লৈঙাকনসু লেপ্তনা শেমগৎলি। দিএময়ু অসিদা খ্বাইদগী চাওবা এলুম্নাই সেন্টর অমা শেমগৎনিংবগী অপাম্বসু ফোংদোকপীরকখি। মরমদি মনিপুরগী প্রিমিয়র কলেজ অসিদগী মালেম শিনবা থুংনা মমিং লৈরবা মীওই কয়া পুথোকখিবা লৈরে। অসিতসু নত্তনা সাইন্সতা, আর্তস্তা, হীরম কয়াদা মমিং লৈর লৈরবা পার্সোনেলিতি কয়াগী মহৈ তম্ফম ওইরবা দি এম য়ুনি। অদুনা অসিগুম্বা মহৈশঙলেন অসি মঙাল নাইহননিংলি ওজানা। হন্দক ভারত শিক্ষা রত্ন ফংলকপদা হায়নিংঙাই লৈতনা নুংঙাইবা ফোংদোকচরি ওজাগী মফমদা। অসিগুম্বা লেমজনিংঙাই ওইরবা মনা অসি ফংলকপদা মনিপুর য়ুনিভর্সিতিনা অমদি লৈঙাকনা ওজাবু গ্রান্দ রিসেপ্সন থৌরম অমদি পাঙথোকহন্নীংই।