বামছাস’কী দ্বিবার্ষিক সম্মেলন অমসুং “নুঙশিবা খোঞ্জেল-৩” গী থৌরম
সিলেট, জানুয়ারী ১৩ : বাংলাদেশকী মহৈরোই শিংগী লূপ “বাংলাদেশ মণিপুরী ছাত্র সমিতি (বামছাস)” কী চহী অনিগী কনফারেন্স (দ্বিবার্ষিক সম্মেলন) থৌরম অমসুং বাংলাদেশকী মণিপুরী মহৈরোই শিংদগী টেলেন্ট হান্ট পুথোকপগীদমক “নুঙশিবা খোউ্জেল-৩” কৌবা ঈশৈ হেন্দান্নবগী থৌরম অমা লাক্লিবা ২১ জানুয়ারী ২০২২, ইরাই নুমিৎ অয়ুক পুঙ ১০ দগী হৌনা নুমিৎচুপ্না সিলেট লমদমগী খুনৌ লৈকায় শ্রী শ্রী জগন্নাথ জিউড় আখড়া মন্ডোপতা পাঙথোক্কনি হায়না বামছাস’কী মরি লৈনবা থৌপুবা শিংনা খংহনলকখি।
থৌরম অসিদা ঈশৈ হেন্দান্নবা (মিউজিক কম্পিটিশন) গী মতুংদা নৈন মীফম অমসু পাঙথোক্কনী হায়রি। নৈন মীফমদা বাংলাদেশকী শক্নাইরবা সোস্যাল এক্টিভিস্ট অমদি অখং অহৈ কয়া গেষ্ট ওইনা শরুক য়াবিগনি । মথংদা “নুঙশিবা খোঞ্জেল-৩” থৌরমদা মায়পাকপা 1st, 2nd অমসুং 3rd ওইবা মহৈরোইশিংদা মনা য়েন্থোকপা মতুংদা জগোই-ঈশৈগী নিংথিরবা থৌরম অমসু বামছাস’কী মায়কৈদগী শিল্লাংজরি হায়দুনসু তাকপিরকখি।
থৌরম অসিবু শিনলিবা “সম্মেলন প্রস্তুতি কমিটি-২০২২”- গী কনভেনর এইচ.মনিলাল সিংহ অমসুং মেম্বর সেক্রেটারী থোকচম বিকি সিংহ মখোয় অনিগী মায়কৈদগী ময়ামদা বামছাস’কী থৌরম’সিদা লেংবিরক্তুনা শরুক য়াবিনবা হায়দুনা নিংশিংবিরকখি।
0 কমেন্ট:
কমেন্ট তৌবিয়ু