বাংলাদেশ মণিপুরী ছাত্র সমিতিগী স্কোলারশীপ এক্সা ২০২৫ পাঙথোকখ্রে।
সিলেট, ২৮ নভেম্বর ২০২৫
বাংলাদেশকী মহৈরোয়শিংগী অরিবা ওর্গানেজশন বাংলাদেশ মণিপুরী ছাত্র সমিতি (বামছাস) না শিলাংদুনা এডুকেশন য়াওদনা মতীক চাবা খুন্নাই অমা চাউখৎপা ঙম্লোই হায়বগী ওয়াখল্লোনদগি ১৯৯২ দগি চহি খুদিংগী পাঙথোক্তুনা লাক্লিবা স্কোলারশিপ এক্সাম পাঙথোকখ্রে।
ঙশি তা ২৮ নভেম্বর ইরাই নুমিৎ, অয়ুক পুং ১০ দগী পুং ১২:৩০ ফাউবা বাংলাদেশকী মফম কয়াদা মৈতৈ খুন্দারিবা সেন্টার তরুক্তা পুন্না পাঙথোকখি। সিলেট সিটি সেন্টারগী ওইনা মির্জাজাঙ্গাল গার্লস হাই স্কুলদা, মৌলভীবাজার ডিস্ট্রিক্টকী জুড়ী ছোট ধামাই সেন্টারগী ছোটা ধামাই গভট প্রাইমারি স্কুলদা, জুড়ী কর্মধা সেন্টারগীনা ভান্ডারীগাঁও মণিপুরী সাংস্কৃতিক একাডেমিদা, ভানুগাছ সেন্টারগীনা তেতইগাঁও সরকারি প্রাইমারী স্কুলদা, শ্রীমঙ্গল সেন্টার অমসুং হবিগঞ্জ ডিস্ট্রিক্টকী বিশগাও সেন্টারগীনা গাজীপুর গভট প্রাইমারী স্কুলদা মতম অমত্তদা পাঙথোকখি।
ক্লাস মঙা অমসুং ক্লাস নিপাল পুন্না মহৈরোয় ২১২ রোম শরুক য়াখি।
পনবা য়াবদি বাংলাদেশ মণিপুরী ছাত্র সমিতিগী চীফ এডভাইজর অমসুং চীফ স্পোন্সর ওইবিরিবা অসেম সত্যজিৎ সিংহগী মতেং অমসুং এডভাইজর এল. নন্দলালগী মীৎয়েং মখাদা সিলেট সেন্টারদা পাঙথোকখিবা এক্সাম অসিদা শরুক য়াখি বাংলাদেশ ব্যাংক কি এডিশোনেল ডিরেক্টর লিলি রানী দেবী, ডাক্তার বাবলী দেবী, সাইরেম লূকেশ্বর, রাসেল মাইবম অমসুং অর্গানাইজেশন অসিগী প্রেসিডেন্ট ময়েংবম মুকেশ, কালচারাল সেক্রেটারী ইচেল থোইবা, মনিলাল সিংহ য়াওনা অতৈ অতৈ শরুক য়াখি।
অতৈ অতৈ সেন্টারদা ওজা সাজ্জাদুল হক (স্বপন), ওজা কে শান্তকুমার সিংহ, শিল্পী দেবী, স্বপ্নীল সিংহ, সিদ্ধার্থ সিংহ, শোভন সিংহ, গোপাল শর্মা, খোঞ্জেল সিংহ।
0 কমেন্ট:
কমেন্ট তৌবিয়ু