বাংলাদেশকী শকনাইরবা পলিটিশিয়ান অমসুং সোশিয়েল এক্টিভিষ্ট ফলেম ধীরেন সিংহ লৈখিদ্রে
সিলেট, দিসেম্বর ৭ : বাংলাদেশকী শকনাইরবা পলিটিশিয়ান অমসুং সোশিয়েল এক্টিভিষ্ট ফলেম ধীরেন সিংহ মশাগী অনাবা অমনা মরম ওইরগা ঙরাং দিসেম্বর ৬, লৈবাকপোকপা নুমীৎ, নুমিদাং পুং ৮:৩০ দা সিলেট সিটিগী উইমেন্স মেডিকেল কলেজ হসপিটালদা লৈখিদ্রে, মহাক্না লৈখিদবদা মশাগী চহী ৭৪ শুখ্রে। মহাক সিলেট সিটিগী রাজবাড়ী অদুগা মৈতৈশিংনা কোনুং লৈকায় হায়দুনা কৌবা মফমদুদা পোকপনি। মহাক্কী লোয়নবী অমসুং মচা নুপা অমা, মচা নুপি অমা থম্লম্মি।
বাংলাদেশকী মণিপুরী খুন্নায় খক্তা নত্তনা লৈবাক অসিগী মীয়ামগী চাওখৎপা, নুঙাই-য়াইফবা সমাজ অমা লিংখৎনবা অকনবা থৌদাং লৌরমখিবা ওজা ফলেম ধিরেন সিংহ বাংলাদেশ সাম্যবাদী দল(এম এল) কৌবা প্রোগ্রেসিভ পার্টি অমগী পলিট ব্যুরো মেম্বার অমসুং সিলেট ব্রাঞ্চকী জেনারেল সেক্রেটারী ওইনা ফম পুরমবনি। অদুনা ময়াম্না কমরেড ধীরেন সিংহ হায়দুনা খংনরম্মী। বাংলাদেশনা ইন্ডিপেন্দেন্ট ফংলকপা মতুংদগী লৈবাক অসিদা খুন্দারিবা মণিপুরীশিংগী অওনবা অমা পুরক্নবা হোৎনবা অমদি খু্ন্নায় অসিগী অৱা অনা খুদিংমক্তা শরুক য়াদুনা লাকখিবা বাংলাদেশকী মণিপুরী মীয়াম্না ইকায়খুম্নরবা ওজা ফলেম ধীরেন সিংহ, বাংলাদেশ মণিপুরী যুব সমিতি(বামযুস)গী ফাউন্ডিং মেম্বারনি অমসুং বামযুসগী প্রসিদেন্ট ওইনা থৌ পুবিরম্মী।
কমরেড ফলেম ধিরেন সিংহনা লৈখিদবদা বাংলাদেশ মণিপুরী যুব সমিতি, বাংলাদেশ মণিপুরী সাহিত্য সংসদ, বাংলাদেশ মণিপুরী ছাত্র সমিতি, মণিপুরী কালচারাল কমপ্লেক্স, এথনিক কম্যুনিটি ডেভেলপমেন্ট ওর্গানাইজেশন(একডো), নোর্থ আমেরিকান বাংলাদেশ মণিপুরী সোসাইটি, ঢাকাবাসী মণিপুরী অমদি মণিপুরী মিরর -না চিংবা বাংলাদেশকী মণিপুরী সংস্থান পুম্নমক্না অৱাবা ফোঙদোরকপগা লোয়ননা লৈহৌরিবা ইমুং-মনুংগী অৱাবদসু শরুক য়ারি হায়দুনা সোস্যাল মিডিয়া অমদি প্রেস ব্রিফিং ওইনা ফোংদোক্নরকখি। লোয়ননা বাংলাদেশকী পলিটিকেল পার্টি পুম্নমক্কী মায়কৈদগী অৱাবা-নুঙাইতবা ফোঙদোরকপা অমসুং ইকায়খুম্নবাসু উৎলকখি।
ঙসি য়ূমশাকৈশা নুমিৎকী অয়ুক পুং ১১দা সিলেটকী সেন্ট্রেল শহীদ মিনারদা লৈখ্রিদ্রবা ওজা কমরেড ধীরেন সিংহবু মীয়াম্না ইকায়খুম্নবা উৎপা অমসুং শ্রদ্ধাঞ্জলী কৎপগী থৌরম অমসু পাংথোকখি। থৌরম অদুদা সিলেটতা লৈবা মণিপুরী লুপ পুম্নমক অমসুং সিলেটকী সোশিয়েল ওর্গানাইজেশন অমদি পোলিটিকেল পার্টি অয়াম্বনা শরুক য়াখিরম্মী।
0 কমেন্ট:
কমেন্ট তৌবিয়ু