নোংথোম্বম চন্দ্রকলা নীংশিং সাহিত্য মনা পীখ্রে
ইম্ফাল, মে ২৬
রাইতর্স ক্লব মণিপুর নম্বোলগী চহী ৩/৩ কান্নরগা পীবা নোংথোম্বম চন্দ্রকলা নীংশিং সাহিত্য মনা চহীসিগী ওইনা অহুমশুবা নোংথোম্বম চন্দ্রকলা নীংশিং সাহিত্য মনা কৈথেল্লাকপম লন্দননা ইবা ৱারীমচা লাইরিক ‘অমনবা হি’ দা ঙসি রোয়েল একাদেমী ওব লো ওইনামগী সেমিনার হোলদা পীখ্রে।
সাহিত্য মনা অসিদা সাল অমা, সাইতেসন অমা অমদি শেল ওইনা লুপা লীশিং ২০ য়াওরি। মনা অসি নোংথোম্বম চন্দ্রকলাগী মপুরোইবা নোংথোম্বম সুরচন্দ্রনা মহাক্কী লোয়নবীগী মিংদা কৎপনি।
থৌরমসিদা লমাবম বিরমণি, সাহিত্য একাদেমী এৱার্দি অমদি হান্নগী প্রেসিদেন্ত রাইতর্স ফোরাম ইম্ফাল, ফুরাইলাৎপম ব্রজমুহিনি দেবী প্রেসিদেন্ত রাইতর্স ক্লবা মণিপুর নম্বোল, ইরোংবম জুগেশ্বর সিংহ সেক্রেতরি, গবর্নিং বোদি রোয়েল একাদেমী ওব লো ওইনামনা অথোইবা মীথুং, থৌরম মপু অমদি অখন্নবা মীথুং ওইনা শরুক য়াখি।
সোর্স: পোক্নফম
0 কমেন্ট:
কমেন্ট তৌবিয়ু