তখেল লৈমা তেঙবাং লুপকী ১৪ শুবা মপোক কুমওন পাঙথোকখ্রে
আগরতলা, মে ১৭ : ত্রিপুরাদা য়াম্না কন্না থবক থৌরম চত্থদুনা থৌদাং চাওনা লৌদুনা লাক্লিবা লমদম অসিগী অমত্তা ঙায়রবা নুপীগী লুপ ‘তখেল লৈমা তেঙবাং লূপ’ লিংখৎখিবগী চহী ১৪ শুবা কুমওন থৌরম ঙরাং মে ১৫, নলগড়িয়াদা লৈবা তরৌ মৈতৈ লৈকায়দা লৈবা হেড ক্বার্টারদা পাঙথোকখ্রে।
লূপগী প্রেসিডেন্ট শ্রীমতী নিংঙোম্বম রাধিকা সিংহনা থৌরম মপু ওইরগা এন. আই.টি আগরতলাগী এসি: প্রোফেসর ড. অনুরাধা নোংমাইথেমনা চীফ গেস্ট অদুগা লময়ানবা সংস্থাগী সেক্রেটারী ক্ষেত্রিময়ূম মাধবী, মরূপ পাউচেগী জয়েন্ট ইডিটর আরকে তরুনজিৎ অমসুং মণিপুরী সাহিত্য পরিষদকী ভাইস প্রেসিডেন্ট সেলৈবম খেলামোহন সেননা গেষ্ট অব অনার ওইনা শরুক য়াখি।
লৈমা লুপকী ভিপি খুন্দ্রাকপম প্রজাপতিনা ওক্না ৱারোল পীখি মথংদা সেক্রেটারী খোইস্নাম বীরলানা লুপ অসিনা পাঙথোকখিবা অমদি পাঙথোক্কদৌরিবা থবক থৌরম কয়াগী পাউদম পীদুনা হায়খি, ইং ২০১০ গী মে ১৫ দা লুপ অসি শাফোংলকখি। খুঙ্গং মচা অমদগী হৌরকপা লুপ অসিনা ঙসিদি ব্রাঞ্চ মফম কয়াদা শন্দোরক্লে হায়খি। থৌরম অসিগা মরী লৈননা লুপকী মেম্বর এল মীনা দেবী অমসুং সিজা মলিনানা ৱারেং অমদি শৈরেং পাথোকখি। অরোইবদা নিনাদ ডান্স একাদেমিগী কলাকারশিংনা জগোয় উৎখি।
সোর্স: মরূপ
0 কমেন্ট:
কমেন্ট তৌবিয়ু