টিকেন্দ্রজিৎ অকোইজমগী নোভেল ‘জেনিফর’ ফোঙখ্রে
ইম্ফাল, দিসেম্বর ১৭ : ৱাই ভি য়ু থৌবালগী সি ই ও ওইরিবা টিকেন্দ্রজিৎ অকোইজমনা ইবা ‘জেনিফর’ হায়না মিংথোনবা ফিক্সনগী নোভেল অমা ঙসি মণিপুর লেংগ্বেজ এদভাইজরি বোর্দ সাহিত্য একাদেমী নিউ দিল্লীগী কনভেনর প্রোঃ রাজেন তোইজাম্বনা থৌবাল ৱাংমতাবা চীংয়াদা লৈবা ৱাই ভি য়ুগী শঙলেন্দা ফোঙখ্রে।
মে ৩ দগী চত্থরক্লিবা কাঙলূপকী ঈরাং অসিদা লৈখিদ্রবা অথৌবা পূম্নমক্কী মফমদা মিনীত ১ তুমীন্না লেপ্তুনা মখোয়বু ইকায়খুম্নবা ঊৎপগা লোয়ননা হৌদোকখিবা ঙসি থৌরম অদুদা মণিপুর লেঙগ্বেজ এদভাইজরি বোর্দ সাহিত্য একাদমী নিউ দিল্লীগী কনভেনর প্রোঃ রাজেন তোইজাম্বা, মণিপুর সাহিত্য সমিতি থৌবালগী প্রেসিদেন্ত রিতায়ার্দ উইং কম্মান্দর এ কে দেবেন্দ্র অমসুং ধনমঞ্জুরি য়ুনিভার্সিতিগী এসিস্তেন্ত প্রোঃ দাঃ সরতচন্দ্র লোংজম্বনা অথোয়বা মীথুংশিং ওইনা শরুক য়াখি।
ঙসি ফোঙখিবা লাইরিক অসিগী মতাঙদা মরীক চুম্বা ৱাফম কয়াগা লোয়ননা দাঃ সরতচন্দ্র লোংজম্বনা মীয়ামদা লাইরিক অসিবু মশক তাকখি।
সোর্স: পোক্নফম
0 কমেন্ট:
কমেন্ট তৌবিয়ু