মিস্তর ইন্দিয়া ২০২৩ মণিপুরগী জয়রাস অমসুং চিত্রকানন য়াওদৌরি
ইম্ফাল, দিসেম্বর ১৭ : গ্লোবেল মোদেল ইন্দিয়ানা শীন্দুনা মহারাস্ত্রগী সাঙ্গলিদা অনীরকশুবা ওইনা নুমিৎ মঙানি চূপ্না পাঙথোক্কদবা মিস্তর ইন্দিয়া ২০২৩ দা মণিপুরদগী জয়রাজ সিংহ নিঙোম্বম অমসুং চিত্রকানন থৌদাম অনীনা স্তেত অসিগী রিপ্রজেন্ত তৌদুনা শরুক য়ারুগদবা অসি লমদম অসিগী মীয়াম্না শৌগৎপীয়ু হায়না মণিপুর ফেশন সোসাইতিনা ফোঙদোকখ্রে।
ঙসি মণিপুর প্রেস ক্লাবতা পাঙথোকখিবা পাউমী মীফম অমদা মণিপুর ফেশন সোসাইতিগী সেক্রেটারী চনম্বম দিলিপনা হায়, মিস্তর ইন্দিয়া-২০২৩ অসি গ্লোবেল মোদেল ইন্দিয়াদা শীন্দুনা পাঙথোকপনি। কম্পিতিসন অসিগী গ্রান্ড ফাইনালে থা অসিগী ২৪ দা মহারাস্ত্রগী সাঙ্গলি পাঙথোক্লগনি। ইভেন্ত অসিদা মণিপুরদগী জয়রাজ সিংহ নিঙোম্বম অমসুং চিত্রকানন থৌদামনা মণিপুরগী রিপ্রেজেন্ত তৌদুনা শরুক য়াগনি।
মখোয় অনীনা ইভেন্ত অসিদা শরুক য়াবা অসি লমদম অসিগী ওইনা চাউথোকচনিংঙাই ওই। মখোয় অনীনা শরুক য়াগদৌরিবা অসিদা মণিপুরদা লৈরিবা মীয়াম্না মায় পাক্নবা থৌজাল পীনবীয়ু হায়না দিলিপনা ফোঙদোকখি।
সোর্স: পোক্নফম
0 কমেন্ট:
কমেন্ট তৌবিয়ু