একাডেমি এৱার্ডি নোবেলিষ্ট ক্ষেত্রি বীরদা ‘নীলিমা সিনহা মেমোরিয়েল এৱার্ড’ লান্থোক্লগনি
সিলেট, অক্টোবর২২ : বাংলাদেশতা খ্বাইদগী লীরবা সাহিত্যগী লুপ অমা ওইনা চহী ৪৭ চুপ্না মণিপুরী লোল, সাহিত্য চাওখৎনবগীদমক লেপ্তনা হোৎনরক্লিবা বাংলাদেশ মণিপুরী সাহিত্য সংসদনা শীন্দুনা লাক্রিবা নভেম্বর তাং ৪, সিলেটকী জিলা পরিষদ হোলদা ৭ শুবা ইন্টারনেশনেল কনফারেন্স অন মণিপুরী লিটরেচর এন্ড কালচার-২০২২ লোয়ননা ‘নীলিমা সিনহা মেমোরিয়েল এৱার্ড’ মনা লান্থোকপগী থৌরম অমা পাঙথোক্কদৌরি।
থৌরমদুদা ভারতকী মরু ওইনা মণিপুরগী সাহিত্য পরিষদকী প্রেসিডেন্ট এল জয়চন্দ্র, জেনারেল সেক্রেটার ড. ই. প্রিয়ব্রত অদুগা ত্রিপুরাদগী পরিষদকী প্রেসিডেন্ট এন দিলীপ কুমার অমসুং জেনারেল সেক্রেটারী টিএইচ নীলকুমার শরুক য়াগনি হায়রি।
হন্দক চহী ‘নীলিমা সিনহা মেমোরিয়েল এৱার্ড’ মণিপুরগী শক্নাইরবা অইবা একাদেমি এৱার্ডি ক্ষেত্রি বীর সিংহদা পীরগনি। বাংলাদেশ মণিপুরী সাহিত্য সংসদকী প্রেসিডেন্ট এ.কে শেরামনা থৌরম মপু ওইরগা মনা লান্থোকপগী থৌরম অদুদা চীফ গেষ্ট ওইনা বাংলাদেশক সরকারগী জাতীয় ক্রীড়া পরিষদকী সেক্রেটারী পরিমল সিংহ শরুক য়াগনি হায়রি।
0 কমেন্ট:
কমেন্ট তৌবিয়ু