ইবোয়াইমা লাইথাংবমদা থিয়াম প্রেমকুমার এৱার্দ পীখ্রে
ইম্ফাল, এপ্রিল ৩: সাথৌলুপ (সাহিত্য থৌপাং লূপ) না শীন্দুনা ঙসি মণিপুর প্রেস ক্লবতা ৱার্ল্ড প্রেস দে, ২০২৫ পাঙথোকখিবগা লোয়ননা ইবোয়াইমা লাইথাংবমদা থিয়াম প্রেমকুমার এৱার্দ পীখ্রে।
থৌরম অদুদা অমজুগী পাউমী ওয়েলফেয়ার ফাউন্দেসগী চেয়ারমেন নিংথৌখোংজম তোম্বীরাজনা চীফ গেস্ত অমসুং এ আই আর ইম্ফালগী এসিস্তেন্ত দিরেক্তর (নিউজ) থোকচোম য়োগেন্দ্রজিৎ সিংহনা প্রেসিদেন্ত ওইখি।
চীফ গেস্তকী ৱারোল পীরদুনা তোম্বীরাজনা হায়খি, ৱার্ল্ড প্রেস ফ্রীদম দে অসিগী হন্দক চহীগী থিম অসি রিপোর্তিং ইন ব্রেব নিউ ৱার্ল্ডঃ দি ইম্পেক্ত ওব আর্তিফিসিএল ইন্তেলিজেন্স ওন প্রেস ফ্রীদম এন্দ দি মিদিয়া হায়বসিনি। ৱার্ল্ড প্রেস ফ্রীদম দে অসিদা নংনবা ৱাতসএপকী নিউজ কমিউনিকেশনশিং অসিগী রুলশিংসু ইমপ্লিমেন্ত তৌখ্রে। অদুবু পাউ লৌবগী ৱারী শানরিবশিংসু গবর্নমেন্তনা রেকোর্দ তৌগনি হায়রি।
মসিমক তশেংনা ৱার্ল্ড প্রেস ফ্রীদম দেদা অচৌবা শীংনবা ওইরি। পাউ থাবদা ৱাতসএপশিং, ত্বিতর, সোসিএল মিদিয়াসু মোনিতর তৌগনি হায়রি। অসিগুম্বা গবর্নমেন্তকী অনৌবা রুলশিং অসি ফাইত তৌগদবনি। মসি মিদিয়াদা অচৌবা শীংনবা অমা ওই হায়না খল্লি।
দিভাইস পূম্নমকসু মিনিস্ত্রিগী সিস্তেমদা কনেক্ত তৌগনি হায়রি। গবর্নমেন্তকী মায়োক্তা করিগুম্বা মখল অমত্তগী পাউসু ফোঙবা য়ারোই হায়বা ৱাফমশিং অসিদা করম্না প্রেস ফ্রীদম ওইবা ঙমগদৌরিবনো। মরম অদুনা পীরিবা থিম অসিগা গবর্নমেন্তনা শেম্লিবা রুলশিং অসিগদি পুরা ওন্ন-তৈনরে হায়না তোম্বীরাজনা ফোঙদোকখি।
থৌরম অদুদা সাথৌলূপনা অমজু (ওল মণিপুর ৱার্কিং জর্নেলিস্তস য়ুনিয়ন) গী ভাইস প্রেসিদেন্তসু ওইরম্লবা সেনিয়ার জর্নেলিস্ত ইবোয়াইমা লাইথাংবমদা থিয়াম প্রেমকুমার এৱার্দ লান্থোক্তুনা ইকায়খুম্নখি। ইনফোর্মেশন এন্দ পাব্লিক রিলেসন্সকী পাব্লিসিতি ওফিসারসু ওইরম্বা থিয়াম প্রেমকুমারগী মিংদা পীবা এৱার্দ অসিদা শেল ওইনা লুপা লীশীং ১০, সাল অমা অমসুং সাইতেসন অমা য়াওরি।
সোর্স: পোক্নফম
0 কমেন্ট:
কমেন্ট তৌবিয়ু