ইন্টারনেশনেল লিটরেরী কালচারেল ইভেন্ট ত্রিপুরাদগীসু রিসোর্স পার্সন শরুক য়াখি
মরূপ পাউমী, আগরতলা
লাইওইখ্রবা ইপা-ইপুশিংদুনা মরমদম্বু নুংশিজবা অমদি চাওখৎনবা হোৎনবদা তাখিবা ঈখৈং কয়া অমদি হুমাং মমলবু মশক খঙবা মীওই অমত্তনা পুৱারীবু লান্না ইরোই। মরৈবাকপু নুংশিবা শাবা মীওই খক্তনা কাং-খোং চাইনবা লান্না পুৱারী অদু ইরমগনি হায়না সোসিয়েল রিফোর্মার আরকে সানায়াইমা (আরকে মেঘেন) হায়খ্রে। নুমিৎ হুম্নি চুপ্না মণিপুর ইউনিভার্সিটিদা চত্থখিবা ইন্টারনেশনেল লিটরেচার এ্যন্ড কালচারেল ইভেন্ট হৌদোকপগী থৌরমদা ৱাফমসি ফোঙলদুনা মহাক্না হায়খি, লান্না পুৱারী অদু ইশিন্দুনা চত্থহনখিবা থৌওং অদু থিংহৌবা য়াম্না মথৌ তরাবনি।
রিসোর্স পার্সন ওইনা শরুক য়াখিবা এম.ইউগী প্রো: ড. এম সনাজাওবানা মণিপুরদা লোল, ময়েক, লাইনিং নাৎ কালচার নচিংবা শীথরক্তুনা মচিন-মনাও, মমা-মপা ফাওবদা মশক খঙলক্তবগী ফীভম অদু লাক্লে। মণিপুর অমসুং মপান্দা তারিবা মীতৈশিংবু মশক খঙদুনা ইশাগী আইডেন্টিটি ঙাকপগী য়অম্না মথৌ তারবনি হায়না মহাক্না ফোঙদোকখি।
তোঙান তোঙানবা লুপ ৬না পুল্লগা দি জয়েন্ট ওর্গানাইজিং কমিটিনা শীল্লাংদুনা ক্যাম্পাস সেন্টিনারী হোলদা পাঙথোকখিবা লিটরেরী কাম কালচারেল ইভেন্ট থৌরম অদুদা বাংলাদেশ শরুক য়াখিদ্রবসু ত্রিপুরা, আসামদগী কবি সাহিত্যিক অইবী রিসোর্স পার্সনশিং নচিংবা শরুক য়াখি। ইভেন্টতা ত্রিপুরাদগী কবি খোইস্নাম বীরলা শরুক য়াখি।
সোর্স: মরূপ
0 কমেন্ট:
কমেন্ট তৌবিয়ু