• 858
• ১লা ফেব্ররুয়ারি ২০২২ ইং
• Share on:

ইনাৎকী লাইনিং লাইশোল থৌরমগী ফিজেৎ লৈতেংগী মতাংদা অপাল কংলৈপাক্না ৱাফম কয়া থম্লক্লি

ইম্ফাল, জানুয়ারি ৩০: অমাই-পিবা অপূল-লুপ কংলৈপাক (অপাল কংলৈপাক) কী থৌবুরেন ৱাফোঙবা (পাব্লিসিটি সেক্রেটারি) কিরনকুমার ময়াংলম্বমনা থাদোরকপা চেরোল অমনা ইনাৎকী লাইনিং লাইশোল থৌরমগী ওইবা ফিজেৎ লৈতেংগী মরমদা ৱাফম কয়া ফোঙদোরক্লি। চেরোল অসিনা হায়, ইনাৎকী লাইনিং লাইশোল থৌ পুবিরিবশিংনা থৌরম পাঙবা মতমদা ফি মচু অমদি ফৈজোম মপান চনবা নত্তবা শেৎপিরগা থৌরম পাঙথোকপিবনা হেন্না ফৈ। থৌরম পাঙথোকপা মতমদা মালেম লৈশা নম্বিয়ু। পুন্সি লৈপুল শেমজদুনা লুহোংগদৌরিবী চনু নিঙোলনা মালেম লৈশা শীজিন্নবিবনা হেন্না ফৈ।
ফিজেৎ লৈতেংনা মীওইবগী চৎনবী মশক তাক্কদৌরিবনি। য়ারগদি লীৎকদৌরিবা ফুরিৎ অসিনা লিশোল ফুরিৎ অশংবা শিজিন্নবনা হেন্না ফৈ। মরমদি অরিবা মতমগী লাই ওইখ্রবা অখং-অহৈ অহল-লমন কয়ানা তাকপিরম্বা পোৎ খুদিংগী ৱাহন্থোক লৈগনি। থৌরম থৌরমগী ওইবা লাইনিংগী ওইবা ৱাহন্থোক পুয়া লাইরিক্নচিংবা কয়াদা পীবিরম্বনা মরম ওইরগা হেন্না ফজবা হেন্না মান্নবা চৎনবী মপুঙ ফাবা অপুনবা অমা ওইনবা হোৎনমিন্নসি। ৱাফম অমনা শোন্নপুং ময়াই লাইফম কংলাদা থৌরম হৌবনচিংবা পাঙথোক্লিঙৈদা লেঙবিরক্লিবা খুদিংমক্না শোল্লিবা থৌরমদু লোইদ্রিবা ফাওবা ময়াই কংলা শোন্নপুংদা চঙদবনা হেন্না ফৈ। উমংলাই হরাওবদা ওইরবদি লাই লম্লানবা থোক্কনি, তৌহৈদে। হেন্না ফজবা থৌরম অমা ওইনবগীদমক হোৎনমিন্নসি হায়নসু চেরোল অসিনা মখা তানা ফোঙদোরক্লি।
সোর্স: হুইয়েন লানপাউ