আগরতলা, জুলাই ০৬ : লেপ্পা নাইদ্রবা হিংসাগী থৌদোক ঈরাংনা থা অনী শুরবা ফাওবদা মণিপুরদা লিশিং লিশিং মীওইশিং মশা মশাগী য়ুম্ফমদা হঞ্জিনবা ঙমদনা লৈরি। রিলিফ ক্যাম্পতা মখোয়গী মতেংগীদমক তঙায়ফদ্রবা পোৎলুম খরা ত্রিপুরাদগী অভয়নগরগী পুথিবা ওয়েলফেয়ার এ্যান্ড কালচারেল সোসাইটিনা স্পীড পোষ্টকী খুত্থাংদা ঙরাং ইম্ফালদা থাখ্রে।

পোৎলম থাবগী মমাংদা পুথিবা শঙলেন্দা পাঙথোকখিবা থৌরম অমদা এ.এম.সিগী মেয়র দীপক মজুমদার, এ.এন.সি কাউন্সিলর হীরলাল সাহা অমসুং কর্পোরেটর শান্তনা সাহা য়াওনা পুথিবাগী এম. নীলকমল, এস দীপক কুমার নচিংবা অঙম অথৌশিং শরুক য়াখি। পনবা য়াবদি হায়রিবা পোৎলম অসি মণিপুরগী উমংলাই কনবা লুপ (উকল) থারগা মথংদা উকলগী খুত্থাংদা তোঙান তোঙানবা রিলিফ ক্যাম্পতা য়েন্থোক্কদবনি।

সোর্স: মরূপ