অৱাং ত্রিপুরা জিলাগী মৈতৈ নুপী অনীদা ড. আম্বেদকর নেশনেল এৱার্ড-২০২৩
মরূপ পাউমী, আগরতলা
সাহিত্য সংস্কৃতিগী লমদা শোত্থরবা ফুরূপতগী মশক নাইবা মীওইশিংবু খনগৎলগা ময়ামদা শক খঙহনবা ওইনা ভারতীয় দলিত সাহিত্য একাডেমি, নিউ দিল্লীনা চহী খুদিং মখল কয়াগী মনা পীদুনা লাক্লি। হন্দক চহী ত্রিপুরাগী অৱাং ডিষ্ট্রিক্টতগী শক্নাইরবী সংস্কৃতিসেবী মৈতৈ নুপী অনীবু ‘বাবা সাহেব ডা. আম্বেদকর নেশনেল ফেলোশীপ এৱার্ড ২০২৩’ গী দমক খনখ্রে।
এৱার্ড ফংগদবা মখোয় অনী অদুদি ধর্মনগর রাজবাড়ীগী ভাগবত গীতা পাঠ তৌবদা ময়াম্না মশক খঙলবী গুরুময়ূম সুরধনী শর্মা অমসুং জলাবাসা মৈতৈ খুঙ্গংগী ঙাঙোম সুচিত্রা সিংহনি।
হয়ে ডিসেম্বর তাং ১০ অমসুং ১১ নুমিৎ নিনি চুপ্না দিল্লীগী ঝারোদ ভিলেজতা লৈবা পঞ্চশীল কৌবা আশ্রমদা পাঙথোক্কদবা একাডেমি অসিগী ৩৯ শুবা চহীগী মীফমগা মরী লৈননা মনা অসি লান্থোক্কনি হায়না একাডেমিগী নেশনেল প্রেসিডেন্ট ড. এস. পি সুমনারকসরগী চেরোল অমনা হায়রি।
পনবা য়াবদি ইং ২০০৮ দগী ত্রিপুরাদা হৌজিক ফাওবদা ফেলোশীফ এৱার্ড ফংখ্রবা মৈতৈ ৮ শুখ্রে। মখোয়শিং অদুগী মনুঙদা নারানগী গুরুময়ুম রাজেশ্বর শর্মা, ধর্মনরগী য়ুম্নাম গোপীকা সিংহ, আরকে নরেন্দ্রজিৎ অমসুং ধলেশ্বরগী নিংথৌখোংজম দিলীপ কুমার ঙসি লৈখিদ্রে।
0 কমেন্ট:
কমেন্ট তৌবিয়ু