অথৌবশিংগী নিংশিং নুমিৎ পাংথোকখ্রে
সিলেট, আগস্ট ১৪ : ব্রিটিশকী মায়োক্তা লান্থেংনখিবা থওয়াইনা পোন্থা পিখ্রবা অথৌবশিংগী মফমদা হৈকৎ লৈকৎ কৎতুনা ইকায়খুম্নবা উৎখ্রে। ঙরাং ১৩ আগস্ট থাংজ নুমিৎ নুংথিল পুং মঙা তাব মতমদা মণিপুরী কালচারেল একাডেমী, নয়াপত্তন, আদমপুরবাজার’না শিন্দুনা থৌরম অসি পাংথোকখি। একাডেমী অসিগী প্রেসিডেন্ট থোঙাম পলাশ সিংহনা ময়াই তাংবল ওইদুনা মীথুংলেনদা শান্ত কুমার সিংহ, সেক্রেটারী, মণিপুরী প্রাথমিক শিক্ষক সমিতি, বৃন্দারানী সিনহা, ফাউন্ডার, মণিপুরী ভাষা প্রশিক্ষণ কেন্দ্র, অবুজম মণিভদ্র, সেক্রেটারী, ইন্টারন্যাশনাল মণিপুরী এসোসিয়েশন, বাংলাদেশ চ্যাপ্তার, হামোম প্রবিত, সেক্রেটারী, বাংলাদেশ মণিপুরী সাহিত্য সংসদ, কমলগঞ্জ মশা, কন্থৌজম শিল্পী, ফাউন্ডার, হৈরোল অতিথি ওইনা শরুক য়াখি। খুরাইজম প্রমেশ্বরনা কন্ডাক্ট তৌরদুনা মহৈরোয়শিংগী শৈরেং চাংদম্নবা অদুদা ক্লাশ অমা, অনী (ক গ্রুপ) ক্লাম অহুম-মঙা (খ গ্রুপ) ক্লাশ তরুক-নিপাল (গ গ্রুপ) খায়দোক্তুনা চাংদম্নবগী শরুক অমসু য়াউখি।
অসিগুম্লবা ইজাতিগী ওইবা থৌদোক ওয়াথোক কয়াতং ঐখোয়না থৌরম ওইনা পাংথোক্ত্রগদি তুংদা হৌরক্কদৌরিবা অঙাংশিংদা খংহন্বদা অওয়াবা অমা ওইনা মায়োক্নরনি। মদুনা চহীগী পাংথোক্নবা হায়দুনা পুক্নিং থৌগৎপিরম্মি। অরোইবদা শৈরেং চাংদম্নবদা মথং মনাও ওইবশিংদা প্রাইজসু য়েন্থোকখি।
0 কমেন্ট:
কমেন্ট তৌবিয়ু