• 7
• ৫ই মার্চ ২০২৪ ইং
• Share on:

হঞ্জবম লাংলেনতোম্বীনা গোল্ড অদুগা হঞ্জবম কর্নজিৎনা সিলভার মেদল লৌবা ঙমখ্রে

ইম্ফাল, মার্চ ০৪

থা অসিগী ১দগী হৌরগা রাশিয়াগী কোনুং মোস্কোদা চত্থরকখিবা ৯ লক শুবা ইন্টারনেসনেল টুর্নামেন্ট মোস্কো ৱুশু ষ্টারস ২০২৪ দা ইন্দিয়াগী মহুৎ শিন্দুনা শরুক য়ারিবা মণিপুরগী শান্নরোয় হঞ্জবম লাংলেনতোম্বীনা সিনিয়র কেটগোরিগী ইভেন্ট অহুমদা গোল্ড মেদল ১, সিলভর ১ অমসুং ব্রোঞ্জ ১ য়াওনা পূন্না মেদল ৩ ফংবা ঙমখ্রে। অমরোমদা, নুপাগী সিনিয়র কেটগোরিদা শান্নখিবা মণিপুরগী হঞ্জবম কর্নজিৎনসু সিলভার মেদল অমা লৌবা ঙমখ্রে।

টুর্নামেন্ট অসিদা হঞ্জবম লাংলেনতোম্বীনা তোঙান-তোঙানবা ইভেন্ট অহুমদা শান্নখিবদা চাউখৎলবা লৈবাক কয়াদগী লাকপা শান্নরোয়শিংগা লম্বা তৌনখি। মদুদা ননক্বান ইভেন্টতা গোল্ড, ননগ্বানদা সিলভার অদুগা নন্দাওদা ব্রোঞ্জ লৌবা ঙমখিবনি। ৱুশু টুর্নামেন্ট অসিদা নুপাগী সিনিয়র কেটগোরিগী তাওলু ইভেন্টকী তাইজিক্বানদা হঞ্জবম কর্নজিৎনা সিলভর মেদল লৌবা ঙমখিবনি।

ইন্দিয়ান ৱুশু টিমদা শরুক য়াদুনা শান্নরিবা হঞ্জবম কর্নজিৎ অমসুং হঞ্জবম লাংলেনতোম্বী মখোয় অনীমক ৱাঙ্খৈ অয়াংপল্লি কোংপাল লাইশ্রম লৈকাইদা লৈবা হঞ্জবম জয়দেব অমদি হঞ্জবম কমলা অনীনা পোকচবা মচিন-মনাওনি। লাংলেনতোম্বী হৌজিক-হৌজিক চন্ডিগড় য়ুনিভার্সিটিদা বেচেলর ওফ ফিজিকেল এদ্যুকেসন এন্দ স্পোর্টসতা অহানাবা চহীদা তম্লিবী মহৈরোয়নি। অদুগা কর্নজিৎনা ইন্দিয়ান এয়ার ফোর্সতা থবক তৌদুনা দেল্লীদা লৈবনি।

সোর্স: হুইয়েন লানপাউ।