সিপাহীজলা ডিষ্ট্রিক্ট বিশালগড় পরগনাগী খুঙ্গং অনীদা গুরু কীর্ত্তন পাঙথোকখ্রে
আগরতলা, দিসেম্বর ৮ : চহী তরা নিথোই মতুং বাদ্যারধীঘি খুঙ্গংদা হরিনা শোল্লদুনা সংকীর্ত্তন (গুরু কীর্ত্তন) থৌরম পাঙথোকখ্রে। রাজর্ষি ভাগ্যচন্দ্রগী গুরুদেব শ্রী নরোত্তম দাস ঠাকুরনা লৈখিদবা তিরোধান তিথি উৎসবকা মরী লৈননা সিপাহীজলা ডিষ্ট্রিক্টকী বিশালগড় পরগনা মনুং চন্না লৈবা মৈতৈ খুঙ্গং অনী বাদ্যারদীঘি অমসুং গোলাঘাটিদা হন্দক চহীগী গুরু কীর্ত্তন উৎসব পাঙথোকখ্রে। ব্যদারদীঘি মণিপুরী নট সংকীর্ত্তন ডেভেলপমেন্ট ওর্গানাইজেশন্না শীন্দুনা চহী ১২ মতুং পাঙথোকখিবা গুরু কীর্ত্তনদা পুংদা অধিকারীময়ুম রঞ্জিত শর্মা, এ সমরজিৎ, লোইতাম তুষার, মায়থাম অঙ্কুর, টিএইচ সুরেন অদুগা ঈশেদা এন নান্টু, কেএইচ সুরেন অদুগা ঈশৈদা এন নান্টু, কেএইচ সুমেন শরুক য়াখি হায়না লুপগী সেক্রেটারী কোনসম অতুলনা পাউমী শিংদা ফোংদোকখি।
অমরোমদা চহী খুদিং তৌনা গোলাঘাটি মনীং লৈকাই মান্ডপতা বিজয় গোবিন্দ সুরক্ষা কমিটিনা শীন্দুনা হন্দক্কী গুরু কীর্ত্তন উৎসবতা মণিপুরদগী পুং য়ৈবা, ঈশৈ শকপা, দোহার নচিংবা শরুক য়াখি। লমদম অসিদা খ্বাইদগী লীরবা গুরু কীর্ত্তননি হায়না সুরক্ষা কমিটিগী সেক্রেটারী ৱাই রসিক লাল সিংহনা ফোঙদোকখি।
সোর্স : মরূপ
0 কমেন্ট:
কমেন্ট তৌবিয়ু