সাহিত্য একাদেমি এৱার্দি নিশান নিংতম্বা লৈখিদ্রে
ইম্ফাল, ওক্টোবর ১২ : ইং ১৯৯৭ তা সাহিত্য একাদেমি নিউ দিল্লীনা সাহিত্য একাদিমি ত্রান্সলেসন এৱার্দ পীদুনা ইকায়খুম্নখ্রবা চিঙ্গাংবম নিশান নিংতম্বা ঙসি অয়ুক লৈখিদ্রে।
ইং ১৯৩৯ গী আগস্ত ২২ দা ক্বাকৈথেলে লমদোং লৈকায়দা পোকখিবা নিশান নিংতম্বনা হিংলিঙৈ মতমদা হিন্দী লোলদা ফোঙবা লাইরিক কয়া মণিপুরী লোলদা হন্দোক্তুনা ফোঙখি লোয়ননা মণিপুরী লোলদা ফোঙবা মশখ নাইবা লাইরিক কয়া হিন্দী লোলদা হন্দোক্তুনা ফোঙখি।
মণিপুরী লোলদগী হিন্দী হন্দোক্তুনা ফোঙখিবা লাইরিকশিংগী মনুংদা মাধবী, জহেরা, ইলিশা অমগী মহাও, গোদান, প্রেমচান্দগী অখন্নবা ৱারী, থরো অশংবী, নিংবা কায়রবা উমংনচিংবা পনবা য়াই।
হিন্দী লোলদা ইবা লাইরিক ৮ সু ফোঙলমখি। মহাক্না ফংখিবা এৱার্দশিংগী মনুংদা সাহিত্য একাদেমি ত্রান্সলেসন এৱার্দ ১৯৯৭, হিন্দীতর-ভাশি হিন্দী সাহিত্যকরণ কো পুরস্কার, হিন্দী সেবা রত্ন, রাস্ত্রভশা রত্না, শান্তি শাধনা, হিন্দী গরিমা সম্মান, অনুবাদ ভূষণ পনবা য়াই।
সোর্স: পোক্নফম
0 কমেন্ট:
কমেন্ট তৌবিয়ু