• 649
• ১লা জানুয়ারী ২০২৪ ইং
• Share on:

সাথৌলূপনা শীন্দুনা ইম্ফাল লিতরেচর ফেস্তিবেল পাঙথোকখ্রে

ইম্ফাল, দিসেম্বর ৩১: সাহিত্য থৌপাং লূপ (সাথৌলূপ) না শীন্দুনা ঙসি ওল্ড এসেমব্লি রোদতা লৈবা মণিপুর হিন্দী পরিষদকী হোলদা ইম্ফাল লিতরেচর ফেস্তিবেল পাঙথোকখ্রে। ঙসিগী থৌরম অদুদা মণিপুরী এদভাইজরি বোর্দ সাহিত্য একাদেমিগী কনভেনর ওইরিবা প্রোফেসর রাজেন তোইজাম্বনা চীফ গেস্ত অমসুং বোর্দ অসিগী হান্নগী কনভেনর নোংমাইথেং কিরনকুমারনা প্রেসিদেন্ট ওইখি।

ঙসিগী থৌরম অসিগা মরী লৈননা সাহিত্য একাদেমি এৱার্দি সরতচান্দ থিয়ামনা হায়খি, ২০১৩ দগী ঙসিফাওবা লেপ্তনা পাঙথোরক্লিবা ইম্ফাল লিতরচের ফেস্তিবেল অসিনা মণিপুরী লিতরেচরবু মীয়ামদা খঙহন্দুনা লাক্লি অমসুং মপানগী লিতরেচরবু খঙহন্নবসু হোৎনরি। শাথৌলূপ লিংখৎখিবা চহী ২০ মপূং ফারকপগা লোয়ননা তোঙান তোঙানবা মফম কয়াদা চহী অমা চুপ্না থৌরম কয়া পাঙথোক্তুনা লোন অমসুং সাহিত্যবু খঙহন্নবা হোৎনগনি। মণিপুরগী ত্রিপুরা অমসুং ওয়েষ্ট বেঙ্গলনচিংবা মফম কয়াদসু থৌরম পাঙথোক্কনি। মালেমগী মমিং লৈরবা লোল অমসুং সাহিত্য নৈনবগা লোয়ননা সিম্পোজিয়াম অমসুং সেমিনারনচিংবুস পাঙথোক্কনি। লাইওইরবা ইপা ইপুশিংনা থম্বীরম্বা থাক ৱাংলবা সাহিত্যবু খঙহন্নবা হোৎনগনি।

       ইন্টার্নেস্নেল মণিপুরী মেগাজিন ‘শক্লোন’

ফেস্তিবেল অসিগা মরী লৈননা সাহিত্য একাদেমিনা পুথোকপা এদ্রিফ্ট হায়না মিংথোনবা ক্ষেত্রিময়ুম প্রেমচন্দ্রনা খোমজিনবা অমসুং এদিত তৌবা পোস্ত-ইন্দিপেন্দেন্স মণিপুরী পোইত্রিগী লাইরিক অমা ফোঙখি। নিউ দিল্লীদা লৈবা অথর প্রেসনা পুথোকপা বিয়োন্দ দা লেঙ্গুইজ (ভোল্যুম ২) হায়না মিং থোনবা মিস্না চনুননা চীফ এদিতর ওইবা লোল ৬ কী খোমজিনবা শৈরেং লাইরিক অমসু ফোঙখি। লোয়ননা শাথৌলূপনা চহীগী ওইনা পুথোকপা ইন্টার্নেস্নেল মণিপুরী মেগাজিন ‘শক্লোন’ গী ১৭ শুবা ইসুসু ফোঙখি।

চীফ গেস্ত ওইখিবা রাজেন তোইজাম্বনা থৌরম অসিগা মরী লৈননা হায়খি, হৌজিক অসিগা মরী লৈননা হায়খি, হৌজিক ঐখোয়না সাহিত্যগী তৌগদবা য়াম্না লৈরি। ঐখোয় পুম্নমক অমত্তা ওইনা হোৎনমিন্নদুনা মণিপুরী সাহিত্য অসি হেন্না খঙহনবা চঙই। মহাক্না কনভেনর ওইরিঙৈ মতমসিদা সাহিত্য একাদেমিগী মায়কৈদগী তৌবা য়াবা তৌগনি।

প্রেসিদেন্ট ওইখিবা কিরনকুমারনা হায়খি, ঐখোয়গী লোল অমসুং সাহিত্য অসিবু মপান লমদা খঙহন্নবা হোৎনবদা ত্রান্সলেসন হায়বসি য়াম্না মরু ওই। ঐখোয়গী সাহিত্য অসিনা অতোপ্পদগী করিসু হন্থদে। অদুবু খঙহন্নবা হোৎনবদা ত্রান্সলেসন য়াম্না দরকার ওই। মালেমগী অকনবা কম্পিতিসনগী যুগ অসিদা ঐখোয় মাঙলোমদা কন্না চঙশিনবা চুমগনি।

ঙসি ফোঙখিবা এদ্রিফ্ট হায়বসিগী মতাঙদা প্রোফেসর থৌনাওজম রতনকুমারনা হায়খি, ঙসিদি য়াম্না নুংঙাইবা নুমিৎ অমনি। মরমদি মণিপুরী শৈরেংগী মহাও অসি ইংলিশতা হন্দোক্তুনা ফোঙলবনিনা মপানগী মীওইশিংনা খঙবা ঙম্লগনি। ইরাবত, সমরেন্দ্র, নিলকান্তদগী হৌরগা খ্বাইদগী নহা ওইরিবা অমরজিৎ, পরসুরাম, জিতেন্নচিংব ফাওবগী শৈরেংশিংবু ইংলিসতা হন্দোক্তুনা পূথোরকপা হায়বসি ঐখোয়গীদি য়াম্না চাউথোকচনিঙাইনি।

সোর্স: পোক্নফম